(أنثى في فم ذئب) الجزء ٣ للكاتبة ياسمين العزي
مهند...وين رايحه وجريته اتقربت منه وبسته
يمامه....ماعرف ليش من اتقرب مني حتى ماكدرت ارفضه
صرنه اني وياه بالكاع وووو....
صرخت وكعدت لالا ياربي شنو هل حلم نزلت دموعي
تبارك...هاااا يمامه شبيج حبيبتي
يمامه...حلمت حلم بشع
تبارك....شنو حلمتي
يمامه....مهند يتقرب مني واني ساكته
تبارك... خلص حياتي هذا حلم مهند يحبج وراح يخطبج
يمامه...لا ماريده وكوليله يمامه رافضتك مستحيل اقبل
خوما كوه اني ماحبه
تبارك...خلص خلص ليش هل عصبيه محد جبرج
يمامه...ماعرف شجاني حيل اتعصبت من شفت هل حلم
ماعرف وخفت منه
الصبح اجت امي تكعدني الساعه ١٠
ام سوسن...يلا اكعدي
يمامه...راحو بيت عمي راحو لو بعد
ام سوسن...اي راحو يلا اكعدي ماتكليلي ليش هيج ماترديهم
يمامه...ماما مارتاح لمهند
ام سوسن...شنووو ليش شبيه كلج شي سمعج شي
يمامه...لا ماما بس اني اظوج منه
ام سوسن...اي لا تتقربين منه
يمامه...ليش ماما انتي شايفه منه شي
ام سوسن...مايعجبني هل ولد خفيف
يمامه...واذا اجه خطبني
ام سوسن...لا انتي اكيد سامعه شي
يمامه...لا ماما كتلج مجرد سؤال
ام سوسن...شيلي فكرة الزواج بعدج اول سنه زواج ماكو
لا مهند ولا غير وسدي هل موضوع وماريد تنطين اهميه لمهند ماشي
يمامه...حاظر ماما
يمامه...مر اليوم بدون ماشوف مهند الف الحمدالله
ثاني يوم كعدت الصبح بدلت ونزلت جوه لكيت مهند
عزه هذا شديسوي من الصبح راسن دخلت للمطبخ
ماما هذا شديسوي من الصبح
ام سوسن...هوه راح يوصلجن للجامعه
يمامه....شنو ليش يعني
ام سوسن...هوه هم عنده دوام وابوج يكول احسن من الغريب
يمامه...اني احجي ويه ابويه وينه
ام سوسن...صيري عاقله مابيه مشاكل
يمامه...لا مشاكل ولا شي رحت لغرفة بابا هاا يمامه محتاجه شي
اي بابا ليش مهند يوصلنه اني ماريد اروح وياه
ليش بابا عندج مشكله وياه
يمامه...لا بس ناخذ خط احسن
ابو سوسن...على شنو الخط ابن عمج موجود واحسن من غير احد
يمامه...سكتت وطلعت سوسن تصيح طلعنه
سوسن كعدت وره جان يكلي يمامه تعاي اكعدي كدام
يمامه...لا مشكور اكعد وره ارتاح اكثر
هز راسه وسكت
وصلنه الجامعه وهوه هم نزل ويانه اهووو حتى بالجامعه وياي كل واحد راح للقاعه مالته
خلصت المحاظره واني ماطلعت كلت ماريد اطلع واشوفه
كعدت وحدي
مهند...الحلو ليش كاعد وحده
يمامه...مهند تره انت اجازوت احدودك هواي شويه خلي عندك كرامه
مهند...احترمي نفسج
يمامه...انت احترم نفسك اني بنت عمك عيب هل تصرفات
مهند..يصير خير
يمامه... الله وياك خلصنه محاظرات وطلعنه عود طول الطريق مايحجي زعلان
ويطبك طوب
يمامه...طبينه للبيت ماما ميته جوع
ام سوسن...يلا بدلن وتعالن واتحظرن اليوم معزومين
يمامه...وين
ام سوسن...بيت عمج ابو عمر مسوين عزيمه ابنهم اتخرج
من مصر
يمامه.. ماشاءالله يلا ماما هسه ابدل واجي
كعدنه نتغده
ابو سوسن...هاا شلون الدوام
يمامه....يمامه الحمدالله بابا بس مال مهند يوصلنه ماعاجبتني
