أنثى في فم ذئب

أنثى في فم ذئب الجزء الثاني البارت ٩

أنثى في فم ذئب: الجزء الثاني البارت ٩

للكاتبه ياسمين العزي:

حارث....اششش تعالي بحظني وعد هاي اخر دمعه الج كافي حركتي كلبي كافي يمامه ادموعج تحرمني
لا تخليني هسه اروح احرك مهند
يمامه...فجئه سكتت وخرت نفسي منه ورحت
كعدت على الجربايه
حارث..يمامه نامي ارتاحي
يمامه..بدون صوت مددت بس غمضت عيوني نمت
بقيت نايمه وقت طويل
كعدت الغرفه ظلمه وهدوء كانو ماكو احد بالبيت
كمت وكل جسمي يوجعني طلعت ملابس نزعت
الدشادشه رحت وكفت على مرايا بقيت بس لابسه
اتك (ثوب قصير) اباوع على جسمي لوحه زركه
من شفت جسمي شهكت بجيت ليش ياحقير ليش
شنو ذنبي وياك
انفتح الباب جفلت باوع وعيوني متروسه دموع
حارث طب راد يطلع جان يباوع زين واجه يمشي
على كيفه بتجاهي
حارث...هذا شنو يمامه هذا كل عقله هيج مسوي
بيج
يمامه...مو مهم والله على كيفك لا تتعصب
حارث...ولج شوفي روحج شوفي والله اليوم اخلص عليه
يمامه...هوه يحجي لبست الدشادشه توني لبست طلع يركض واني ركضت وراه
اكو مخزن بالحوش صاير على صفحه للمواد وهيج شغلات اشو حارث راح عليه
عرفت انو هوه هنا مشيت وراه راد يفتح الباب باوع
وراه شافني
حارث...يمامه طبي جوه
يمامه...حارث فدوه لا تتهور
حارث...لتخافين اعرف اصرف
يمامه..اريد ادخل وياك
حارث...شسوين
يمامه...خليني حارث وخلص ارجوك
حارث...ماشي
يمامه ...دخلت جان يرفع عيونه عليه يباوعلي
وكانو حارث ماموجود
مهند...جيتي يمامه ترى انتو جاي تغلطون
حارث...انجب انت شلون تضرب يمامه هيج
مهند...ملكي واني حر بيها
حارث....ضربته حيل على خشمه خليته يجري دم
يمامه...حارث على كيفك اريد احجي وياه
مهند فهمني انت وين تريد توصل اني ازوجت
كافي عوفني بحالي والله تعبت من المشاكل
مهند...الي اريده هذا يطلكج واني ازوجج واخذج واسافر
حارث...ياكلب هذا منو الي يطلك ولك انت بلا اخلاق
يمامه...مهند هذا شي مستحيل
مهند...لعد خلص هسه موتوني واخلصو اني ما اتحمل اعيش بدونج ولج افهمي اني مو بس احبج
اني اعشقج بجنون
حارث...ولك حقير انت شدا تحجي
يمامه...على كيفك حارث اريد اعرف شلون خطفني
يعني معقوله وحده دبره
حارث...اي صحيح وانت شمدريك يمامه الي تطلع
مهند...لتخافون عليه صارلي اشهر مراقب وانتظر هاي لحظه
يمامه...حارث صار نار كوه جريته وطلعته
جان يدك الباب راح حارث يفتح ابو مهند وامه
وجهم مخطوف وامه من الباب تصيح دخيلكم
ابني وينه
حارث...لا تخافين على ابنج بسبع ارواح
جايين خايفين عليه ولا همكم الي سواه
ابو مهند...خلي نفوت جوه ونتفاهم
يمامه...دخلنه جوه واني خايفه لا تطلعلي سالفه
الكل كعد واني واكفه 
ابو مهند...اني جايكم ولا تردوني اذا مو الخاطري
الخاطر شيباتي
ابو عمر...لا تكول هيج انت اخويه ومن لحمي ودمي
بس ابنك مو عمل هذا يسويه
ابو مهند..ياخويه هذا مخبل مو صاحي
حارث...لالالا الي يسوي هيج كلشي مابيه
ابو مهند...تذكرون المرحوم ضربه سكطه
ويادوب وكف على حيله
خلوني هل مره اخذه واروح حتى بيتي بعته كلشي
