بقلمي
الكاتبه غدير الحيدري
....
وفي النهايه
لا نهايه لحياتي معك💚💚
....
كل شيء سيضهر
لا داعي للكتمان
كل شيء سيصبح معلوم
لا داعي لازقة النسيان
كل ماحدث
سيحدث ويحدث ويحدث
مللنا الهذيان
ستسقط بوادر الاحزان
....
تكتم
من تكون عار ع اهلك
تحس بنفسك مالك قيمه
بالوقت اللي انت مو مذنب
لكن
حكم عليك بالضياع
بعد كل خوف عايشته
بأنتحار قدر
احس روحي صارت تتخبط بجدران البيت
وصل بيه الخوف والذعر
الى ان احس طفلي راح يوكع
وبديت اخاف
والرجفه تسري بيه
دموعي اللي وكعت خوفا ع قدر
خايفه لا تروح
خايفه لا نفقدهه
وماخفت عني نظرات هاله الحقيره
كانت تباوعلي بأحتقار
تمنيت ربي يخلصني من العار اللي ملازمني
واني ماعندي شي
قدر عانت هواي
لحد ما وصل الحد ان تسافر
سافرت وتركتنه اني وغزل
ضايعين
حسيت بوجودهه شكد مهم
بالرغم ان احنه يم بيبي رقيه
لكن تبقه قدر الهه نكهه خاصه
اليوم
بيبي طمنتنه ع قدر
وان باجر عمليتهه
رن فوني
باوعت رقم دولي
اكيد خاله اسماء
فتحت
تكتم:الووو
اسماء:شلونج يمه
تكتم:هلا خاله الحمد الله انتي شلونج
اسماء:اختج غزل شلونهه وقدر شلون صارت
تكتم:اني وغزل بخير بس قدر بتركيا وباجر عمليتهه خاله محتاجيج
بجيت
وهي بجت
اسماء:تكمل عدتي واجيكم انتو ماتنعافون ضني بيكم كان عالي بس خيبتوا ضني ليش هالغباء ليش
صرت امسح بدموعي
وهي تحجي
اسماء:شسويلكم اذا العاقله بيكم انتحرت وهاي غزل غاسله ايدي من خبالهه من زمان وانتي خووو الله يعيني ع غبائج اشيل همي اشيل همكم دخلي اجي اذا ماتنطبع النعلان ع جسمكم دللتكم هواي
تكتم:تمونين خاله
نترت بيه
اسماء:ديروا بالكم ع نفسكم تمونين لعد
وسدت الخط
سحبت نفس
والله حقهه
احنه مو كد المسؤليه
خاصه اني وغزل
اجت بيبي رقيه
ووجهه اصفر
تركض وتسوي
رقيه:عبااااتي عباااتي
غزل:بيبي شبيييج
رقيه:ولكم مصيبه
تكتم:خو مابيهه شي قدر
باوعت ولطمت ع خدهه
رقيه:ولج رسلااان جايبي مضروووب وحالته خطره
صفنت بوجهه
وصرت ارمش
اليي اسمعه
مامصدكته
احس بطني كامت توجعني
وصرت اتنفس ببطئ
وكلبي يدك بسرعه
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
