أنثى في فم ذئب

أنثى في فم ذئب الجزء ٤

(أنثى في فم ذئب) الجزء ٤ للكاتبة ياسمين العزي

ام مهند كاعده وهاي اجت العروسه
اني بقيت مصدومه شنو عروس
اباوع على امي ساكته وماعاجبه الوضع
ام مهند..تعاي حياتي يمي حتى نحجي
يمامه..ترى اني كلشي مدا افهم شنو الي ديصير
ام مهند...ياحبيبتي اني جايه اخطبج مهند معند يريدج
واحنه هم مانلكه مثلج اخلاق وجمال ومنه وبينه
يمامه...احس اتخربطت كل احوالي كتلها عمه الله كريم
ماردت اجاوبه بدون علم ابويه
يلا عمه اني اترخص اروح ابدل كوه متحمله الوضع
صعدت فوك وسوسن لحكتني
يمامه...سوسن شفتي بعينج هذا شكد ماعنده كرامه ماريده هي خوما كوه
سوسن..اهدي ماصار شي
يمامه...مجرد كلام اختنكت لج والله بس شوفته خنكه
شلون ازوجه بدلت وكعدت انتظر تروح ام مهند سمعت
امي تكول هلا بيج وان شاء الله الي بيه خير يصير
نزلت اركض
ام سوسن....على كيفج شبيج
يمامه....ماما ماريده ارجوج
ام سوسن...على كيفج اني ماقبل مو عقلي ماعندي حتى انطيج لهيج واحد
يمامه...ابتسمت دخل ابويه كال شبيكم
ام سوسن...اليوم مرت اخوك اجت
ابو سوسن...يا اخ
ام سوسن...ام مهند اجت تخطب يمامه لمهند
ابو سوسن...مابيه شي
يمامه...باوعت على ابويه بصدمه
ابو سوسن...شبيج يمامه اذا ماترديه محد يجبرج
بس فكري ابن عمج احسن من الغريب لو شما يصير
يمامه...بس بابا اني ماريده حتى طيقه
ابو سوسن...خلص خلص لا تعصبين محد جابرج وانتي ام سوسن رجعي لام مهند خبر كولي البنت جاي تدرس وقسمه ماكو
يمامه....من ابويه هيج كال طرت من الفرح واخواتي يباوعن بطرف عينهن خير شكو
رغد..وليش ترفضين خلي شويه نفرح
يمامه...اي عيني سندس علمود افرحج اقبل بمهند مو
صعدت اركض على سوسن وحجيتله بقينه كاعدين
امي صاحت تعالن ع العشه اتعشينه دا نغسل اماعين
سمعنه صوت امي صار عالي رحنه نركض
ام سوسن...ياعيني محد رافض ابنج بس بنتنه مانريد نزوجه هسه
نريده تكمل قسمه ماكو
وان شاء الله مهند ياخذ الي تناسبه والاحسن
يمامه...اباوع واني خايفه لا يضغطون على اهلي
امي سدت الجهاز هاي شلون عالم ادري الزواج كوه
يمامه...هاا ماما شبيه شتكول
ام سوسن...تكول عود تلكون احسن من مهند واني ابني ماينرفض
ابو سوسن...عيب هل كلام وهمه مايلكون احسن من يمامه
يمامه..حيل ظجت صعدت فوك مددت واني افكر ماعرف
كلبي حيل مخنوك اجت سوسن كعدت يمي شبيج
حبيبتي
يمامه...ماعرف بس مخنوكه واريد ابجي هذا منين طلع
بعد حتى ماتهنيت بالجامعه نمت والدمعه بعيني
كعدت الصبح البس واني ظايجه سوسن راحت
اتريكت اني ماكلت شي امي صاحت عليه مارديت
طلعنه بالباب ننتظر مهند ابويه مابيه حيل يودينه كتله
ماريد اروح وياه كلي اصرفي كانو ماصاير شي افضل
واكفين
صباح الخير
يمامه...باوعنه عمر راسن انرسمت ابتسامه على وجهي
عمر..ها يابه اشو هيج واكفين بالشارع
سوسن...دا ننتظر مهند يجي يوصلنه
عمر...تعالن اني اوصلجن بطريقي
سوسن...لا هوه هم نفس الجامعه
يمامه...اباوع عليه حسيته مايرتاح لمهند
كال ماشي ابراحتكم وراح
اجه مهند بس وجه مكلوب عشتووو على ساس مقهور
الطريق كله ماشال عيونه مني
وصلنه الجامعه
مهند...سوسن نزلي انتي اريد احجي ويه يمامه
سوسن...احجي كدامي
مهند...كتلج سوسن نزلي قابل راح اكله كتلج اريدج احجي وياها
يمامه...شتريد مهند
مهند...انتي اسكتي يلا سوسن انزلي ادخلي الجامعه يمامه
شويه وتلحكج
سوسن...ماشي مو تتاخرون
يمامه...يلا احجي مهند شتريد
مهند...ليش رفضتي كولي ليش
يمامه...لان ماريد ازوج هسه بعدني صغيره وتوني دخلت
جامعه
مهند...ومنو كلج راح امنعج من الجامعه
يمامه...مدا تفهمني هسه اني مامفكره ازوج
مهند...بس اني مفكر وهسه اريد ازوج مو على كيفج
يمامه...محد مانعك روح ازوج اني حاليآ مازوج ومحد
يكدر يجبرني
مهند...كذابه مو هذا سبب رفضج
يمامه...اني ماكذب ومامجبوره اكذب عليك
مهند...عندج حبيب مو
يمامه...احترم نفسك شنو عندي حبيب
مهند...لا ماكو مبرر ثاني
يمامه...شبيك اتخبلت
مهند...اي اتخبلت ومابقى عندي عقل انتي وحده بلا احساس
يمامه...خفت حيل منه صار عصبي خلص مهند هدي
مهند...لا ماهدي انتي انانيه وماتحبين غير نفسج
يمامه...كافي مهند يلا اني راح انزل
مهند...لا ماكو نزله
يمامه....شبيك مهند نزلني مابقى وقت ماجاوبني وساق السياره سريع شبيك مهند وين رايح يسوق سريع
وبدون ميجاوب اني اصرخ وهوه ميجاوب
الله يخليك مهند ارجع وين رايح
وصلنه مكان خالي من البشر
مهند الله يخليك وين جبتني
مهند...انزلي بدون كلام
يمامه....جرني ونزلني لا مهند عفيه شتريد تسوي بيه خلص رجعني
والله افكر بيك بس رجعني يباوع عليه
بدون مايحجي
مهند...خلص مابقى تفكير ولا اكو وقت
يمامه...ادموعي تجري مثل الشلال لا مهند لا تتهور
اتقرب وشك قميصي لاااااا هاي شبيك اتخبلت
والله هسه الم الدنيا عليك
مهند...ليش اكو احد
يمامه....اباوع ماكو غير اني وياه دموعي تجري وارجف
ياربي ساعدني.....اتبع

#ياسمين العزي