بقلمي
الكاتبه غدير الحيدري
....
مساء الكاكاو
اي اعلان بدون تفاهم حظر
زودتوهه هواي
اول قصه الي متابعيني صفر
لاسويت دعم ولا اعلان
عيب كافي
الراقي هو يثبت نفسه
حبايبي
علقو ع فقرات القصه
احبكم💚💚💚💚
...
لاترحلي!
جدران قلبي قد بكت
وتحطمت كي تنظري لي
لا ترحلي!
فالروح قد اشتكت مواجعها
وهبت نسمات الاذى
ورمت غبار الوجع لي
لا ترحلي
انتي الذي ربيتني
وقلتي تذمري علي وتدللي
....
زاويه مظلمه
وبرد ينخر العظام
صوت الرعد وضوء البرق
يتخلل زوايا النافذه
صوت الهواء
اشبه بالصفير المخيف المرعب
كنت انرعب منه
لكن هالمره ماحسيت بخوف
هالمره احس تعلمت
اي تعلمت!
واصبحت اسأل الشتاء
متى ترحل؟
لم تبقى بك ذكرى الا واوجعتني
لم يحصل بك شيئ الا وحطمني
لماذا قسيت علي؟
لماذا قسيت على جروح اليتيمه
التي اصبحت ترتجي منك الراحه
لماذا لم تريحني؟
شهكت
بصوت مسموع
ودموعي كانت مستحله خدي
كاعده بزاوية الهول
اللي كانت مقابله للسرير الفارغ
للسرير اللي ماتت بي احلامي
وانتهت بشمعة فراق
بشمعه تتقد امامي
وتحاول تنطفي
بديت اتنهد
بالدقيقه الف تنهيده
احس اختنكت
اصبحت مااسيطر ع مواجعي
واشهك بقوه
لزمت صدري
احس بوجع
ومخنوكه بقوه
ادور ع خيال امي وصوتهه
بس ماكو
اسمع انين خواتي بالداخل
وبيبي رقيه تحاول تسكتهم
واني كنت وحيده ومبتعده عن الجميع
بقيت اشهك
شهكه بعد شهكه
احس بروحي حموت
اختنكت
الهوى صار مايدخل بداخلي
مجرد فاتحه عيوني
والدموع مغرغره بالداخل
ومااصدر اي شي
سوى الشهكات المتواليه
صار بوجهي راكان
تقرب يمي بخوف
كعد امامي
صار يهز بكتفي
واني مخنوكه
شهكت بقوه
وضمني لصدره
بجيت بقوه
واني متمسكه بقميصه
خايفه من كولشي
خايفه من حياتي البارده
شهكه تتبع شهكه
لحد ماهدأت
وراكان كان يمسد بشعري
وحاضني بقوه
لزم وجهي بأيده
وصار يمسح بدموعي
همسراكان:قدر اني مااعوفج كوني قويه
باوعتله
والدموع بعيوني
مسحتهه وكنت ارجفقدر:امي راحت مني امي ..
ماكملت كلامي
شهكت
ماحسيت ع روحي
الا واني واكعه ع كتفه
واناشغ بوجع
واصبحت اتذكر
قبل 3ايام
بعد مارجعت من اخر امتحاني
شفت هوسه بالباب
وسمعت صرخة غزل المفجوعه
تقربت للبيت
بخوف
ورجلي وحده تطك بالثانيه
الصدمه كانت امامي
من شفت تكتم وغزل يلطمون
وغزل تصرخغزل:راحت امييييييي ولج يمه عليمن عفتينه
فتحت عيوني بصدمه
ولزمت الحايط
كان الخبر صادم الي
اباوع بالوجوه
كلهه ماكانت تطمني
كعدت بالكاع
وصرت الطم واضرب بوجهي
واصرخقدر:ولكم ماردتهه تمووووت كنت اجمع فلوس علاجهه وين راحت امي وعافتنه عليييييمن
فقدت واني احس روحي مفرفحه
والوجع اللي بداخلي
مااكدر اوصفه
دخلت جوه
اركض
شفت امي ممدده ع السرير
ومغطيهه
ركضت واني اصرخ
وصرت اهز بيهه
دفنت راسي بصدرهه واشهك
واصرخ
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...