عندي بعته وراح اسافر خلوني اخذ واهج بلكي الله يهديه
حارث...عمي يعني هيج تاخذه ولا كانو مسوي شي
ترى لا صايره ولا دايره
ابو مهند...اني راح اعقابه وتوصلكم الاخبار
والله اله اسجنه بالبيت بس لا تكسرون ظهري بيه خلوني اخذه واتوكل واني اكول الكم
اذا شفتوه بعد بس مر من باب بيتكم بدون تردد
خلو طلقه براسه
يمامه...حيل اتأذيت من كلام عمي حقه شما يصير ابنه ويمكن هوه يصلحه
ابو عمر...بنتي يمامه انتي القرار الج
يمامه...عمي رب العالمين هوه الي يحاسب اني منو حتى احدد مصيره خليه هوه وربه خلي عمي ياخذه
بس ماريد بعد اشوفه...جان يكوم عمي وباسني
ابو مهند...الله يحفظلج عموري ولا يشوفج بيه مكروه وكل الي صار اني اعتذر بنتي اعرف شكد تعبتي بس ان شاء الله الله يعوضج 
يمامه...دموعي نزلت سكتت..جان يباوع على حارث
ويكله دير بالك عليها ولا تضيعه منك ماتلكه احسن منها...راح حظن عمي وعمي ابو عمر حظنه ويبجي
ابو عمر...ياخوي يعني راح نتفارك من وره ابنك
ابو مهند...شسوي مهند كسر وجهي وبعد ماضلي  وجه
ابو عمر...الله ينطيك القوى اخويه روح اخذ ابنك وروح ان شاء الله ينعدل احنه شنريد
يمامه...طلعو كلهم واني بقيت بمكاني واحس بوجع
مو طبيعي معقوله خلصت منه معقوله بعد ماشوفه
ياربي رحمتك
طلعت من الصاله رحت للغرفه ابني نايم مثل الملاك
ياروحي ان شاء الله حظك يكون احلى
ولازم اخليك تعيش احسن حياة
خلص اجه وقت الجد لازم اكوم على حيلي
بجيت وضعفت وخليت الناس تتحكم بيه
بسببي اي بسببي اني لازم اصرف صح
خلص يمامه عيشي لابنج ونفسج
انفتح الباب..
حارث ...شلونج يمامه
يمامه...اني زينه وخلص من اليوم راح اصير قوية
مثل ماتكولي
اني عندي ولد راح اكمل دراستي وابني مستقبلي ومستقبل ابني كافي خالص اضيع نفسي وابني
صح الي عشته مو قليل بس والقوى تجي بعد الكسر
حارث..عفيه عليج هذا الي اريده
واني من زمان كتلج اول مايبدي العام الدراسي
انتي تداومين
يمامه...اشكرك حارث على كلشي يمكن لو ما انت
جان هسه اني زوجة مهند
حارث...اشششش
يمامه....هاي الحقيقه ربي يخليك لشبابك وان شاء الله تزوج الي تحبه وتعيش الحياة الي تحلم بيه
وان شاء الله الله يهدي مريم وترجعلك
حارث...ومنو كلج الي احبه مريم
يمامه...لعد
حارث...اشو انتي تحجين وياي كانو تردين اتروحين وبعد ماشوفج  شنو سالفتج 
يمامه...لا حارث مو لهل درجه بعد مشوفني
حارث...شنو قصدج
يمامه...حارث انت تعرف زين شنو وضعي ويه اهلي
الي اتخلو عني واني بصعب الظروف
يعني صعب بعد اروحلهم
حارث...شدا تحجين هذا بيتج
يمامه...صح مهند راح بس اذا رجعت راح تكثر
السوالف واني خلص تعبت
الي اريد اكوله خلص انت شاب وهاي غرفتك والك
حياتك الخاصه
حارث ..يعني شنو
يمامه...ارجع لغرفتي اني اهم اشتاقيت لعمر اشتاقيت لعطره تدري تدري من افوت للغرفه احس
روحي ترجعلي هنا كعد هنا ظحك هنا غازلني
ادموعي نزلت حارث اشتاقيت لعمر ليش عافني
ليش ليش جنت منزله راسي واحجي انتبهت
حارث ساكت باوعتله ساد عيونه حيل وكانو واحد يتوجع حااارث شبيك.....اتبع
باجر البارت الاخير حبايبي