وردة
مرت الايام وعلاقتي بليث مثلما هي اني انام بغرفتي وهو ينام بغرفته جوا .
جنت كلش حريصة بتعاملي معه لانه عصبي وما اريد يسويلي اي مشكله هسة حاليا مرتاحة واطفالي مرتاحين ومستقرين .
رغم انه اني اتعب هوايه مابين شغلي وهوسة الاطفال وشغل البيت بس احس براحة نفسية من زمان مفتقدتها .
اليوم عرس فارس واخيرا اتزوج وحدة من كرايب امه بابا ونورا خابروني وعزموني اني ترددت بالبداية بس مااريد ازعل بابا .
نزلت جوا حتى اكوله لليث دورت عليه بالصالون مالكيته خبرتني عمته بانه بغرفته .
دكيت على باب غرفته سمعته يكول اتفضلي دخلت جان طالع من الحمام ودا ينشف شعره ولابس بس بنطلون التراكسوت شدتني عظلات صدره وبطنه البارزين .لاحظني دااراقبه
ليث _ وردة ها وين شردتي تعالي .
انتبهت من شرودي وخجلت من ملاحظته اقتربت منه
وردة _ بابا خابرني وعزمني على عرس فارس ليث _ فارس منو ؟
وردة _، فارس شبيك ابن زوجة بابا .
ليث _ هذا اللي طلب ايدج ابو عيون زايغة مو ؟
وردة وبخجل _ اي . مد ايده ولزم خصلة من شعري
ليث _ ماتروحين .
جاوبته بنبرة هادية
وردة _ اذا مارحت بابا راح يزعل من عندي
باوعلي بحنية وعيونه تفترسني
ليث _ اخذج عشر دقايق وتسوين الواجب وتقدمين هديتج ونرجع سوا
الضحكة شكت حلكي واني دااعبر عن امتناني
وردة _ ماشي موافقة .اشكرك
انداريت اطلع لزمني من زندي وجرني اله
ليث _ وين وين رايحة مو هيجي تشكريني
وردة _ لعد شلون
ليث _ اريد بوسه .
احمر وجههي من الخجل
وردة _ انت شداتكول
ليث _ مثل ماسمعتي .
وردة _ ابد مستحيل
ليث _ ياول صارلي اكثر من سنتين محروم من ريحة النسوان رحمي بحالي اناراضي حتى لو بوسة خد
حسيت برجفة تغمرني ومااكدر اسيطر على روحي .حاولت افلت من ايده اللي قابضة على ذراعي بس ماانطاني مجال لزم وجههي بايده الثانية وطبع بوسه على خدي وراد يتمادي ويقرب بوساته من شفاهي انتفضت وابعدت ايده وابتعدت وفكيت من طوقه وطلعت بسرعة من الغرفة .
ولاول مرة من سنين احس بهيج مشاعر جسمي كله يرجف رحت لغرفتي بسرعة وغسلت وجههي وكمت اتحضر حتى اروح للعرس.
لبست فستان اسود قصير ورداناته كيبور وصدره هم كيبور .
رتبت شعري وخليت شويه مكياج . بدلت لعلاوي همين لان عمتي كالت لاتاخذين حنين ويوسف
نزلت شفت ليث متحضر باوعلي بنظرات من فوك ليجوا نزلت وعلاوي بحظني ومن صرت قريبه من عنده اخذ مني علاوي وخلاه بحظنه .
طلعنا بالسيارة وماحجيت ولاكلمه انشغلت ويا علاوي وهو يسوق من دون مايحجي .
وصلنا للقاعة دخلنا واستقبلنا بابا ونور رحبوا بينا واشرولنا لمكان كعدنا .
جان ليث يراقب كل حركاتي واني كلش خجلانه
ليث _ تعرفين طالعة كلش حلوة باوعتله والتقت نظراتنا عيونه الحلوة جذبني لونه ورموشه الطوال
وردة _اشكرك على المجاملة
ليث _ مو مجامله هاي حقيقة
وردة _ كافي تباوعلي هيج داتخجلني
ليث _ احلى خجل داشوف والله .
كعدنا شوية وجابوا العصاير والكيك ورا شوية كمنا هنينا العرسان وخلينا الهدية وطلعنا .
*************
ليث
وردة خبلتني داشوفها كدامي بكل هذا الجمال تفتر داير مدايري ومن افكر بانها هي حلالي ومادااكدر اتقرب عليها اتخبل اكثر .خجلها يموت عبالك مراهقة ولاكانه كانت متزوجه رجال قبل ماانكر صرت اعشقها . والمشكله حتى بالشغل ويايه موجودة . اي بالبيت بالشغل بكل مكان اشوفها وابد منظرها مايروح من بالي من بستها من خدها اشلون جانت ترجف جوا ايدي .
اني متعود من اتجمع ويا اصدقائي اشرب بالليل كل اسبوعين مرة او كل اسبوع مرة هاي العادة ملازمتني من جنت بهولندا .
ومن اشرب احاول مااحسس احد بالبيت يعرف كبل ادخل غرفتي وانام .
بس اليوم ماادري شجاني ثقلت شوية بالشرب وجنت منتشي ومكيف بس جنت واعي لروحي .
دخلت غرفة الاطفال شفتهم نايمين ويا المربية اطمئنيت وطلعت بوجهي كبل فوك لغرفة وردة .
فتحت الباب كبل فزعت وخافت جانت داتنيم علاوي بسريره .
اقتربت منها باوعت على سرير علاوي غاط بنومه .
وردة _ ليث خير اكو شي جايني بهالوكت .
باوعت عليها لابسة بجامه نوم خفيفة
ليث _ ليش نسيتي انتي زوجتي وبكل وكت اكدر اجيج .
رجعت لباب الغرفة قفلته وخليت المفتاح بجيبي
خافت اكثر واقتربت مني
وردة _ ماتكوللي انت شداتسوي خاطر الله اطلع روح لغرفتك .
اقتربت منها وبسرعة خطف اخذتها بين ذراعي وكمت ابوس بيها حست بريحتي كامت داتتوسل وتحاول تبعدني عنها
وردة _ عفية ليث انت شارب ماداتحس بروحك
باجر من تتذكر راح تتندم .
بس اني ماهمني دفعتها على الجرباية وكتمت صرختها بشفايفي كانت تقاومني كاللبوة برجليها بحركاتها لزمت ايديها قوي بوساتي كامت تتنقل بين شفاهها وخدودها وركبتها حاولت تصرخ ضربتها راشدي قوي وكانما اتخدرت سكتت ودارت عني وجهها وانشلت مقاومتها وبدت دموعها تنزل شكيت ملابسها وبين جسمها المرمر انثاريت اكثر اغتصبتها بقوة ومارحمت دموعها . ورا مانتهى كلشي اخذت زاوية من الجربايه وانطتني ظهرها وكامت
تبجي بحرقة اني نمت بذيج اليلة يمها وطول الليل اسمعها تبجي حاولت اخذها باحظاني ماقبلت .
الصبح كعدت من النوم ماشفتها بالغرفة لاهي ولا علاوي باوعت على الساعة لكيتها عشرة ونص اليوم جمعة ماعدنا دوام . نزلت جوا سبحت بغرفتي ومن طلعت من الغرفة عيوني تدور عليها واني كاره روحي ومستحي من نفسي من اتذكر شسويت البارحة .
