أنثى في فم ذئب

أنثى في فم ذئب الجزء ٨

(أنثى في فم ذئب )الجزء ٨ للكاتبة ياسمين العزي

زين هسه اني شسوي والقرآن حرت معقوله اصرف كعروس وابقى انتضره
استحقرت نفسي واني كاعده وافكر
طلع جان يكلي اني كملت بالحمام تكدرين تفوتين
يمامه...عرفته حس بيه فشلانه لان هيج
كاعده كمت وكفت يم الكنتور اطلع ملابس
انداريت صار وجهي بوجه
عمر...ممكن نحجي
يمامه...اي اكيد
عمر...اتفضلي احجيلي كلشي يمامه اتمنى ماتخبين عني شي
يمامه...ليش اني مو حجيت منو صدكني
عمر...ذاك الوقت غير احجيلي بالتفصيل لان وقته لو شما تحجين محد يصدك يلا هسه احجيلي
يمامه...والله عمر اني مظلومه جان حلمي اوصل الجامعة
بس بيوم وليله مهند خله عينه عليه وخرب كل حياتي
كلي راح اتقدملج كتله ماريدك
ماسمعني دز امه واني رفضت وامي هم جانت رافضه
ثاني يوم اخذنه للجامعه
كلي لازم احجي وياج
نزلت سوسن حجه وياي اني رفضته
حرك السياره ويسوق كل سرعته اخذني
لمكان بعيد وجان بس يريد ينتقم مني
واغ
عمر..كافي تدرين اني شكد غلطتي اذا جان هذا كلامج صحيح
يمامه...دامك ماتصدكني ليش تسألني وشنو الغلط الي سويته
عمر...اول شي لازم يصير عندج دليل حتى اصدكج
واني ٩٩ بالميه مصدكج بس ماعرف لازم اتاكد لان مهند اصلآ اني مارتاحله
ثاني شي غلطج المفروض من اول ماحجه وياج اتروحين
توصلين الكلام يا ابوج يا امج
وشلون تقبلين تبقين وياه وحدج تريد تحجي هاي اختي موجوده وصلتي نفسج لمرحله محد يصدكج ودمرتي مستقبلج اكبر غلط البنت تخبي عن اهله
بس انتي غبيه دمرتي نفسج
يمامه...نزلت دمعتي
عمر...اسف مو قصدي اجاوز بس انتي ماعرف شلون تفكرين
يمامه...لازم يجي يوم يظهر الحق هسه اترخص اروح ابدل
دخلت للحمام واني ابجي
صح كلامه اني غبيه دمرت نفسي اباوع نفسي وابجي
ربع ساعه واني بالحمام سبحت لبست ثوب وردي
نص ردن وقصير وطلعت عادي متعوده هيج البس
طلعت عمر نايم ع القفنه
وعايف الجربايه مغمض عيونه بس حسيته كاعد
كتله عمر
كلي هممم
كتله ليش نايم ع القنفه
عمر....عادي متعود اسهر وانام هنا نامي انتي ع الجربايه
يمامه...ابتسمت ورحت مددت حسيته يفهمني
ومصدكني بس متردد
غفيت حسيت بضرب مو طبيعي بالباب فزيت وعمر فز
كمت بسرعه فتحت الباب
ام عمر...يعيني الساعه ٧ ماعدنه احد ينام الظهر اكعدي
منا وهيج تكعدين ٦ ونص تحظرين كلشي الولد عدهم
دوام
يمامه...حاظر عمه هسه انزل سديت الباب عمر هز راسه ورجع نام غسلت وجهي وكفت ع المرايا مشطت شعري
فتحت الباب اريد اطلع عمر صاح ويييييين
يمامه...يمه وكع كلبي شبيك عمر مو سمعت امك شكالت
عمر ...واطلعين بهذا شكلج لج بابا البسي شي مستور وحجاب
البيت بيه ٥ولد شبيج انتي
يمامه..حاظر هسه ابدل لبست دشادشه مارونيه وحجاب اسود وانزلت اففف مو المفروض هسه اني بالجامعة
رحت للمطبخ  ام عمر واكفه
كلتلي شوفي ساعه ٦ ونص تكعدين تحظرين الريوك عمج
عنده دوام والولد عدهم دوام 
ساعه ٧ ونص الكل يكعد ع السفره
يمامه..حاظر
ام عمر...يلا حظري وياي
يمامه...حظرت كلشي وياها .كلتلي روحي كعدي عمر
يمامه..اي صعدت فوك فتحت الباب وكفت يمه عمر عمر
يلا اكعد
عمر..اي هسه اجي
نزلت جوه لكيت الكل كاعد حتى عمي كلت صباح الخير وكعدت عمي حدي حيل كال رجلج وين
كتله هسه ينزل
الكل ساكت اجه كعد عمر اتريكنه
كمت لميت المواعين وغسلته الباب اندك
عمتي صاحت عليه روحي بدلي ورتبي نفسج وتعاي جانه خطار
صعدت اركض طلعت فستان كريمي وشسورت شعري خليت شويه مكياج انوب لازم امثل اني عروس وفرحانه
دا اعدل شعري دخل عمر
كلي هيج راح تنزلين
كتله شلون يعني
يعني بدون حجاب
يمامه...لا البس
عمر...اي عفيه
