بقلمي
الكاتبه غدير الحيدري
....
مساء الحب على قلوبكم احبتي
...
قد تقطع حبل الوصال
واسباب البقاء
قد يفهموك بصوره سيئه
وان انت تريد لهم الشر
حاسدهم
كاسر قلبهم
مرات تنظلم
وماتلكه بشر ينصفك
كل اللي حاميتهم عافوك
اللي تحملت الوجع علمودهم هجروك!
اللي تعبت نفسك وريحتهم
بكل بساطه
مايردوك!
كانت كسره
للان كل مااكعد
وبقربي كوب القهوه
اذكر ذلك الموقف الحقير
رغم الاعتذارات والندم
لكن اكو جرح
يمكن ان شفي
لكن اثره باقي
وللان ذاك الموقف يهاجمني
ويخليني ابتعد عن الجميع
واتذكر اتهامي
هذي المشاعر
والالم
والحزن والخيبات
كانت تلازمني
واني واقفه امام غزل
اللي لازمه خدهه وتبجي
رفعت ايدي
صفنت!
ضربتي اختج قدر؟
معقوله قسى قلبج ع روحج
كنت ارمش
وصافنه
بس هي اذتني بكلامهه
تهمتني بشي مو حقيقي
هي اختي مااحسدهه مااغار منهه
اتمنالهه الخير
ليش ضربتهه؟
سحبت نفس
واوصالي ترتجف
تكتم تباوع مصدومه
وغزل مثل الطفله لازمه خدهه وتبجي
اعمى واجته صفعه
هو ماشاف منو الضربه
بس حس بالأيد الحنينه
قست عليه
شعور قاسي وصعب
حسيت بمدى غلطي
وانزويت
ركنت روحي
وابتعدت عن عالم الجميع
وشكلت عالم ذكريات الي
بذاك اليوم اللي سبق وفاة امي
تحديدا ذيج الليله
كنت انطي العلاج لأمي
اللي المرض اكلهه
وجهه الابيض الناعم
انترس تجاعيد
واصبح اصفر وشاحب
عيونهه العسليه ذبلت وغارت بالداخل
ونفسهه كانت كوه تسحبه
رغم هذا كانت تبتسملي
كانت تطمني ان هي بخير
مع ان اني اعرف وهي تعرف
ان النهايه قربت
خلت ايديهه ع راسي
وسحبتني لحضنهه
شمتني بقوه
وهمست
زينب:انتي ام خواتج
وكعت دموعي وكلت
قدر:ماما انتي امنه انتي موجوده
زينب:ههه يمه ابوج يريدني هسه المهم داتشوفين خواتج
باستني براسي وكالت
زينب:ذول امانه عندج انتي امهم واختهم واهلهم وسندهم انتي الهم الحياة والحياة من تقسى ع البشر يتألم انتي وطن والوطن من يطرد ابنه يحزن مااريدج تأذيهم حافظي عليهم من كل شر وخلي بالج يمهم شيلي همومهم ادري صعب بس انتي كدهه مااريد العداوه تدخل بينكم كونو كلب واحد وخلي بالج يم غزل غزل غزل
قدر:ماما ليش غزل بالتحديد
زينب:ماكو فرق كلكم واحد بس غزل من زمان متذمره وشخصيتهه عنيده وصعبه وتحب تسوي اللي براسهه هلله هلله بيهه
صفنت
لزمت شعري وصارت تمشطه
زينب:وتكتم افهميهه واعتبريهه طفل نيميهه بحضنج كلكم ماشبعتو من حناني بس تكتم مسكينه صغيره وتحتاجني كوني صديقتهه لايخفى عنج شي يمه
قدر:ماما ليش هيج حياتنه ليش قدري اواجه هالمصايب
زينب:هذا القدر!
عقدت حاجبي
قدر:شنو يعني
زينب:بيوم ولادتج كنت متألمه هواي حاولو يولدوني طبيعي مكدرت تملخت من الوجع وابوج وجدج جابر وراكان كلهم انخبصو ومابقت دكتوره مااجت شرفت ع حالتي صار عندي نزيف وحالتي سائت حولوني عمليه والكل كال زينب تموت وماتعيش لكن ارادة الله اعظم ولدتج وكنتي رقيقه وناعمه ابوج كانت حالته صعبه مقهور عليه اول ماشالج هو راكان اوو راكان اله فضل علينه هواي بس هسه مدري شبي تخبل احتارو بأسمج وراكان كال قدر لان ولادتج ارتبطت بقدرة الله ومن انتي وصغيره العثرات تلاحكج بنتي هذا قدرج لتعترضين عليه
قدر:اييييييع الشايب سماني
زينب:هههه متشوفي مخلي عقله بعقلج
قدر:لعبت نفسي
زينب:ههههههه
...
وبقت ضحكة امي تعج بداخلي
كانت اخر ضحكه
صحيت ع الواقع
وركضت للحمام
بجيت بجيت بجيت
لحد ماغصيت
اني مثل الام
مهما تتألم مفروض ماتأذي ابنائه
وهنا الندم اخذ حيز حيل جبير بداخلي
مر وقت
وغزل نايمه
ماتحاجي احد
تكتم تصفن تصفن
وترجع تفز من صفنتهه
فرشنه
وتمددت بالفراش
شي بداخلي مكسور
مااكدر اترك اختي زعلانه مني
كمت من مكاني
غزل نايمه
ومبرطمه مثل الاطفال
لمست خدهه
ناعم ووجهه بريئ
تكتم تباوعلي
وكعت دموعي وبست غزل
سويت مكان الي
ونمت يمهه
نيمتهه بحضني
وهي مثل الطفل الضايع
ولكه اهله
ماالومهه
حبت ايمن
بس اني افكر تفكير بعيد
خالتي اذا نروح الهم ساعه تضوج
وكلامهه يرن براسي
حتى لو كان ايمن خوش ولد ويداري غزل
بس صعبه يسويلهه عمليه
راح يبقه طول العمر صاحب فضل علينه
اخ ياوجع كلبي
الليل كله لازمه غزل بقوه
اختي لو شتسوي المفروض مااذيهه
هاي امانة امي
للصبح
حسيت ع تكتم تهز بكتفي
فتحت عيوني
غزل بدت تفتح
عيونهه ضياع
ونظراتهه سراب
مسكينه ماتكدر تشوف جمالهه
رفعت ايدهه
تتلمس تريد تعرف اني منو
حسيت ع ضربه ع ركبتي
وكالت بعصبيه
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
