She's A Bad Girl

Chapter 14

             

                            *****

"Miisha Avenoja, twenty over fifty."

Pasimpleng natatawa ang mga kaklase ni Miisha habang naglalakad siya patungo sa mesa ng professor para tanggapin ang resulta ng kanyang nat.sci. exam. Siya ang lowest pero nakangiti pa rin siya. Wala siyang pakialam sa reaksiyon ng mga kamag-aral. Malaking improvement na ito sa kanya. At least nakatwenty siya di gaya ng mga naunang exams na sampu lang ang pinakamataas na nakuha niya.

"Miss Avenoja I'm glad that you're improving," bati sa kanya ng professor.

"Thank you," sagot niya.

Sa lahat yata ng lowest at bagsak, siya lang ang bukod tanging nakakatanggap ng congratulatory remark.

Bumalik siya sa kanyang desk at tinitigang maigi ang kanyang test paper. Inilabas niya ang isa niya pang exam. Sa mathematics naman ito at sa wakas ay pasado na siya. Bagamat hanggang twenty lang ang test at least nakakuha siya ng sampu.

Hindi na siya makapaghintay na ipagmalaki ang mga test results niya kina Jacob at Kyle. Nagbunga rin ang pagtulong ng mga ito sa kanya.

Pagdating ng breaktime, diretso agad siya sa canteen para abangan ang grupo nina Jacob. Excited na excited na siyang ipaalam sa mga ito ang scores niya. Simula nang pumuwesto siya sa isang mesa'y di na humiwalay sa kamay niya ang mga test papers. Maya't maya niya itong tinitingnan at nirereview. Tinatandaan niya ang mga naging mali niya para sa susunod ay masagot niya na ito ng tama.

After one hour of waiting, sa wakas ay dumating na rin ang mga inaantay niya. Hindi siya napansin ng grupo dahil as usual sinasalubong na naman ang mga ito ng mga admirers. She didn't get their attention at hinayaan na lang munang makaorder ang mga ito. Nang makapuwesto ang tatlo sa mesa saka lamang siya lumapit. Magkatabi sina Jacob at Laarni kaya't sa tabi siya ni Kyle naupo. Tamang-tama ito talaga ang una niyang gustong pasalamatan.

Napakunot agad ng noo si Jacob sa biglaan niyang pagsulpot.

"Kyle!" masiglang bati niya sabay lapag sa mesa ng kanyang math exam. "Tingnan mo o nakapasa ako sa math!" nakangiting balita niya.

Namilog ang mga mata ni Kyle at tiningnan nito ang papel. "Really wow congratulation Miisha!"

"Congrats Miisha!" may ngiting sabi sa kanya ni Laarni.

"Salamat! At thank you rin sa pagtuturo mo sa akin Kyle. Ang galing mong teacher!" puri niya.

Tumaas ang kilay ni Jacob sa narinig. "Why are you only thankful to Kyle? I was the one who pushed you to study harder in that subject," reklamo nito.

Nginitian niya ang nakasimangot na binata at sabay ipinakita din dito ang resulta niya sa natural science. "Thank you rin Jacob. My score in science had gotten higher too," dagdag balita niya.

Kinuha ni Jacob ang test paper at inusisa ito.