ابو سوسن...عيب هل كلام وهذا ابن عمج يعني الغريب احسن
يمامه...لا بابا الي تشوفه انت
ابو سوسن...يلا روحن بدلن حتى نروح من وكت عيب
رحت بدلت لبست فستان ذهبي وكعب عالي ورتبت شعري
نزلت جان امي تكول اي مو رايحين على عرس
ابو سوسن...عوفي البنيه
ام سوسن...اي انت ابقى دافع
يمامه...يعني المهم طالعه حلوه
ابو سوسن. ...اميره طالعه
يمامه...😊😊صعدنه بالسياره كلنه كوه لزمتنه وصلنه
بعد ماكو احد بس عمامي
دخلت جان من تشوفني مرت عمي ام عمر ماشاء الله اليوم
شهل كمر الي هل علينه
يمامه...تسلمين عمه يلا اني اروح اساعد البنات
ام عمر .. يمه وبهاي الملابس ماجبتي ملابس وياج
يمامه...اي خاله جبت دشادشه
ام عمر....روحي بنيتي بدلي فوك صعدت واني حايره بيا غرفه ابدل اني شلون ماسألته احنه كلش قليل نجي لبيت عمي يعني من العيد للعيد ولان هم ماعدهم بنات
ماهلكد احنه البنات نجي
المهم دخلت لغرفه كلش حلوه مبينه لواحد من الولد شبابيه يلا خلي ابدل همه جوه ملتهين بالعزيمه
نزعت الفستان توني دنكت اريد اشيل الدشادشه انفتح
رأسن غطيت نفسي بالدشادشه
وهوه راسن رجع سد الباب عززه فشله بدلت وطلعت
لكيته واكف بالباب
عمر...اني اسف ماجنت اعرف انتي بالغرفه
يمامه...لا اني اسفه والله بس ماعرفت وين ابدل
عمر...ماصار شي
يمامه...نسيت اكلك الحمدالله ع السلامه ومبرؤك التخرج
عمر.. الله يسلمج يوم الج ماشاءالله متغيره حيل
يمامه...اي صار اربع سنوات اكيد اتغير كبرت
وانت هم متغير
عمر...ههههه اي صرت شايب
يمامه...لا بع جان امي تصيح وين رحتي يمامه
يلا اني اروح
عمر...هلا بيج بنت عمي
يمامه...نزلت واني احجي ويه نفسي عزه شكد عيب
معقوله شاف شي
اووووي بس شكد صاير حلو امشي واحجي ويه نفسي
عمر شكله طوله وسط شويه ظخم اشكر عيونه صفر لحيته شكره مزين شعر صفر
مرتب حيل لفت انتباهي حيل نزلت جوه اشتغل اجن
اخوات مهند كلت ياستار اكيد اخوهن هم اجه
صبينه العشه اجو الولد ياخذون العشه دا اخلي الشعريه
اسمع واحد يكول يلا بسرعه بسرعه يمامه رفعت راسي
عمر لابس دشادسه بيضه شكله يخبل صفنت عليه
حسيت على روحي عزه شكد عيب
انوب اجه مهند اهوو شكد تلعب نفسي منه
رفعت راسي صارت عيني بعينه جان يغمزلي عمر شافه
جان رأسن يرجع يباوع عليه
اني راسن نزلت راسي
عززه بس لا عباله عندي شي وياه
كملنه العشه والمواعين بعد ماشفت عمر اشوفه من الشباك
ملتهي ويه الخطار الي يجي
رجعنه للبيت من وكت علمود عدنه دوام قبل ما الناس تخلص ابويه وصلنه ورجع
من التعب رأسن نمت
الصبح طلعنه الدوام بس مهند ماعرف شبيه فرحان
هل ولد ابد مو طبيعي
رجعنه للبيت متأخرين ساعه ٣ طبينه اني وسوسن
ام مهند كاعده وهاي اجت العروسه
اني بقيت مصدومه شنو عروس...اتبع
اذا اكو اي استفسار حول القصه اتفضلو
#ياسمين العزي
STAI LEGGENDO
أنثى في فم ذئب
Narrativa generaleانثى تتعرض للأغتصاب من اقرب الناس لها ياتره من يصدقها لتعاني ماتعاني احزان قصة حقيقه #
