بقلمي
الكاتبه غدير الحيدري
.....
مساء الكاكاو🍫
عذروني مداارد ع تعليقاتكم
بس كلهه اشوفهه
ولو ما الدراسه
مايبعدني عن التواصل وياكم شي
احبكم ياعسل💚
...
متاهات
سلكتها بقدمي
اذن!
كل مايحدث كان سبب ذنبا
اقترفته
...
تركني راكان
وسط صدمه
وسط ذهول!
احس دموعي صارت تنزل
ومااعرف شصار بيه
لعبت نفسي فجأه
وركضت للمغاسل
وصرت اتقيأ
اني متدمره!
اي تدمرت
واني اللي سويت هيج بروحي
لزمت وجهي
مااعرف شصار بيه
احس صخنت
ودخت
والبدله ثولتني
واجهت صعوبه
واني افتح قيطانهه
واصبحت اسب روحي
وظروفي
اللي خلتني عرضه لهيج مشاكل
ذبيت البدله
واحس مالي قدره ابدل
كعدت بالكاع
وكنت باقيه بالداخليات
صفنت
لاالقوه نفعت
ولا الضعف
تزينت الحياة الي بأجمل الوانهه
ووثقت براكان
اللي حسيته ملجأي
وهسه!
هسه اباوع لروحي انسانه محطمه
مدمره
شكد انظلمت بحياتي
لحد ماصرت اشهك ظلم
ابجي ظلم
اتحرك!
والظلم ملاحكني
كمت
بكل تعب ووهن
تركت بدلة عرسي
اللي تعلقت عليهه احلامي
وسقطت بسقوطهه مني
طلعت تراك
كوه لبسته
غصه كانت بداخلي
وتساؤلات
ليييش؟
اذا الوحده بعرسهه متفرح
شوكت تفرح
توجهت للسرير
وتمددت
غطيت راسي
وبديت ازيد بالبجي
واحاول اطلع عن واقعي
مااكدر
لل1 ليلا
يلا اجه او بالاحرى شرف استاذ راكان
كنت امثل
ان اني نايمه
يمكن احس بروحي ضعيفه
مااكدر اواجهه هسه
فضلت السكوت
كنت اتبع حركاته
واحس بيهه
كعد بطرف السرير
وبقه يباوعلي
كانت الغرفه ظلمه
مافسرت شكله
بس كان يجر حسرات
بعدهه بدل
ونام ع الكنبه
غريبه!
حتى السرير ميريد يجمعنه
ومرت ساعات الليل
وخلصتهه بقلق
ومانمت
وبدت الشمس ع وشك الشروق
تعبت
وعيوني استسلمت للنوم
ودخلت عوالم خفيه
ياليتني لم ادخلها
...
نايمه بحضن بابا
بيتنه القديم
نفس التفصيل والمكان
وبابا يلعب بشعري
الغريب ان اني مو قدر
اني.طفله
او انسانه ثانيه
انطبعت الاحزان ع جسمي بلون ازرق
وكاعده ابجي
واشكيله لبابا
واشرله ع زراق بجسمي
واكله
قدر:شوف بابا شلون شكله يخوف وفوكاهه يوجعني
هز راسه وكال
عمار:بهالدنيا تلكين الزين والموزين بس بالاخره اذا انتي غلطانه تتعاقبين واذا انتي انسانه زينه ترتاحين بنتي الاخره احسن من الدنيا
مصيرج يكون واحد اما جنه او نار
بس الدنيا بيهه تعرجات
وكعت دموعي
ورجعت اشكي
قدر:بابااا شوف الزراك يوجعني ومشوه شكلي وانت تكول جنه ونار
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
