ကံမကုန်သေးဖို့ မျှော်လင့်ရင်း
မင်းနဲ့ ပြန်ဆုံချင်ပါသေးတယ်.....Innie ရေ
~•~•~•~•~•~•~•~•~•~•~•~•~•~•~•~•~•~•
လေဆိပ်ထဲက များပြားလှတဲ့
လူတွေကြားထဲမှာ ပြေးနေမိတာ
တရောသောပါး......
လူတချို့ကို ဝင်တိုက်မိလို့ မျက်စောင်းတချို့နဲ့အတူ
ခပ်ရိုင်းရိုင်း ဆဲရေးသံတွေ ကြားလိုက်ရပေမဲ့
ဒါတွေ ဒီအချိန်မှာ ဂရုမစိုက်အား......
ကလေးကို တွေ့လိုက်ရမှ ဖြစ်မယ်......
ဒါမှမဟုတ်လည်း
တူတူလိုက်သွားရမှ ဖြစ်မယ်......
သူ ထွက်သွားတော့မယ့်အချိန်ကို
ခက်ခက်ခဲခဲ စုံစမ်းပြီး အရောက်လာခဲ့တဲ့
ကျနော့်ကို ရင်ဝဆောင့်ကန်လိုက်သလို
ဆီးကြိုနေတဲ့ မြင်ကွင်းတစ်ခု......
တခြားသောသူတစ်ယောက်နဲ့အတူ
လက်ချင်းယှက်သွယ်လို့......
တခြားသောသူပုခုံးပေါ် မှီနွဲ့ရင်း
လျှောက်လာနေသူက......
တချိန်က ချစ်တယ်လို့ တဖွဖွပြောတတ်ခဲ့တဲ့
ကျနော့်ရဲ့ ကလေးလေးပဲ......
မင်း ကိုယ်မရှိပဲလည်း
ပျော်နေနိုင်ပြီလား......ကလေး
အင်း.....ပျော်ရမှာပေါ့
ပျော်နေတာပဲ ကောင်းပါတယ်
ကိုယ့်ကိုကျ တစ်ယောက်ထဲထွက်သွားမယ်လို့
ပြောသွားခဲ့ပြီး......နောက်ဆုံးအချိန်ထိ
ကိုယ့်ကို ဘာလို့များ လိမ်ညာရသလဲ ကလေးရယ်
မုန်းဖို့ ကောင်းလိုက်တာ......
နှစ်ယောက်အတူတူ ထွက်သွားမှာပါလို့
ပြောလိုက်လည်း ဘာဖြစ်မှာမို့လို့လဲ.....
ကိုယ် လက်ခံပြီး ဝမ်းသာပေးမှာပဲကို
ကိုယ် ရှိတဲ့အရပ်မှာတောင် ကလေးက
မနေချင်တော့ဘူးလား......ဟုတ်လား
အဲ့ဒါကြောင့် ဒီလိုမျိုး ရှောင်ထွက်သွားတာလား
ရပြီ ကလေး.....ကိုယ် နားလည်ပြီ
ကိုယ်နားလည်သွားပြီမို့ ကလေးကို
ကိုယ် ထာဝရ လက်လွှတ်လိုက်ပါတော့မယ်
နာကျင်မှုတွေပဲ ပေးပြီး
တယုတယ မချစ်ပေးတတ်ခဲ့တဲ့
ကိုယ့်ကို ခွင့်လွှတ်ပါ.....
ဒါပေမဲ့ ကိုယ်သိပ်ချစ်တာပါကွာ
ကိုယ့်အချစ်တွေကိုကျ မြင်အောင်
မကြည့်ပဲ ကိုယ့်ကိုချည်း အပြစ်တင်တတ်တဲ့
ကလေးလည်း ပျော်ရွှင်နိုင်ပါစေ......
အမှတ်တရတွေနဲ့အတူ ကိုယ်
မင်းကို တသသ လွမ်းနေပါ့မယ်.....
တ်ိုက်ဆိုင်မှုတွေ ရှိလာတိုင်း မင်းကို
တမ်းတမိရင်း ကိုယ် ကြေကွဲပါ့မယ်......
