أنثى في فم ذئب

أنثى في فم ذئب الجزء ٦

(أنثى في فم ذئب) الجزء ٦ للكاتبة ياسمين العزي

فتحت عيوني وبطني وجع مو طبعي بالمستشفى
امي فوك راسي  ولج ياحقيره حامل من منو
يمامه...دموعي نزلت شنو ماما
ام سوسن ...وجع يعني ماتعرفين
يمامه...يعني هسه حامل ودموعي نزلت
ام سوسن...لا وكع مات ولج يمصخمه انتي شمسويه
يمامه...ماما قاطعني بابا بدون كلام يلا ع البيت
جرني من ايدي احس ماكدر اكوم اجت الدكتوره هاي وين
البنيه وضعه بعد صعب
ابو سوسن...اني اوديه لدكتوره
يمامه...متت خوف ياربي انوب شهل سالفه طلعت
اخذوني للبيت
كعد ابويه كدامي يلا احجي قبل ما اذبحج
يمامه...واني ابجي والله العظيم بابا اني مظلومه
ابو سوسن...ولج ياظلم وانتي حامل
كوليلي هذا يا نذل
يمامه...احس ماعرف شجاني ضيعت الساني
ابو سوسن...اااااحجي
يمامه...مهند مهند الي سوه بيج هيج اغتصبني لان رفضته
ابو سوسن...شنو مهند ولج شلون مهند شلون مهند يسويه
يمامه..والله والله مهند اسأل سوسن شاهده على كلشي
ابو سوسن...وهسه يلا تحجن ليش محد كال
وانتي الام وينج عن بناتج شلون ماحسيتي
ابو سوسن...اني اعلمهم اليوم اخلص عليج وعلى مهند الكلب
يمامه...كعدت واني ابجي وابويه طلع وامي تركض وراه
وره شويه رجعت امي
كرصتني من ايدي ولج احجيلي بالتفصيل شصار يلااااا
يمامه...ماما والله خطفني وهيج سوه بيه
ام سوسن...عزه العزاج وين خطفج اختج مو وياج
يمامه...كلي بس اريد احجي وياج وسوسن نزلت واخذني
لمكان بعيد
ام سوسن...اوف يمه راح انجلط ولج منو يصدك منو يسمع
يمامه...صعدت فوك
اسمع صريخ جوه وهوسه اشو الباب اندفر دخل بابا
ولج بنت الكلب تردين تظحكين عليه
يمامه...والله كلشي حجيته حقيقه والله
ابو سوسن...امشي انزلي كدامي
يمامه...نزلت اتفاجئت عمامي ثنين ولد عمي عمر واخونه
ومهند واكف حسيت نفسي راح اوكع هذول شلون راح
اواجهم
ابو عمر...كعدي يمامه نريد نفهم منج بالاول
يمامه....والله العظيم عمو مهند خطفني وهوه هيج سوه بيه
ابو عمر..هااا مهند
مهند...كذابه هيه عده علاقه ويه واحد بس ماعرفه منو
دائمآ جنت ادوره بالجامعه ومالكاها اني شلون ادنس عرضي
تحجون من كل عقلكم انتو
يمامه...و القرآن كذاب
ابو سوسن....اليوم اذبحج واخلص منج
ابو عمر...هدي ابو سوسن مو هيج خلي نفهم
ابو عمر...يابنتي عندج دليل
يمامه...والله عمو بشنو تريد احلف الي سوه هيج وياي
مهند
ابو عمر...هاا مهند
مهند...واني مستعد احلف ع القرآن بابا اني خطبته وردته
ازوجه شلون هيج اسوي بيه
يمامه...واني احلف ع القرآن
مهند...انتي حرام تلمسين القرآن
ابو سوسن....يابنت كلب حتى تبرير ماعندج ولج كولي
هذا ياسافل
يمامه....واني ابجي والله ماسويت شي ابويه راح يركض
جاب مسدس وخلاه على راسي
