Behind the Scenes [Edited Version]

Scene 20

Nang pumayag ako sa pang-aaya ni Sia, I had one thing in mind – hope.

Napatingin ako sa center piece ng table na pinili ko habang nakikinig sa sinasabi ni Kevin sa kabilang linya. Tatlong plastic na sunflower ang nasa vase.

"Basta, sabihan mo ako ng outcome ng usapan ninyo ni mujer, ha?" bilin ni Kevin. "I'm sure you'll be besties again. Nakoooo, magselfie kayo tapos send mo sa 'kin."

Napailing nalang ako sa kaniya. "Oo na. Sige na. Mag-ready ka na para sa afternoon class natin."

"Okies!" Tapos, pinatay na niya ang tawag.

Nagbuntong-hininga nalang ulit ako sabay tingin sa mga bulaklak na nasa harap ko. Napangiti ako.

Sa totoo lang, parehong excited at kinakabahan ako ngayon. Sana'y hindi na magtanong pa si Sia. Hindi ko parin kasi pwedeng sabihin sa kaniya ang sitwasyon namin ni Kevin eh. But I can tell her stories about our convention, minus the parts na involved si Kevin at ang lalaking 'yun – si Allen.

"Hi," bati ni Sia. "Sorry, dumaan muna kasi ako ng office."

Ngumiti ako. "It's okay."

Naupo siya sa kaharap kong silya. For a moment, there was silence between us. Ang awkward. We've never been awkward, Sia and I.

"Uhm, let's order?" I suggested.

Parang natauhan siya sa sinabi ko. "Oo nga pala. Ah..."

Tinawag niya ang waiter. Pagkatapos naming mag-order, bumalik ang nakabibinging katahimikan. Nangangati na akong kunin ang cellphone ko para magkunwaring may ginagawa pero ayoko namang maging bastos. Nagkasya na ako sa pagtingin sa labas ng bintana.

Maya-maya, tumikhim si Sia, dahilan para mapalingon ako sa kaniya.

"Uhm... ahh... I'm sorry Erika. I –"

Natigilan siya. Biglang sumingit ang waiter dala ang aming mga order. Nang umalis si Kuya, nag-aya na akong kumain. Tumango naman si Sia.

"As I was saying..." patuloy niya. "I'm sorry. I didn't mean to hurt your feelings, E."

Tumigil ako sa pagkain at ngumiti sa kaniya. "I understand, See."

"Ang hirap lang kasi i-explain ng side ko noon dahil wala pa akong proof. Puro opinion ang sinasabi ko last time. Puro judgement."

Napatango ako sabay subo.

"'Yung mga sinabi ko... they were below the belt. Kaya ka siguro nagalit ng sobra at nag-walk out."

Tiningnan ko siya. Nakita ko ang kalungkutan sa kaniyang mga mata. "I'm sorry rin for leaving," sabi ko.

Ngumiti siya na hindi abot sa mga mata. "I understand. Feeling ko, pareho kasi tayong stressed out noong mga panahong 'yun. Hindi ba?"

Napatawa ako sabay tango. Sobra, I thought.

"To make it up to you, I did my research."

Natigilan ako. "Ha?"

She looked at me with her sad eyes. "Erika, alam mo namang mahal na mahal kita, 'di ba?"

Napaupo ako nang maayos. Bigla akong kinabahan sa sinabi niya. "Sia, what are you saying?"

"Be reminded that I only care for you."

My heart beat louder. "Sia, anong sinasabi mo?" nanginginig kong tanong. Does she know anything?

"Iwan mo na si Kevin," she said.

May bumusina nang sobrang lakas sa labas. Hindi ko sure kung dahil doon o sa sinabi ni Sia kaya pakiramdam ko'y nabingi ako.