بقلمي
الكاتبه غدير الحيدري
...
قدر
كنت اركض للمطبخ
اجيب المي
وخواتي وحده تطخ الثانيه
مخبوصين مثلي
خالتي فقدت الوعي
وصككت اسنانهه
وماعرفت شبيهه
والحمد الله اجو خواتي
كان تخبلت بوحدي
اخذت المي ورحت اركض
صرت اذبه فوكاهه وهي تفز شوي
وترجع تصكك
شراح اسوي ياربي
غزل صارت تضرب بخدهه
وتكتم ترفع رجليهه
شوي وصحت
كانت كوه تجره النفس
وجهه لونه اصفر باهت
ودموعهه مستمره بالنزول
ماحبيت الح عليهه
نطتهه تكتم حباية مسكن ومهدئ
ونامت
كعدت اني وخواتي
اضرب ع رجلي
الخوف مموتني
ولاازال مااعرف شي
فركت وجهي
ياربي دخيلك
وصرت ادعي هواي بداخلي
بعدهه بدلت وصليت
ونزلت
كانت تكتم تحضر شوربه
الغريب بالموضوع
خاله حتى ماطابخه
اكيد اكو شي
كعدت بالمطبخ
اجت غزل كعدت بالكاع
وصارت تطلع الثلج من القوالب الخاصه بي
وشكلهه ضايجه
وبالهه رايح بعيد
قدر:غزل بيج شي
هزت راسهه بمعنى لا
بعدهه كالت
غزل:طمنيني شسويتي بالاجتماع
قدر:اسكتي بدعت كلهم تخبلوا بيه
غزل:مبروك القادم افضل انشالله
سمعت صوت خاله تبجي
كمت من مكاني
ورحت يمهه
شفتهه تحجي بالموبايل
وتمسح بدموعهه
اسماء:ليش ماكلت هيج هنت عليك
سكتت وهي تسمع الطرف الثاني
بعدهه كالت
اسماء:مستحيل اعوفك اسماعيل تشاركنه ع الحلوه والمره اني جايتك مااتركك
بعد كلام طويل
واني صافنه عليهه
سدت الفون
وصارت تبجي بالزايد
خواتي اجو
ورحت يمهه
قدر:خاله شكو فهمينه كلبي ضل يمج
كالت وهي تبجي
اسماء:ولج يمه قدر عمج اسماعيل حيروح مني
قدر:شبي عمو بس فهميني
اسماء:منتكسه حالته ومحلل وطالع بي مرض بالراس ولج يكولون خبيث
فتحت عيوني مصدومه
خواتي صارو يبجون
وخالتي زادت بالبجي
عمو اسماعيل انسان طيب
ساندنه طيلة ايام وجودنه يمهم
صارت دموعي تجري
وعرفت سبب انكسار خالتي
بهالاثناء
اندكت الباب
وراحت غزل تفتحهه
سمعنه صوت هاله
اجت تركض
وكعدت يم خاله اسماء
تضرب ع رجلهه
واجه وياهه ايمن
باوع ع غزل
وغزل سحبت نفسهه
وراحت للغرفه
هاله:ولج من شوكت مكتشف هالمرض
اسماء:ماادري يمكن هالفتره
هاله:وانتي بعدج باقيه هنا ولج روحيله لتلتهين بذول يعيشون ماعليهم شي انتي المكروده
أنت تقرأ
أنين الروح (رازبليتو)
Romanceبقلمي الكاتبه غدير الحيدري ذاتك هو من يصنع حياتك هو من يرتب امنياتك هو من يحكمك لاتقترع جرف الاذى في لحظتا فتنقلب لحظاتنا لحياة لا ترسم الوجع المريب مخافتا ستحط بعد الغيبة متاهات احلم وارسم وابتغي كل ماحصل لكن! لاتؤلم الروح كي لا اكم الاَهات انين ال...
