أنثى في فم ذئب

أنثى في فم ذئب الجزء ٥

(أنثى في فم ذئب)الجزء ٥ للكاتبة ياسمين العزي

يمامه....اباوع ماكو غير اني وياه دموعي تجري وارجف
ياربي ساعدني
مهند...اني ترفضيني موو
يمامه...واني ابجي االله يخليك مهند رجعني
مهند....هههه تحلمين
يمامه...كعدت بالكاع واني ابجي كعد كبالي ومسح دموعي
اتقرب راد يبوسني
وخر حقير
مهند...اششش
يمامه....واني اصرخ وخر اصرخ ولا كأنو يسمعني
اتهجم عليه واني احاول ابعده مني
بس مثل العصفور جواه اغتصبني بكل وحشيه
الحد مافقدت الوعي
حسيت يرش مي على وجهي كعدي يمامه
كعدت ملابسي ماكو واني بالسياره وره صرخت بكل صوتي ياحقير شسويت بيه ليش هاااا ليش شسويت الك
وهيج تكسرني اضرب حيل على وجهي واصرخ
وهوه ابد ماجاوب شي
مهند...يلا البسي حتى ارجعج مابقى وقت
يمامه...ولك ياحقير وين ترجعني موتني احسن
كلي بهذا حالي راح اواجه منو
مهند...البسي بدون صوت
يمامه....شسوي اكثر هاا كلي شسوي ياريت تموتني بعد
الي سويته بيه موتني وخلصني
مهند....تلبسين لا بالقرآن هسه ابتلي بيج
يمامه...لبست واني دموعي تجري اباوع جسمي كله مزورك
هذا قميصي مشكوك شلون البسه
مهند...هسه امر على محل اخذلج واحد بس اسكتي
يمامه...وهسه شراح يصير
مهند....عادي كلشي ميصير كانو ماصاير شي
يمامه....ولك حقير شنو كانو ماصاير شي
مهند...انتي اسكتي هسه واني اشوف حل
يمامه...ياحقير دمرت حياتي كاعده وره ومخليه راسي بين رجليه وابجي دمرني الحقير
راح جاب الي قميص لبسته جهازي يدك كلي جاوبني
طلعته سوسن
جاوبت هاا سوسن
سوسن..وين رحتي الساعه صارت ٢ ونص
يمامه.. هسه اجي اطلعي بالباب
وصلنه الجامعه واني منهاره ماكدر حتى احجي ومهند
حتى ماكدر اباوع بوجه احس نفسي مرعوبه وكلبي
مثل الطبل صعدت سوسن
باوعت عليه شافتني حالي صعب
سوسن...ولك شمسوي بيمامه هااا
مهند.. كلشي ماكو ماريد اسمع صوتج انتي الثانيه
يمامه...خليت راسي بحظن سوسن وابجي
وصلنه للباب وراح حقير
سوسن راح نطب للبيت اذا امج شافتج هيج والله العظيم
تتخبل
يمامه...ماشي دخلنه للبيت اني بسرعه صعدت فوك امي
بالمطبخ طبيت للحمام سبحت كعدت واني ابجي
اريد اصرخ كلبي راح ينفجر
سوسن دكت الباب
هاا سوسن
سوسن..تعاي اتغدي
يمامه...ماريد تعبانه
سوسن...اطلعي احجيلي شبيج
يمامه...الخاطر الله عوفيني هسه عوفيني
سوسن...ماشي ماشي
يمامه...سبحت وطلعت اتغطيت واني ابجي
دخلت امي سويت روحي نايمه شافتني نايمه وطلعت
ياربي شسوي احجي لامي لو شسوي وين انطي وجهي
للمغرب واني ابجي جوه البطانيه وهمه عبالهم نايمه
سوسن..كعدي يمامه كافي اكعدي فهميني شبيج
يمامه...كعدت كومي سوسن اقفلي الباب
سوسن...ترى والله خوفتيني
يمامه...سوسن الحكيلي شسوي راح اتخبل
سوسن...ولج احجي شكو
يمامه...مهند اغتصبني
سوسن....شنووووووو عزه العزاج ولج كولي غيره
يمامه....يمامه الحكيلي سوسن شسوي والله راح اموت
سوسن...ولج شلون شلون
يمامه...اخذني لمكان بعيد واغتصبني ماحسيت غير كف
على وجهي
سوسن ولج انتي مستوعبه شدا تحجين
يمامه....هاي انتي هيج لعد منو راح يفهمني
سوسن...يفهم ولج منو يفهم ومنو يصدك اذا ابوج سمع
يذبحج واذا امج سمعت هم تكول لابوج
يمامه... دبريني شسوي ساعديني الله يخليج
سوسن...اروح اجيب موبايلي واخابره
يمامه...راحت سوسن جابت موبايله واتصلت بيه
سوسن ولك انت هم رجال ولك هاي بنت عمك عرضك
شلون هيج تسوي شلون
شنو ماتدري باجر تجيب امك وتجي تخطبه مره ثانيه
قبل ماننفظح فهمت اي باجر لعد شوكت وسدته