يمامه...خليت الشال على راسي ونزلت دخلت والنسوان يصلن على محمد حتى خجلت
كمت قدمت الهن عصير وهل سوالف قبل الغده راحن
ام عمر.. يلا روحي بدلي وغسلي هذا الي بوجهج
لا صدكتي نفسج
يمامه...هزيت راسي وصعدت فوك
نزعت الفستان دخل عمر
كلي اسف اسف وطلع خرب بحظي ليش دائمآ يشوفني
بهل منظر غيرت ملابسي بسرعه وفتحت الباب
عمر...يا بنت الحلال ترى مو وحدج بالغرفه
من تبدلين اقفلي الباب
يمامه...حاظر اني اعتذر
عمر...خلص ماصار شي
يمامه...فشلت من نفسي نزلنه اتغدينه وغسلت الماعين
وصعدت فوك مددت دخل عمر فشلت اني
حاجزه الجربايه الي وهوه مايعرف وين ينام من دخل
عاد راسن ردت انزل لزمني من ايدي هاي وين شبيج
يمامه...اريد تاخذ راحتك ميصير هيج
عمر...اكعدي واسكتي اني ماخذ راحتي
يمامه...اكلك زين ماعدكم غرفه زايده بالبيت
عمر..هيج يعني مضايقه من وجودي
يمامه...لا عمر بس انت شاب ومن حقك تاخذ راحتك بغرفتك
عمر...بلا هل كلام الزايد وميصير تبقين بغرفه وحدج
يمامه...ليش تفكرون اسوي شي
عمر...لا متوهمه منريد احد يجي ويشوفج بغرفه وحدج
يمامه...بس والله دا اخجل منك هيج اني ع الجربايه وانت
ع القنفه
عمر...زين نسوي اتفاق يوم الج الجربايه ويوم الي
يمامه...تمام حتى محد ينظلم ويلا هسه نام اليوم دورك
راح مدد هوه واني كعدت ع القنفه وشغلت تليفزيون
وره شويه باوعت عليه نايم
خليت ايدي على اخدي واباوع عليه
شكله حلو بشكل يعني احسه مو طبيعي مو ابيض حيل
بس لحيته شكره شكله كانو اجنبي
اني مو اول شفته حيل عجبني بس ماهتميت
علساس ماريد افكر بالزواج
واني صافنه نايمه واني كاعده ماعرف لشوكت حسيت
بيه يكلي ياعيني شلون هيج نايمه انتي القنفه ماتراهمج
كعدت على صوته لالا مرتاحه والله
عمر.. ماشي كومي راح تصير صلاة العصر شنو انتي ماتصلين
يمامه...هاا شنو اي مرات
عمر...لا لا كل عقلج تحجين هاي ماقبله هسه تكومين
تتوضين واشوفج مصلين والله الي تعامل ثاني وياج
يمامه...حاظر ماحسينه غير الباب يريد ينكسر من الدك
طلع عمر
ام عمر...وين هاي الكح ....عايفه البيت على كلبي وشبعانه
نوم مو زين من عدنه سترنه عليه
عمر.. لا يمه مو هيج شجاج
يمامه...طلعت اسفه عمه والله مو قصدي
ام عمر...وغمه لا تكولين عمه كولي ام عمر اني مو عمتج
انتي فتره وترجعين منين ماجيتي
يمامه...اختنكت ماشي راح انزل نزلت واسمع عمر لا يمه
مو هيج تره يمكن البنيه مظلومه
دخلت للمطبخ والدمعه بعيني
اجت يمي ام عمر وسوينه العشه
واجه خطار اصدقاء عمي يباركون عاد صارت هوسه
واني مامتعوده على هيج تعب احس جمسي اتكسر
وكل شويه ام عمر تخزرني
ام عمر...شوفي يمامه اريد اكلج شي وخليه ترجيه بذنج
بالقرآن اذا اشوفج تتقربين من عمر ما تلومين اله نفسج
بالنهار تصعدين فوك رجليج اسكره فهمتي
ماندري ويامن لعبتي وهسه جايه تردين تظحكين على ابني
يمامه...بس هزيت راسي ورجعت على شغلي صارت ساعه
١٢ واني بالمطبخ وعمر يمه خطار
ردت اصعد صاحت عليه ام عمر تعالي
هاا عمه
ام عمر.. وجع كتلج لا تكولين عمه تعاي نامي هنا
يمامه.. يعني انام بالصاله شلون يصير
ام عمر.. لا يم عمر يصير مو
يمامه...سكتت كعدت ع القنفه وبعدين مددت واني ميته قهر افكر بمهند وادعي عليه
حسيت روحي غافيه
سمعت عمر يكول اشو يمامه هنا نايمه
ام عمر...عوفه نامت من التعب
يمام...اجه يريد يشلني صاحت عليه شسوي
عمر...اصعده فوك الولد طابين طالعين ميصير هنا تنام
ام عمر.. وليش تشيله كعده
يمامه...عمر ماجاوبه وشالني خلاني ع الجربايه من كد التعب راسن غفيت
حسيت بيه يعدلني لان غفيت واني افكر بمهند
كلت يامهند دعوفني....اتبع
#ياسمين العزي