بقلمي
الكاتبه غدير الحيدري
....
مساء الكاكاو
..
صدمات روحي قد تمحورت
وابقت بداخل الروح انين
صدمات اليوم قد ابتدأت
وحرقت لحظات السنين
فاتت وفاتت الايام بنا
وانا على مسافه بين شيئين
ايهما اختار؟
وكلاهما يؤلم
...
قدر
فجأة حياتنه انقلبت
وفجأة تألمنه
واصبح كسر كبير بداخلي
منو اعالج منهم
امي المصابه بالسكر
واللي سكرهه ضرب البنكرياس
واصبح خلل بأفراز المواد بجسمهه
لو اختي تكتم
اللي بس تبجي
وتفتر بالبيت
تحاول تصرخ
بس بداخلهه انين كبير
او اعالج الحساسه غزل
اللي مشموره بفراشهه
وفاتحه عيونهه اثر الصدمه
كان خبر مؤلم
وتصوره اكثر الم
واليوم بعد مامر اسبوع
ع ذيج الحادثه
اني كاعده بالكاع
صافنه ع مكان بابا
اللي مستحيل احد يسد فراغه
بذاك اليوم
سمعت خبر
قشعر جسمي
واصبحت اسير بطيات الصدمه
بابا واكع من العماره
منكسر حوضه
وعنده فطر بالجمجمه
ونزيف داخلي
اثرهه توفى
للان صراخهم بأذني
واني وكعت بالارض
ماحسيت ع شي
صحيت ع واقعي
ولكيت البيت فارغ من دفو بابا
وصرت اصرخ والطم
طلعت مابداخلي بالصراخ
لكن تكتم شلون؟
تكتم اللي روحهه محتركه
وداخلهه هواي اشياء تريد تكولهه
شلون؟
واليوم
بعد ما مر اسبوع
من الالم
من الوجع
من الكتمان والهلع
من الصدمات
قدر اللي تحاول تكون قويه
هي الان مكسوره
صافنه ع حالنه
بابا الوحيد اللي يشتغل
ويأمن النه فلوس
وهسه راح!
منين راح نجيب
من اي مكان
وامي مره جبيره
وخواتي مكسورات
هم راح ناخذ مساعده من الناس
واني اكره شفقتهم علينه
اكره نظرات التعاطف النه
اندكت الباب
وراحت تكتم تفتحهه
دخلت بيبي رقيه (ام راكان)
وراكان بقه برا
واكف بباب الهول
مايدخل لان امي بالعده
عيون راكان صارت عليه
كان تعبان وجهه حزين
اكيد غياب صديقه اثر عليه
بقه مركز بعيوني
وهاي النظرات
صح ماكانت تأثر
بس وكأن احتضني من خلالهه
بغض النظر عن تعجرفي ورفضي اله
راكان رغم كبر عمره
الا ان هو ميحسسني بهالشي
او بالاحرى هو ماحاس بي
احس عنده مشاعر طفل
احس عنده شي ناقص
ومو مكتمل
ياترى منو يكملك ياراكان؟
بيبي سلمت ع امي
وكعدت
واني صافنه
ماتحركت ابد
حايره بعيشتنه
انتبهت راكان مايزال صافن بوجهي
واحس اني بديت ارتبك
وبمفهوم حياتي مااسمح لشي يربكني
قويت نفسي
كمت ودخلت جوه
غزل بعدهه ع صدمتهه
وتكتم اجت كعدت يمي
ودموعهه تجري
خلت راسهه بحضني
وجرت ملابسي بقوه
وصارت تون
دموعي جرت دون مااحس
ياالله شكد صعبه
رفعت راسي
ربي هونهه عليهه
صعبه تتكتم ع المك
وانت بوقت
تكون بحاجه ان تصرخ
انقهرت ع مدى كسرنه
ومدى حاجتنه لحياة افضل
لكن مستحيل اقبل مساعدة احد
وخرت تكتم
وبستهه
ومسحت دموعهه
كان شكلهه عباره عن طفل بريئ
خايف
ومفتقد للامان
ربتت ع كتفهه
وطلعت
باوعت لغزل
مخليه راسهه بين رجلهه
وكولشي مامبين منهه
غيمه سوده
حزينع ووحيده
ومع هذا تمطر دموع
رقيقه لدرجة رياح تحركهه
انتزعو كلشي
وكأن قوتهم دخلت بداخلي
وبدأت اني اللي احامي عنهم
بعد شوي اجت تكتم
وجهه اصفر وقلقه
بنفس الوقت خايفه
جرتني من ايدي
وصارت تأشر ع الخارج
وتسوي حركه بأيدهه
معناهه فلوس!
فتحت عيوني
شدايصير؟
كمت بسرعه
وطلعت برا
شفت راكان بيده مجموعة ورق حمر
واكف ورا الباب
وامي بالداخل
قدمهه لأمي
الى متى نبقى مديونين الهم؟
وعايشين ع خيرهم
وهمه فقط بيت عم ابوي
الى متى نبقى عاله
امي اخذت الفلوس بكل خجل واستحياء
نصت راسهه فشلانه
تقربت واني الغضب بداخلي
مسوي مجزره
جريت الفلوس من ايد امي
وشمرتهه ع راكان
باوعلي بصدمه
يتخللهه غضب
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
