١٠) لقاءنا المستحيل الكاتبة صفاء حسني الطيب

الحلقة ١٩

يدخل من الباب كريم
تعالي يا جاسر وهتعرف كل حاجه احنا لازم ندخلك معانا علشان نعرف فين سجى

اتنهد جاسر :
كريم انا مش فاهم حاجة يعنى سجى ملهاش علاقه مع عمر؟
طيب هى فين ؟

رد كريم :
أحنا اتجمعنا كلنا هنا عشان نفس السؤال؟

نزل جاسر علي الارض وهو ندمان ثم تذكر شئ

هو فين عمر
ازاح عمر الشال اللي كان مغطى بيه وشه وقال
انا هنا
قام جاسر من على الارض وقرب إليه مادام انت عارف انها بريئه ما ظهرتش ليه؟

رد عمر :
عشان كنت مخطوف
انصدم جاسر :
بلهفة يعنى سجى كمان مخطوفة

رد ايهاب :
اللي يقدر يجاوب علي السؤال ده محمد الاسيوطى

استغرب جاسر :
وليه ابوى وايه دخله في موضوع سجى ؟

اتنهد ايهاب وبد يشرح :
فاكر لما قلت ليك كلكم في نظرى مشتبه في ؟!

رد جاسر :
اه بس اي اللي هيستفيده من قتلها او خطفها

رد مروان:
عشان هى الوحيدة اللي اكتشفت انه تاجر اثار

كان جاسر مصدوم مين الا تاجر اثار
ابوى ؟!

........،،،،،......ّ..،،.......

كان محمد متعصب :
يعنى بقيت كارت محروق
رد جون :
الولد هرب والبنت مش ليها اثر وكل المعلومات اللي تخصك تحت ايديههم

انفعل محمد :
انا مش مسؤول انا نفذت كل اللى انطلب منى
والكل صدق انها هربت مع عمر حتي مراتى وقفت القضية واتنقل الظابط

انتوا اللي معرفتوش تشوفوا شغلكم انا مش مسؤول

رد جون :
هذا الكلام لا يفيد بشئ

........،؟،،،،.........

كانت عزيزة بتدور على محمد سالت الخادمه:
فين سيدك محمد يا هناء ؟

ردت هناء :
دخل في اوضه المكتب يا مادم

هزت عزيزة راسها وقالت :
شكرا
تخطو خطوتين

وقفتها هناء :
معاه ضيف يا هانم

ردت عزيزة :
مفيش مشكلة حروح ليه

سارت خطواتها لكى تذهب إليه

ولما قربت وحطت ايدها علي الباب

سمعت صوت
.

.........
كانت عزيزة

تخطو خطوة تلو الاخرى وتسمع صوت بكاء تترك مقبض الباب

وتتجه الي الصوت تجد نور تبكى امام حمام السباحة
اقتربت عزيزة :
مالك يا نور بتعيط ليه؟
ردت نورا :
انا مخنوقة يا ماما .
سالتها عزيزة :
ليه يا حبيبتى ايه اللي مزعلك وخنقك كده؟
سالتها  نورا :
هو ممكن حد يظلم للدرجة دى ؟
سالتها عزيزة ؟؟؟
مين اللي ظلمك وايه الكلام الكبير ده
اتنهدت نورا :
انا خايفة يا ماما خايفة اوي وكارهه الدنيا كلها
قلقت عزيزة وقالت:
انطقي يا بتى قلقتيني مالك ايه اللى حصل اوعى يكون حد اتعرض لك؟
اتنهدت نور :
لا يا ماما متخافيش عليا ابله سجى علمتنى كل حاجة
اضيقت عزيزة وقالت بتهكم :
كانت تعلم نفسها الاول سببت فضيحة للكل
انفعلت نورا :
انتي كمان صدقتي؟! ابله سجى معملتش حاجة كانت ضحية
استغربت عزيزة معرفة نور وقلقت من جواها :
ضحية ازى
انتى تعرفي حاجة عن سجى كلمتك؟
ردت نور :
لا يا ماما ياريت اعرف اوصلها واقولها سامحي بابا عشان ربنا ميخدش ذنبك منى
استغربت عزيزة :
ايه اللي انتى بتقوليه ده؟ ابوكى ماله بسجى؟
ردت نور :
وبدات تحكي اللى سمعته من ساعة
...........،..،،،،،..........
فى نفس الوقت سال جاسر :
هو بابا ماله بالموضوع
رد عمر :
الموضوع بدأ من شهور قبل الحادثة
اتعصب جاسر وحسي بالغيرة :
موضوعكم مع بعض انت وسجى
اقترب كريم منه وضربه بالقلم علي وشه
ووجه كلامه للشباب
مش قلت ليكم انه مش هيصدق ده جبان انانى مش بيفكر الا فى شهواته وبس
طلب مروان من كريم يهدى :
اهدى يا كريم كلنا معرضين للحظات ضعف كمل يا عمر
كان جاسر محتاج القلم ده علشان يستعيد وعيه وكانه مغيب من سنه كاملة
بدا يحكى عمر فاكر  يوم حادثة البحر الأحمر الإرهابيه لما فتحت التليفزيون وفقدت سجى وعيها ونقلتها على غرفة في المنتجع
فلاش باك
تفتح سجى عيونها تجد نفسها نايمة في غرفة ليست غرفتها التي بالقصر
وعزيزة جانبها
تقوم من فراشها تغسل وجهها وتاخذ شاور وترتدى جيبة سوداء واسعة وفوقها قميص لونه ازرق فاتح وفوقها الحجاب ابيض بيكون الزي الرسمي للمنتجع اللي صممته سجى للبنات
وتفتح الباب وتنزل من الغرفة الي الحديقة الخلفية وهى ماشية تسمع حوار
عمر مع السائح
..........،،،........
عمر يتذكر
عمر :
Take The Pharaonic statue it's Original)خذ هذا التمثال الفرعوني انه اصلى
السائح :
How much it?? كام السعر
عمر :٢٠٠٠ يورو مستر جون
جون :اذا سوف اخذه واذا اكتشفت انه ليس اصلي سوف ابلغ عنك صاحب المنتجع
عمر :sure بالتأكيد
عمر يلتفت بعد ان ينتهي الحوار يري سجى تنظر له بعتاب
وتبدأ المشكلة
باك
انصدم جاسر :
يعني انت كنت بتبيع التماثيل دى
رد عمر :
اه ولما اكتشفت انهم يببدلوها رفضت فاستعملوا معايا العنف
وكل الصور اللي شفتها في لقاءتنا كنت بتكلم معاها واسالها اعمل ايه وهى قالت لى انها حتسأل شرطى صديق لعائلتها
ابتسم مروان وقال :
سجى بريئة جدا كانت فاكراني شرطى عشان انا ظابط في الجيش
لما زارتنا في الاجازة بلغتني وكانت معاها تمثال من اللي عمر مصممه
لما رجعت الخدمة سالت عندنا في قسم النحت وشافوه وبعد ما حكيت ليهم قال يعرف شرطى يكون ابن عمه ولكن ماسك التحقيقات الجنائية وفعلا قابلته ولكن بعد اختفاء سجى ولما سمعت عنها الاشاعة اللي طلعت وتصديق كل اهلها والتخلي عنها اصريت اني افهم الموضوع