بقلمي
الكاتبه غدير الحيدري
....
نفحات السنين
رمتني في معاليم الوهم
مدارات الانين
اغدقت داخلي بالسقم
بكل حنين
رجمت شرودي المقفى رجم
ولم تأم روحي
ولم تصم
كيف للايام ان ترينا العجب
كيف للحياة ان تشردنا في اراضي الغرب
كيف لك ياروحي ان تستغب
كيف؟
...
صدمه تتبع صدمه
واني بوسط الصدمات ضعت
حلم ينكسر بعد حلم
وروحي تبدت
وعايشت ارض النسيان
كنت اباوع
ع المرأه اللي دخلت
كانت امي
لا تشبهه
لا هاي امي
احس كلبي ينتفض
واني اباوعلهه
دخلت
وتباوع ع الوجوه بتفحص
واني مصدومه واباوعلهه
اخيرا زال الصمت
ووكفت بيبي رقيه
وكالت
رقيه:هلا بالغاليه اسماااء
وراحت حضنتهه
صفنت
اسماء!!!
فجأة الحياة اخذتني برحله
ورجعتني لدرابين الماضي
فجأة اخذتني لسواجي الذكريات
وصرت اتذكر احداث قديمه
مرت ومرت ومرت
وراحت وي اهلهه
اي هاي خاله اسماء
اخت امي الكبيره
الحنينه صاحبة الكلب الطيب
الخلوقه اللي كانت تحبني
نفسهه اللي كانت تهتم بيه
وتفرح بشوفتي
يالله شكلهه شكد فتح جروح بداخلي
يالله شكد شوفتهه ذكرتني بأمي
كانت تباوعلنه وتكول
اسماء:ذول قدر وخواتهه موو
وكفت
ورحت الهه
وبخطواتي صارت الف عبره وغصه
اقترب
ومااعرف شنو اللي اسوي
مدت ايديهه وسحبتني لحضنهه
شكد شميت بيهه ريحة امي
حسيت بدفو وحنان
ارتميت بحضنهه وصرت ابجي
يمكن اشكيلهه من غدر الزمان
يمكن حسيتهه امي ورجعت من الموت
لزمت وجهي وبوستني
اسماء:يمه قدوره كبرانه ولج عفتج طفله
كانت عيونهه مدمعه
كالت
اسماء:وخواتج وينهم
اجت تكتم
وحضنتهه وتبوس بيهه
اسماء:شلونج ولج كبرانه
تكتم تبتسم بوجهه
وخانكتهه العبره
جريت غزل
اللي صارت تروح منا وتجي هنا
واخذتهه لخاله
باوعت لخالتي فتحت عيونهه وابتسمت
اسماء:هاي غزل هيج صايره بهالجمال
غزل:خاله الغراب ميشوف وجهه
ضحكت خاله وضمتهه لحظنهه
بعدهه سلمت ع الكل
وكعدت بنصنه
متفاجئه بينه شلون كبرنه
كان اكو فرق
بين خالتي اسماء وهاله
اسماء كانت كلهه طيبه وحنيه
صدك اخت امي
بس هاله لاا
كعدو يسولفون
وخاله منسجمه وياهم
وترجع تاخذني لحضنهه
حسيت حب الطفوله متغلغل بداخلهه
وكانت فرحانه بينه
عرفت بحالة تكتم وانقهرت
لمحت بعيونهه انكسار
بعدهه كالت
اسماء:هي بلايه صوت تجنن بعد احلا الهه
شفت تكتم تبتسم بأنكسار
صبو الغدا
وكعدت ويانه
تخلي اكل كدامنه وفرحانه بينه
واني كنت بس اباوعلهه
اتمنى لو كانت امي
التفتت ع رسلان وكالت
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