သိပ်လွမ်းလာတဲ့အခါ မင်းနာမည်ကို
တဖွဖွရွတ်လို့ ကိုယ် ငိုကြွေးပါ့မယ်......
ကျန်းမာရေး ဂရုစိုက်ပါ.....
ဪ.....ကိုယ် မေ့သွားတာ
မင်းကို ဂရုစိုက်ပေးမယ့်လူ ရှိနေပြီပဲကို
မင်းပေးတဲ့ ပြစ်ဒဏ်လို့ပဲ
ကိုယ် မှတ်ယူလိုက်ပါ့မယ်.....သိပ်ချစ်တယ်
ပြီးတော့ ချစ်တာထက် ပိုပြီး မင်းကို
အသည်းအသက်လို မြတ်နိုးရပါတယ်
Xiao Lu.....ကိုယ့် ကလေးလေး
အချိန်တိုက်ပြီး ဝယ်ထားခဲ့တဲ့
လေယာဉ်လက်မှတ်လေးကို
လက်ထဲမှာ လုံးချေပစ်လိုက်ရင်း
မျက်ရည်တွေနဲ့ အတူ လှည့်မကြည့်စတမ်း
ကျောခိုင်းသွားသူတစ်ယောက်ရယ်.......
စိတ်မချနိုင်ခြင်းတွေနဲ့အတူ
တယုတယ မြတ်နိုးရသူကို
မခွဲခွာနိုင်လွန်းလို့ ဝမ်းနည်းစွာ
ငိုကြွေးရင်း လက်ပြနေတဲ့
ကောင်လေးတစ်ယောက်ရယ်......
တစ်ယောက်သောသူများ
လာနှုတ်ဆက်လေမလားဆိုတဲ့
မျှော်လင့်ချက်လေးနဲ့အတူ
လူတွေကြားထဲ ဝေ့ဝဲလိုက်ရှာနေရင်း
မျက်ရည်တွေ ဝဲနေသော်လည်း
ပြန်နှုတ်ဆက်နေခဲ့တဲ့ ကောင်လေးရယ်......
ဒီလိုနဲ့ပဲ အချစ်ကြီးလွန်းခဲ့တဲ့
အချစ်ဇာတ်လမ်းတစ်ပုဒ်ဟာ
မလှမပ ဇာတ်သိမ်းသွားခဲ့ရရှာတယ်......
အပြစ်တင်ကြမယ်ဆို
မဆုံစည်းစေပဲနဲ့ တွေ့ဆုံခွင့်ပေးခဲ့တဲ့
ရက်စက်တဲ့ ကံကြမ္မာရယ်.....
သိပ်ချစ်တတ်ခဲ့တဲ့ သူတို့နှလုံးသားတွေက်ိုပဲ
အပြစ်ရယ်လို့ ရိုးမယ်ဖွဲ့ရတော့မှာပေါ့.......
အားလုံးက သိပ်ချစ်တတ်ခဲ့ကြတာပဲမလား......
နာကျင်ခဲ့ကြရပေမယ့်လည်းပေါ့
~•~•~•~•~•~•~•~•~•~•~•~•~•~•~•~•~•
The END~~~~
YOU ARE READING
•~ ENDLESS ~•
Fanfictionလူႀကီး....အခ်စ္ဆိုတာ ဘယ္လိုမ်ိဳးလဲ ရယူျခင္းတို႔ ေပးဆပ္ျခင္းတို႔ လူေတြ အမ်ိဳးမ်ိဳး ျငင္းခုန္ေနၾကခ်ိန္မွာ က်ေနာ္ကေတာ့ ေသခ်ာေျပာႏိုင္တယ္....အခ်စ္ဆိုတာ လူႀကီး ကိုယ္တိုင္ပါပဲ..... အခ်စ္က အတၱႀကီးသလို ကိုယ္ကလည္း အတၱႀကီးတယ္ ကေလး....အမွန္ဆို မင္းက ကိုယ့္စိတ္...
Final
Start from the beginning