يمامه...شنو كال
سوسن.. يكول خلي كم يوم وماعرف شنو
يمامه...ولج هذا بس لا يتهرب
سوسن....ولج طين براسج مادري يكول احجي ويه امي واشوف
هسه كومي نتعشه ترى اهلج راح يحسون كومي
يمامه...كمت بالكوه نزلت جوه كعدت ع السفره اخواتي
مناكر وامي وابويه يحجون واني وسوسن وحده تباوع بوجه الثانيه
ابو سوسن...شبيج بنتي مريضه
يمامه...لا بابا بس اليوم حيل تعبانه
اكلت شويه وكمت
ام سوسن هاي وين
يمامه...ماما والله تعبانه اريد ارتاح صعدت فوك بقيت ابجي ماحسيت بروحي شلون نايمه من التعب
صحيت على صوت سوسن يلا كومي يمامه
يمامه...ماداوم اليوم تعبانه ماكدر حتى امشي
سوسن...ولج بعدج جديده والبارحه ماداومتي
يمامه...كتلج ماكدر شبيج كانو ماتعرفين حالي
سوسن...لا اعرف بس هذا تصرف غلط لازم تكومين تشوفين مهند حتى نلكي حل
يمامه...ماريد اشوفه اموت منه شلون اشوفه وهوه دمر
حياتي
سوسن...ماشي اني راح احجي وياه
يمامه...طلعت سوسن هاي بعد ماجان هوه يتوسل يريد ازوجه هسه اني اتوسل
فتحت الباب امي هاي شبيج ليش ماترحين للدوام
يمامه...ماما والله تعبانه ماعرف شبيه
ام سوسن...كومي اوديج لدكتور
يمامه...لا ماما تعب عادي والله
ام سوسن...هسه اجيبلج علاج واجي
يمامه...ياربي شلون من اشوف اهلي يتكطع كلبي
كاعده على نار انتظر سوسن واشوف هذا الكلب شنو يكول
للظهر اجت نزلت اركض عليه يلا تعالي بسرعه
امي تصيح شكو
يمامه...ماكو شي ماما بشري سوسن شكلج راح اموت
سوسن..يكول هيه مو رفضتني خلي تتحمل
يمامه...ياحقير شسوي سوسن شسوي
سوسن...ماكو حل غير تحجين لامي وهيه تشوف حل
لان هذا مهند شكله بطل يريدج
يمامه....يمامه الكلب لعد ليش هيج سوه بيه ومستحيل
احجي لامي احسن حل اموت نفسي
سوسن...اي موتي كافره
يمامه...لعد شسوي هاااا باجر ادوام واحجي وياه
حتى تبارك بعد ماتصلت ياربي شسوي
ثاني يوم اجه اخذنه
يمامه...مهند انت ليش هيج سويت بيه هااا
مهند...هذا عقاب رفضج الي
يمامه...بس اني بنت عمك ومحسوبه عليك حرام عليك
مهند..ليش يعني لازم تزوجين عادي مو تردين ادرسين
هسه راح ادرسين ابراحتج والزواج مو لازم
يمامه...انت احقر شخص شفته بحياتي نزلت من السياره
وضربت الباب حيل ونزلت
سوسن...هاا شكال
يمامه...يكول مو لازم تزوجين هذا دا يلعب بعصابي
سوسن...والحل شلون كوليلي
يمامه...ماعرف سوسن راسي راح ينفجر رجعنه
للبيت وطلبت من ابويه بعد منروح ويه مهند لان اتعاركت
وياه بالبدايه رفض بس امي كلتله اني هم مارتاحله
كوه قنعته
مرت ايام واسابيع وكل ما اخابر مهند يرفضه
اخر شي بعد مانهاريت وحسيت الدنيا اسودت بوجهي
دزيتله مسج اذا ماتجاوب والله احجي لهلك كلشي
راسن اتصل بيه
يمامه...شوف مهند والله اذا ماتزوجني هسه احجي كلشي
مهند...ههههههايي واني اكول كذابه واكول هيه عده علاقه
ويه واحد بالجامعه
وتريد تخليه براسي لان عافه
يمامه...صرخت حقير وسديته بليل اهلي راحو لبيت عمي
ابو عمر
مسوي عمليه رادو ياخذوني وياهم رفضت امي كالت
شلون تبقين وحدج
كتلها تعبانه اقفل الباب وراكم
ام سوسن...ديري بالج تفتحين اله نحجي احنه
يمامه...ماشي الكل طلع
باوعت ع الدرج صعدت ماكو غير هل حل
ذبيت نفسي من فوك بس مافقدت حسيت بروحي بس
دايخه رجعت صعدت كوه ورجعت وكعت
رجعت صعدت زحف بعده ماحسيت شلون وكعت
فتحت عيوني وبطني وجع مو طبعي بالمستشفى
امي فوك راسي  ولج ياحقيره حامل من منو.....اتبع

...بكل اسف هاي الاحداث صارت
وبدون تغير شي كملت البارت واني ابجي على حالة
يمامه💔
#ياسمين العزي