a bisayan poetry.
LANGGA, BALIK NA
a collaboration made by @autumn🍁 and @nyebe❄
N:
Langga, asa naka?
Ako gahulat gihapon,
ikaw ba may planong
mubalik pa?
A:
Ikaw ba malipayon na sa iyahang mga kamot?
Sa ako ba ikaw may pagdumot?
O wala na gayud ka kahinumdom nako—
sa atuang mga kaagi, ikaw nalimot?
N:
Nahinumduman pa kaha nimo atong mga pangandoy—
pangandoy nga sa pagdako, kita ra gayud nga duha?
O imo na kanang gipadayun panganduya—
gipadayun ngadto kaniya?
A:
Diba, ikaw ang gaingon nga imo akong ampingan ug dili biyaan?
Nganong karun, imo man akong gipasakitan?
Padayun pa ba akong maglaom nga mubalik ka?
O mubuhi na kay lain na imong hinigugma?
N:
Magpaka-martyr pa ba?
O sakto na dihang dapita?
A:
Padayunon pa ba,
bisan ug sakit na?
N:
Andam kong magpaka-panyo kung pasakitan ka niya.
A:
Andam akong mga abaga,
para may makasandigan gihapon ka.
N:
Andam akong magpaka-dunggan,
aron lang paminawon ang mga hinanakit mo kaniya—
A:
Andam ako permi,
basin pa diay ug mubalik ka.
N:
Langga, balik na.
A:
Balik na—
andam akong dawaton ka.
Balik na—
samtang wala pa ako kapoya.
N:
Balik na—
bisa'g puno ka ug tunok,
gakson tika.
Balik na—
samtang ako may ganang muantos ug gimahal pa ka.
A:
Langga, balik na.
Balik na kay huwaton taka.
YOU ARE READING
POEMS
PoetryThe following poems are made through the vision and imagination of the author Please do not copy without any permission given Thank you
