أنثى في فم ذئب

أنثى في فم ذئب الجزء ٩

(أنثى في فم ذئب ) الجزء ٩ للكاتبة ياسمين العزي

حسيت بيه يعدلني لان غفيت واني افكر بمهند
كلت يامهند دعوفني
صاح شنووو
اني راسن حسيت على نفسي وفزيت
يمامه..اسفه عمر والله مو قصدي
عمر..هيج يعني وبكل وقاحه انتي على ذمتي وتناديني بسمه ترى عيب عليج
يمامه...والله جنت مقهوره منه .خزرني بعيونه
لزمني من شعري شوفي يابنت الناس مو سلوبي الضرب ولا الغلط بس تناديني بسمه وانتي على ذمتي
هاي ماقبله ثاني مره صدكي يصير غير تصرف وياج
يمامه...من فشلتي سكتت ودموعي نزلت اكتفيت اكول
حاظر اتعودت على هل كلمه
عافني ودخل للحمام
لذاك الوقت اذكرت انو هاي شالني وصعدني للغرفه
امداني ابد مو وجه نعمه كمت من مكاني
اليوم الجربايه اله مو الي
طلعت ثوب اسود قصير لان ماعرف انام بدشادشه طويله
طلع من الحمام واني دخلت للحمام
سبحت وبدلت وطلعت وهوه امدد ع القنفه
باوع عليه كال استغفر الله يمامه تالي وياج
يمامه.. شنو والله ماسويت شي
عمر...خلص خلص روحي نامي
يمامه...يمامه اني انام ع القفنه
عمر...بدون نقاش روحي نامي
يمامه...سكتت ورحت نمت يالله مدا افهم هل ولد اخلاقه وتصرفه عاقل ورزن بشكل مو طبيعي وبيه برود مو طبيعي يعني حتى من مرات اذا يشوف شي مني يظوجه يغلس ماعرف شنو هذا تصرفه
كعدت ساعه ٦ ونص باوعتله بعده نايم ياربي جنه طفل ونايم خرب وين راح فكري
بس والله الواحد ينجبر يباوعله
رحت بدلت ونزلت بعد الكل نايم خليت الجاي ع النار
دا احظر الريوك نزلت ام عمر كلتلي اي عفيه هيج صيري تعرفين شغلج بدون محد يصيح عليج
يمامه...ان شاء الله كملت الريوك وصعدت اكعد عمر
فتحت الباب ودخلت اباوع ماكو اتقربت اريد ادك باب الحمام
طلع بوجهي بس بالشورت خجلت من نفسي واحس روحي عركت بدون ماباوعله كتله يلا انزل اتريك
عمر...ماشي
يمامه...اريد اطلع صاح عليه
شوفي من تريدن تدخلين للغرفه دكي الباب ومن انتي تبدلين اقفلي الباب
يمامه...حسيت روحي جاهله كلشي ماعرف كتله اسفه مو قصدي ونزلت حسيت روحي عشت الدور اكثر من الازم
ادخل لغرفة شاب بدون مادك الباب صدكت روحي
هوه زوجي
امشي واحجي ويه روحي نزل حارث يباوع عليه ويظحك
شبيج تحجين ويه نفسج
يمامه...ها منو اني
حارث ...لعد ابويه ولج يابه صدك انتي على نيتج
يمامه...باوعتله صفح
حارث... اسف اسف مو قصدي
..ظحك ونزل
يمامه...بس حارث يحجي وياي ام عمر بس ترزل
وعمي اصلآ مايحجي ويه احد نادر طبعه حيل صعب
وسيف ومسلم ماخذين مني موقف حتى مايباوعلي
الكل اتريك
دا اغسل الماعين سمعت احد يمشي وراي
باوعت عمر كاشخ ونازل والعطر يفوح منه
يمامه.. ماكدرت لروحي سألته وين
عمر...رايح للجامعه
يمامه...شسوي يعني اقصد انت مو اتخرجت
عمر...احاظر
يمامه...ياا يعني هسه انت أستاذ بالجامعه
عمر..اي يلا اني طالع محتاجه شي
يمامه...لا سلامتك طلع واتمنيت اروح اداوم وياه وهوه الي يدرسني احس بنضرات عمر اكو اعجاب
