بقلمي
الكاتبه غدير الحيدري
....
مساء الحب
عندي ظروف ودراسه
لذلك مامرتبطه فقط بيكم
واحترم انتظاركم
واذا قلو المتابعين او زادو مو مهم
اني اعتبر الكتابه تسليه او هوايه
ماادور طشه
متابعة متروسه طش
...
مالي انا؟
ماذا حدث لهيامنا
ماذا جرى لوعودنا
كيف نسينا الهنا
وجرينا
وبكينا وعبثنا في الفنا
من انا؟
امامك يا قاتل الروح
يامهيج اوجاع الجروح
ياحارق مابداخلي
لك كل لعنة حبنا!
...
قدر
الاقدار وما تفعل
بقيت صافنه
لتفاهة الموقف اللي مريت بي
ناوي يزوج؟
لا ومنو؟
امه تختارله
كنت صافنه بوجهه
واحس عمال مخربين
اخترقوا اعماقي
وصارو يهدمون بروحي
احس كبريائي كعد يمي
وبيده استكانة جاي
مخلي رجل ع رجل ويكول
ليش تنازلتي؟
من جهه ثانيه كنت احس غروري ركلني
ركله ع وجهي
خلاني انصي راسي
وغادرني وراح
كنت احس كل طاقتي سافرت جسدي
ووقعت بموقف لا احسد عليه
اخيرا
صحيت ع واقع مؤلم
صحيت ع هلهوله بيبي
مااعرف شنو صار بروحي
بس ايقنت ان اني انكسرت
وكفت
بس الغريب عيوني مادمعت
ومانزلت اي دمعه
مريت من يمه
ابتسمت بوجهه
ومشيت
ماادري لوين
احتل الصمت معالم وجهي
دخلت للغرفه
خواتي كل وحده ملتهيه بشغله
كعدت ورجيت ضهري للحايط
خليت راسي وسندته بالميز
وحسيت وكأن وجهي يطلع نار
وحراره بنفسي قويه
احس بديت اغمض من الصدمه
راسي ثكل
واختلت ارجاء روحي
مسحت وجهي
وتمددت بفراشي
تقوي قدر
شنو الصار بيج؟
يمكن لو باجيه
كلبي يرتاح
بس مدااكدر ابجي
مدااكدر اعبر عن وجع روحي
جمد كولشي بداخلي
اجت تكتم يمي
لمست كصتي
تباوعلي بقلق
ماابديت اي حركه
كنت ضايعه بعالم بعيييد
عالم بي جروح كلبي لاتهيد
غمضت عيوني
ودخلت بعوالم مخفيه
دخلت بكواكب تايهه
للصبح يله صحيت
بدلت بكل ملل
كنت كوه اشيل روحي من الفراش
طلعت
حتى دون مااباوع ع روحي
كنت هامله نفسي ع الاخر
اني انسانه جديه
ومرات احس مو انثى
وصلت للشركه
وكبل للمكتب
رتبته
وبعدهه رجعت وكعدت بمكاني
اجه راكان
لا هو سلم
لا اني سلمت
برود كان بينه
رحت لمكتبه
اشوف شيطلب
قبل مااحجي كال
راكان:برا برا ماريد شي
صفنت
حتى اسلوب ماعنده
ليش هيج
شصار بينه
طلعت من مكتبه
واني هموم الدنيا مشموره فوكاي
كعدت صافنه
ليش فجأة مشاعري جمدت
ليش فجأة اصبحت بارده
راكان يعني راح يتزوج
يأسس حياته بعيييد
وانتي ياقدر بعد مالامس حبه اطراف كلبج
اشتعلتي مثل الشمعه
وانطفيتي
وتدمرتي
اكملت دوامي بصفنات
وبشرود
قبل مااطلع
اجت بنيه محجبه
حلوه هواي
دخلت لمكتب راكان حتى بدون ما تحجي وياي
كمت وراهه
شفتهه ضحكت
وراكان استقبلهه بكل فرح
كعدت
وصارو يتبادلون الاخبار
واني واكفه
اشرلي راكان دون ميباوعلي
وكال
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
