She's A Bad Girl

Chapter 17

      

                                                                 ****

Magtatalumpung minuto ng nakatambay si Jacob sa labas ng isang classroom. Padaan-daan na sa harap niya ang mga nagpapansin at kinikilig na mga estudyante. Usually he felt awkward at situation like this pero nanatili pa rin siyang nakatayong mag-isa sa hallway.

Hinihintay niyang matapos ang klase ng mga nanakit kay Miisha. Sekreto niyang kinausap sina Claribel at Jesusa at sinabi ng mga ito ang totoong nangyari. Pagkatapos ay dito na nga agad siya dinala ng mga paa.

Nang maglabasan ang inaantay na klase'y inihanda niya agad ang sarili na harapin ang tinatawag nina Claribel na grupo daw ng Pinky Fairies. Nang makita siya ng isa sa mga babae'y napangiti agad ito sabay tawag sa mga kaibigan.

"Girls andito si Jacob oh!" tili nito.

Nginitia't kinawayan niya ang mga ito. Dali-daling lumapit sa kanya ang tatlong babae.

"Hi Jacob!" halos sabay-sabay na bati ng mga ito.

"Hi!" malugod na sagot niya.

Kinilig ang tatlo sa ganting bati niya kaya mas lalo pa itong lumapit sa kanya na animoy binabakuran siya mula sa iba pang mga dumadaang estudyante.

"Anong ginagawa mo dito mag-isa Jacob? Are you here to talk to our professor?" tanong sa kanya ng pinakabossy sa tatlo. He remembers their faces but not their names.

"I'm here to see you guys...." Naningkit ang mga mata niya sabay turo na kunway inaalala ang mga pangalan ng tatlong kaharap.

"I'm Cheska," kusang sagot ng nasa gitna who has the most authoritative aura among the three.

"Beverly Joyce," sabi ng nasa kaliwa.

"Farrah," ani ng nasa kanan.

"R-Really you're here to see us?!" namimilog ang mga mata at may kalakasang sabi ni Cheska na sadyang ipinaririnig ito sa mga dumadaan.

"Yap. Pwede ko ba kayong kausapin sa medyo tahimik na lugar?" maamo't may ngiting sabi niya.

Napatili ang tatlo sa sinabi niya.

"Sure!" mabilis na sagot ni Cheska.

Sinama niya ang magkakaibigan sa likod ng isa sa mga main buildings.

"Anong sasabihin mo Jacob?" di makapag-antay na ika ni Farrah.

Saka lamang hinarap ni Jacob ang mga babae nang may seryosong-seryosong mukha.

"Why did you do that to Miisha?" walang paligoy-ligoy na tanong niya.