أنثى في فم ذئب

أنثى في فم ذئب الجزء ١٢

(أنثى في فم ذئب ) الجزء ١٢ للكاتبة ياسمين العزي

جاوبت وانصدم بصوت
عمر اشرلي انو اهدي
يمامه ...انت شرايد مني كلي يعني ماكتفيت دمرت حياتي
حياتي ومستقبلي
مهند..احبج واريدج
يمامه...كذاب انت اغتصبتني وبعدين تهمتني عندي علاقه ويه واحد بالجامعه
مهند...سويت هيج حتى غصب عنج تقبلين بيه
بس ماعرف شلون هيج حجيت كدام اهلج ردت اكسرج
وانتقم منج مثل مارفضتيني
يمامه...تالي تفظحني كدام اهلي انت مو رجال
مهند...ماتوقعت عمر يجي ياخذج قبلي بس شوفي راح اطلكج منه واخذج انتي الي ومتصيرين الغيري
يمامه...انت احقر شخص وسديت الخط بوجه
باوعت على عمر وجه ينطي الوان الغضب بعيونه
يمامه...أرجوك عمر لا تتعصب على كيفك
عمر...هل حقير اني اله اليوم موته على ايدي
يمامه...لا عمر على كيفك ارجوك اوكف ولا سمعني نزل يركض
ام عمر...هاي شبيكم
يمامه...الحكي عمه عمر راح يروح على مهند يقتله
ام عمر...يمه والله ماخليك تطلع
يمامه...واكفه وابجي وعمتي مجلبه بعمر عمي اجه يركض
وهوه والولد على صوتنه
عمر...هاكم الموبايل اسمعو ابن اخوك النذل
يمامه...كلهم كعدو يسمعون وعمر طلع يركض
طلعو وراه محد مالحكو بيه طلعو يركضون اني ركضت
وره حارث الله يخليك اخذني وياك اني امنعه
حارث...امشي بسرعه
يمامه صعدت عمي والولد بالسياره الثانيه واني وعمتي
ويه حارث
وصلنه عمر دا يدك بالباب
ام عمر...فدوه عمر لا تسويلي مصيبه
يمامه...عمر الخاطري ارجوك طلع مهند فتح وعمر هجم عليه حارث ماخله احد يتقرب من عمر كال خلوه يستاهل
خله دمه يجري
طلعت امه وابوه اتخبلو 
ام مهند كامت تعيط لان مهند فد صار فقد ضرب راسه ع الكاع شلوه ع المستشفى
ام عمر...يلا يمه كوم ع البيت ياربي سترك لا يموت الولد
عمر...اجعله بالموت يستاهل الحقير
يمامه...اني واكفه ودموعي تجري
ابو عمر...يلا ع البيت رجعنه ويه عمر الولد اخذو مهند للمستشفى
وصلنه البيت عمر كعد بالصاله خشمه ينزف كعدت امه تعقم اله
اني صعدت فوك حسيت روحي مخنوكه حيل
صعدت للغرفه هسه اني شسوي
كعدت افكر الي لازم اسويه لازم ارجع لهلي كافي ظلمت عمر وياي
ومن ارجع لهلي اقدم بلاغ على مهند
لازم يتعاقب
كمت طلعت جطنه وحظرت ملابسي ولبست جبه ولفيت حجابي دا اريد افتح الباب
صار بوجهي عمر وعقد حاجبه هاي وين
يمامه...اني اشكرك عمر من كلبي انت وكفت وياي وكفه
اهلي محد وكف وياي وانت الوحيد الي ساعدتني
لو ما انت جان هسه اني ميته
عمر...يمامه شدا تحجين
يمامه...خلص عمر انت ماقصرت وهسه لازم تشوف حياتك
لان هم دمرت حياتك ازوجتني وابتليت بيه
عمر...يمامه انتي شتحجين هذا شي غصب عني اسويه
انتي هم عرضي وشرفي
يمامه...اتقربت منه وحظنته حيل انت اجمل شخص شفته بحياتي ربي يوفقك