حتى من كاعدين ع الريوك يباوعلي من اباوعله ينزل راسه
كملت شغل البيت وسويت غده وصعدت فوك
مددت شويه ارتاحيت باوعت الساعه ١٢ ونص نزلت حتى نحظر الغده اجه عمر صعد فوك رأسن
صبينه الغده ام عمر دائمآ احسه حنونه بس مدا تتقبل اني هيج مسويه وابنه ازوجني يمكن لو مزوجه عمر
بغير ظروف جان تصرفه اختلف
مرات تبتسم وياي وتحس على روحه وتكلب وجه
صعدت اصيح عمر دكيت الباب ودخلت
عمر ..مو جوعان اكلت بس حظري نفسج معزومين يم
صديقي ع العشه
يمامه...اوك فرحت لان صار كم يوم ماطالعه من البيت
رحت كملت الغده والمواعين ورتبت كلشي
باوعت الساعه ٣ يبووو اني يلا الحك صعدت عمر نايم
اول شي اختاريت فستان ابيض وبيه ورد سمائي
وحجاب سمائي
طبيت للحمام سبحت وطلعت ماعرف عبالك عندي عرس
كد ما فرحانه طلعت لبست وخليت مكياج بس الحجاب
بعد مالبسته دا امشط شعري
عمر..احم احم
يمامه...انداريت عليه كاعد ويباوع عليه
عمر...هاي شمسويه
يمامه...مو كلت اتحظري
عمر...ولج الساعه ٥ ونص
يمامه...اي يلا الحك اباوع عليه ابتسم وهز راسه
كلي اني اطب اسبح شفته يباوع على ظهري
كلي السحاب مالتج مامسدود زين
حاولت اسده ماكدرت يدون ماكله اتقرب مني سده اباوع
عليه بالمرايا حسيته اتقرب من شعري جسمي قشعر
سده وخر بسرعه طب للحمام مدا اعرف سر هل ولد
طلع من الحمام لبس دشادشه بيضه وخله عطر
والله ماعرف اوصف جماله
نزلنه ام عمر تخزرنه هاي وين
عمر...معزوين
ام عمر...وانتو صدكتو نفسكم عرسان
عمر...يايمه الخاطر ربج الولد عزمنه شكول ماجي لو احنه مامزوجين بس كدام العالم شكول يعني
يمامه...شكد ظجت عاد من كال هيج عمر امه سكتت
طلعنه وصلنه البيت طلع الولد وزوجته الي عرفته همه عرسان صار شهرين من مزوجين
كعدنه سوه حيل غرت من الوضع البيت صغير ومرتب
والبنيه طايره والولد يحجي ويباوع عليها
بس غيرت جو لساعه ٩ رجعنه كالو بعد وقت عمر
كال لا الصبح عندي دوام ماكدر
طلعنه
عمر...شبيج طول الكعده ظايجه حتى خجلت جان ع اقل جاملتي
يمامه...ماعرف شويه مخنوكه
عمر...والله مادري انتي شنو سالفتج
يمامه...وصلنه سيارة ابو مهند بالباب
عمر...هذول شعدهم هنا
يمامه...سكتت طلع حارث فتح النه الباب
عمر...حارث هذول شعدهم هنا
حارث..اسكت عمر اصرف طبيعي لان ابويه استقبلهم وماقبل احد يحجي وياهم
عمر...وشعدهم جايين
حارث...جايين يكولون احنه مالنه ذنب
عمر...والله مادري
يمامه...حيل ظجت احس كل الصار صار كدام عيوني
دخلنه سلمنه كلهم جايين عمر صعد فوك اني راسن
صاحت عليه ام عمر روحي سوي جاي
رحت للمطبخ وكفت ع الشباك شفت مهند بالحوش يخابر
حيل انقهرت يفتر ولا كانو مسوي شي واني الي نظلمت
يارب اخذلي حقي
اشو هذا اجه للمطبخ
عيوني احس صارن براسي دخل للمطبخ وكف يمي احس نفسي انكطع
مهند...هيج يمامه عفتيني بكل سهوله وين حبج الي
وين تظحيتج تالي من اول مشكله عفتيني
بس راح انتظرج تطلكين واخذج تدرين احبج موت
يمامه...انت شدا تحجي باوعت عمر واكف بالباب وعيونه
يطلع منه نار...اتبع