١٠) لقاءنا المستحيل الكاتبة صفاء حسني الطيب

الحلقه ٧

جدي حبيبي في يوم طلب من بابا يرجع الصعيد لكن مش عارفه ليه طلبه على غرفته واتكلموا
...

الجدة :محمود الحمدلله  قضيتك اتحليت ودلوقتى تعرف تروح في كل مكان مع سقوط الحكم انا عاوز ارجع بلدي في الصعيد
اتنهد محمود وقال
عارف لكن بلاش تفكرهم بي يا ابا انا صدقت الحال مشي وبقي تمام. وبقينا نكسب حلو وكمان عندنا اراضي هنا وبيوت ليه عاوز نرجع للنار

ابتسم الجد :
يا محمود انا معاك من عشر سنين لكن العمر خلاص وعايز ادفن جانبهم   امك وحشتني  جوى عايز  ازورها اخر ايام وابوى وجدودى  وعاوز اطمن علي اختك من شهور مش عارف عنها حاجة

اتنهد محمود :
هي اخر مرة كلمتها لم كنت في راس البر من سنتين وطمنتي على ان موضوعي انتها
وطلبت مني ارجع بس رفض
بس كدة فعلا الموضوع يقلق كنت تستنى شهرين بس البنت تخلص امتحانات ونسافر

رد الجدي :
العمر مفهوش شهرين يا ابني ولازم نخلص الموضوع خالص

هز محمود راسه :
حاضر يا بابا اجهز نفسي وابلغ سحر  وربنا سترها

.................. .

نزل محمود عند سحر وقال:
ابوي مصمم على السفر

سالته سحر :
طيب يقعد هناك لوحده هو هنا كان في وسطينا رغم رفضه يقعد في الشقة معانا وطلع اقعد في اوطه فوق ل وحده وقال مش عاوز يدخل في خصوصياتكم، بس طول الوقت كان قصاد عينينا وبيعدي وهو رايح يصلي وسجي كانت بتطلع توديه الاكل ويقعد يتكلم معها كتير

ابتسم محمود :
عشان سجي بتفكره ب اختي عزيزة واشتاق ليه
قلبه قلقان عليها اوي  وعايز  يطمن عليها اتكلم عن الموت والاموات انا خائف عليه

اتنهدت سحر :
ربنا يسلم ويجيب العواقب على خير اتكل على الله وبعد الامتحانات نبقي نزوره ونقنعه يرجع

هز محمود راسه
ان شاء الله

...............

ابتسمت سجى احكي ليكم عن جدى
حاجة مش موجود في الزمن ده كنت بحب اقعد معه كتير  واسمع حواديته عن زمان وازاي كفر سعد تصدد للفرنسيين، ايام زمان، ووقف وقفة راجل واحد و معلومات كتير عن أيام الخديوي وايام جمال عبد الناصر والسادات كان موسوعه في التاريخ، رغم انى كنت فاكرها  راجل فلاح، لكن عرفت انه ازهري ومعه درسات اسلامي قسم تاريخ كانت مفجاءة لي لان كنت فاكرة العكس
ومن الابتدائي وهو بيذكر لي الدرسات
و حببنى في تاريخ بلدي كنت بقفل فيها  اولي اعدادي وستة وكمان تاني اعددي لكن مش  عارفه  ليه جاي على  الشهادة الا اتحدد مسير، ويسبني زعلت اوى عشان يسافر بس بابا وعدني
لكن بابا رجع من البلد متغير، وخايف وسمعته بيتكلم مع حد  مفهمتش حاجه ومشيت على طول

كان محمود رايح جاي
لا طبعا يا عزيزة كله الا بنتى مفهوم 
اتنهدت عزيزة وقالت
انا اتجنن هما عرفوا ازى اصلا انك رجعت وانك عندك بنت وولد حاجه تجنن ومصممين الدي ان يحصل تبادل والبنت تتجوز حد منهم
صرخ محمود وقال
تبادل فى عينه ابنهم كان يستحق الحرق مش القتل بس اتحرش ببنت وكان يعتدى عليها مكنش ينفع اقف ساكت يا اختى حسيت انك الا اقدمى او سحر احساس صعب
اتنهدتعزيزة وقالت
عارفةيا اخى والله يسامحها الا دفعت عنها شهدة زور
هز راسه محمودبغضب
بلاش تتكلم عنها دلوقتي هى اتجوزت اخوكى وسافروا وسابوا التار وكل حاجه وانا اختفيت لكن النصيب بقي انا عندى استعدد اروح بكفانى انا وابنى لكن بنتى صغيره مش هتتجوز بالطريقة دي  حتى لو على جثتى فاهمنى يا عزيزة  انا حلمى تخلص تعلميها وتبقي مهندسة اقد الدنيا ويرزقها بالشاب التقى الا نرضوه دينا وخلقنا
هزت رأسها عزيزة
  طيب تعال عشان  ابوك تعب بسبب فتح الموضوع تانى
....
كانت تمر سجى من جوار غرفة ابوه وسمعت انه يرجع يسافر
ورفض اسافر معه قال
اول يوم في الامتحانات وجدك  مريض ومحتاج يشوفونا كلنا
لكن بابا رفض اروح ماما هتسافر مع بابا وياسر
سمعت بابا قال
تساله سحر
ما كنا انتظرنا تخلص الامتحانات  مش ينفع ناجل امتحانات نصف العام عشان ده شهادة مش ناقلا وكمان نسيبها فين
محمود :
سجى نسيبها مع خالتها مش هتيجي وتتمتحن