هسه اموتج واخلص منج
عمر...ممكن تسمعني شوف هذا تذبحه شنو راح يصير
بالعكس راح تكبر الفضيحه .محد يعرف بالموضوع غيرنه
مهند يزوجه ويطلكه
مهند....شنوووو ياحظرة الاستاذ ازوجه اني
عمر...اي لان انت متهم ومانعرف اذا كلامك صح لو لا
ابو مهند...ابو عمر سكت ابنك احسن
ابو عمر...كافي صياح خلي نحل الموضوع
عمر...وماكو حل غير يزوجه مهند ويستر عليه ويطلكه
يمامه...كاعده وابجي واحس كل كلمه منهم مثل السكين
بكلبي
مهند...كلام اخير اني زواج مازوجه
يمامه...ياحقير ليش تنكر ليش حرام عليك حوبتي وراك
ابو سوسن...خلص تموت ونخلص منه
يمامه...خله المسدس على راسي
اني غمضت عيوني وارجف
عمر...لا عمي اني ازوجه
يمامه...فتحت عيوني وباوعت عليه
عمر...خلص ازوجه ونسد الموضوع واني الي راح اعرف شنو الي صار
ابو سوسن...محد مجبور يتحمل ذنب احد
عمر...لا عمي بنت عمي اذا ما اني استر عليه منو يستر عليه
يمامه...انهاريت اكثر والحقير مهند ظاج
مهند...يعني تتحمل تزوج هيج وحده ماتعرف منو الي...
عمر...اشش ياكلب ضربته وصرت فوكاه كوه وخروني منه
ابو عمر...خلص يلا كل واحد على بيته
يمامه...دموعي تصب الموت اشرفلي الكل راح بقى عمي
ابو عمر وعمر واخوه الي اصغر منه
ابو عمر...تعالي ام سوسن اتروحين اجهزين بنتج
وكانو ماصاير شي وراح نسوي عرس
ماعدنه غير هل حل
يمامه...بابا اجه يمي جرني وضربني كدام الكل
ابو سوسن...صدكي لو ما عمر جان عندي غير احساب
وياج هيج تالي الدلال هيج تنزلين راسي
يمامه...والله مظلومه والله ويجي يوم تصدكون
صعدت فوك ابجي كعدت ابجي احس اريد املخ روحي
اريد اموت
دك الباب اتفاجئت دخل عمر
يمامه...اني اسفه
عمر..ماكو داعي اني ماسويت هيج الخاطرج سويت هيج
حتى احمي سمعتنه
يمامه.. اعرف محد راح يصدكني لهذا ماحجيت
عمر...لا غلطانه لو حاجيه من البدايه ماجان صار هيج
يمامه...عمر خليني اموت اني اموت نفسي
عمر ...بلا هل كلام اذا تردين تثبتين برائتج لازم تصيرين
قويه اني راح اروح شوفي لا تحجين لا ويه امج ولا ابوج
ترى صحتهم على كدهم ما نريد يصير شي فهمتي
يمامه..فهمت
طلع وعافني شسوي ياربي شلون اثبت الي صار
وعمر راح ينظلم وياي
ثاني يوم اجو عمر واهله حتى نكطع مهر وام عمر كل شويه تباوعلي صفح
بس ماحجت شي لان الكل كاعد
اباوع على عمر جمال وشخصيه حرام يدمر نفسه
علمودي
كمت رحت للمطبخ اشهك وابجي اجت سوسن
خلص يمامه كافي
يمامه...ليش هيج صار وياي وعمر شنو ذنبه
كليلي شسوي
سوسن...هيه فتره وتتطلكين منه وكل واحد يشوف حياته
يلا غسلي وجهج وامشي الشيخ اجه
ودا ينتظروج
يمامه.. غسلت وجهي دخلت عمر يباوع عليه بنضرات ماعرفه شنو
الشيخ ...عمر تقبل بالزواج
عمر ...نعم اقبل
الشيخ...وانتي يمامه تقبلين
يمامه.....اتبع
#ياسمين العزي