عمر...يمامه خليج لا تروحين
يمامه...لا لازم ارجع اخذت جنطتي ونزلت صاح وراي
اوكفي وين اني اوصلج
طلعت عمتي وعمي يمامه هاي وين
يمامه...اني اشكركم ماقصرتو وياي رغم ما جنتو ماتعرفون الحقيقه استقبلتوني وهذا فضلكم ماراح انساه
ابو عمر...لا تحجين هيج بنتي احنه الي نعتذر منج
محد منه صدكج ولا سمعج
يمامه...لا عمي لا تعتذر حقكم اكيد محد يتقبل هيج شي
واني غلطت من خبيت الموضوع
اتقرب عمي مني وباسني من راسي الله يوفقج يابنيتي
يمامه...دموعي تجري وكلبي محروك ماريد اروح احب عمر اي احبه بس محد مجبور يتحملني ولازم ارجع
رحت حظنت عمتي وهيه هم بجت
ام عمر...تدرين انتي سويتي روح بالبيت واتعودت عليج
وعلى الريوك الصبح مالتج والله جنت احبج وجنت حتى
اريدج لواحد من الولد بس الظروف هيج صار اعذريني
قسيت وياج
يمامه...لا عمه والله جنت اعرف كلبج طيب بس اي ام من حقه تنقهر على ابنه انتي سمعتيني بس امي ماسمعتني
بسته من راسه وطلعت
والدمعه بعيني
صعدت بالسياره وعمر ساكت
يمامه...اني اسفه عمر خربطت كل حياتك
عمر...اسكتي يمامه الخاطر ربج الي بيه مكفيني
يمامه...سكتت ياريت ياعمر لو حبيتني مثل ماحبيتك
ياريت لو تحس بحبي الك
وصلنه الباب والقرآن اتمنيت مانزل واتمنيت عمر ياخذني
لحظنه
يمامه...يلا اترخص وان شاء الله اشوفك بخير ربي يسعدك
عمر...يمامه خليج لا تروحين اخليج بعيوني والله
يمامه...لا عمر لازم ارجع انت شوف حياتك
هوه سكت واني نزلت ياريت لو كايل احبج واريدج زوجه الي
وصلت الباب نزل عمر يركض اصبري يمامه اني اريد احجي لهلج
دكيت الباب طلع ابويه من شافني كلب وجه وفكر اني جايه زعلانه او عمر ميريدني
كال اتفضلو طبينه كعدنه
عمر...عمي يمامه طلعت بريئه
ام سوسن...شنو شلون عرفتو
ابو سوسن...اسكتي خلي نفهم
يمامه...البنات نزلن ماكمت بوجه وحده لان ولا وحده بالجذب سألت عني
عمر...عمي هاك اسمع
يمامه...اباوع عليهم شلون كلهم دا يسمعون وامي تبجي
وابويه يبجي
اتقرب مني ابويه اعذريني يابنتي
يمامه...انتو محد منكم صدكني محد كال احنه نعرف اخلاق بنتنه شنو تشوفون هذا ابن عمي صدكني ولو
هوه جان هسه اني بنضركم وحده كح... موووو
بس الله يايترك عبده
لو انتي يا امي يكولون الام تحس زين ليش ماحسيتي
اني مظلومه ليش هاا
مشيت وعفتهم كلهم يبجون حتى ابويه باوعت عليهم
كلكم ظلموتني
صعدت وقفلت الباب اليل كله شويه واحد يجي يدكه
مافتحت اليل كله مانمته حسيت بضياع اريد عمر
اي اريده بعد ماكدر بدونه حسيت اليل سنه
عيوني ورمت من البجي
ماعرف شلون غفيت والباب يدك كمت بعصبيه
فتحت الباب خير شتردون هااااا
عمر....اريدج.....اتبع

بالنسبة الي حيل اتأثرت بهذا البارت وهاي اكثر قصة اتأذيت بيه  لهاي الدرجه💔
#ياسمين العزي