بقلمي
الكاتبه غدير الحيدري
...
مساء العسل
مداريتكم والله بس اتفاعلو
...
ساعات
الوجع يكبر ويكبر
وتصبح المصائب تقسم الضهر
ساعات تحاول توقف
والدنيا تصفعك صفعه تنهيك
لحظات تمر
وانت دموعك تنزل
وشوي شوي
راح تصبح الدموع روتين
ومايمر يوم اذا ماتنزل
حتى لو ع اتفه الاشياء
هواي مواقف
الدنيا جبرتني ان احاربها
جبرتني ان اسمعهه
واني روحي تمزقت
الى متى يحتل الاسى ذاكرتي
الى متى
ماض قديما قد رافق رحلتي
الى متى
اتجرع الالم
جرعه جرعه
كمريض سرطان
قد تهشمت احلامه
بأنين الروح
كانت حكايتي
..
كعدت ع الكرسي
رجلي انشلت
وماعندي اي قدره اتحرك
ولا اصدر اي شي
سوى نفسي المضطرب
ودموعي اللي اصبحت تنزل بغزاره
واني استمع
لأصعب كلام
استمع لاصعب الم
واستسلم لصفعات القدر
:للاسف لكن التحاليل تدل ان المريضه زينب مصابه بسرطان البنكرياس وهذا يؤثر ع عمل الكبد وافراز الدهون بهالحاله لازم تبدي بعلاجهه الكيميائي بسرعه
امي تبتسم ببرود والم
وبيبي رقيه مصدومه
زين شبسرعه اكتشفت المرض
وهو مجرد تحليل!
قدر:بس دكتورا احنه ماسوينالهه مفراس او شي
:انتو اذا تردون تسوو للتأكد لكن ع حسب اعراضهه وشكلهه وايضا التحاليل تثبت ان هي مريضه بالسرطان
بلعت ريك
دموعي صرت مااسيطر عليهه
بعد ياقدر
شنو اللي راح يراوي الج زمانج
اخ ع الالم
كتبت علاج
وتحجي
واني مو يمهه
تفكيري راح ع خواتي
ع هاي الدنيا اللي راح تعذبني
طلعنه من يم الدكتوره
واني اللي تمرضت
لدرجه كمت ماكدر امشي
واحس بروحي بحالة صدمه
للان مامستوعبه كمية الالم
والصدمه!
اه ع ذيج الايام
شافنه راكان
اجه ع امه
وكعد يسأل بيهه
واول سؤال كاله
راكان:يمه شبيهه قدر ها
بقت بيبي صافنه
ماتعرف شتجاوبه
بس وكعت دموعهه
وهذا كان كفيل
ان يخلي راكان يحس
بكمية الخطر اللي رافقني
طلعنه برا
امي صافنه
راكان راح يجيب العلاج
واني احس الدنيا شامرتني بعييييد
ابعد من حدود روحي المنهمكه
كل اللي كنت اصدره
هو الدموع
حسيت ع ايد
ربتت ع كتفي
التفتت وباوعت واني مثل التايهه
ادور ع مرسى الامان
صار بوجهي راكان
نظراته كانت تطمين الي
ان هو مازال واقف بالقرب مني
ومساندني
لكن هيهات
الروح اختل توازنهه
واصبحت عرضه للالم
صعدنه بالسياره
وامي صافنه
اشعر وكان تلقي الخبر ماصدمهه
او يمكن تكون مستعده لتلقي الصدمات
راكان يباوعلي من المرايه الاماميه
واني شارده وبس الدموع تنزل
حسيت ع ايد امي فوك ايدي
هنااا!
غصيت بالبجي
والغصه اللي بداخلي بدت تضهر
صرت ابجي بصوت واضح ومسموع
وبنفس الوقت ابجي ع خيباتي
ماكنت متمنيه ان يمر يوم وتنزل دموع الانكسار
امام بشر
خصوصا راكان
اللي كنت مااريد اضهرله اي تأثر بداخلي
لكن الايام تجبرك
والمواقف تحكمك
ان تضعف وتتعب
السياره وكفت
وراكان نزل
واني مستمره بالبجي
امي تسكت بيه
وطمني
ان هي بخير
وان التحاليل كاذبه
وهذا من اصعب المواقف
تصديق الكذبه
انفتحت الباب اليمي
وتقدملي مي
شربت شوي
عرفت ان اللي نطا الي
هو راكان
قدملي كلينكس
اخذته وصرت امسح الدموع المتناثره
سحبت نفس
وباوعت لماما
متعلمه استمد قوتي منها
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
