بنات اسفة طولت عليكم اليوم 😍😍❤️ عموما كل يوم ح انزل حلقتين ع خاطركم بس كل الي نبيه تعليقات منسجمة اعطوني رايكم علقو ع الاحداث مش تشدوهالي تم تم تم وخلاص
هوا الحق فيه هلبا تعليقات حلوة ومحفزة والله انحبهم اصحاب التعليقات الايجابية 😭💕
يلا نخليكم مع الحلقة ، قراءة ممتعة❤️
#معشوقتي 4
علي نزلت أيمن ، خش للبركيدجو من غير صوت ولا ضجة كالعادة ، يبي ياخذ اوراق من سيارته وانصدم من المنظر
مشي للسفيان الي عاطيه بالظهر وهوا مش مستوعب شي ، جت عينه في عين رانيا الي طلبت النجدة منه بنظرتها 💔
وجبده من رقبته ، ورماه ع طول ايده ، جي سفيان طايح بصدمته ووقف ورجع لأيمن وهوا شاد السكين ، لكن ايمن قدر يشده من ايده الي فيها الموس ويلويها ل ورا ظهره ومن شدة الألم حذف سفيان الموس
أيمن هو شاد سفيان : تعرف تروح وتلعب في شارعكم خييير
سفيان : تي اطلقني @&(؛(://؛"&):&@
أيمن بغضب زاد ضغطله ع يده : مزال تعتب الجهه هادي ورب العزة رجليك نحشهم من منبتهم 😡
ورانيا بخوف تترقب في الموقف وتبكي
سفيان من شدة الألم استسلم : باه غر اطلقني اطلقني
طلقه أيمن ودفه : أطلع أقلب وجهك خير ما نفسدهولك
سفيان بخوف طلع وهوا يهدد ويتوعد ، لدرجة انه نسي ياخد سيارته المخنوبة
أيمن شاف لرانيا الي نهارت وجت مقعمزه وهي تبكي وحطت ايديها علي وجهها ، سخفاته هلبا كيف خايفة ومشالها وقعمز قدامها
أيمن : مدارلك شي ؟
رانيا شافتله ومسحت دموعها بكمها : قريب ضربني في بطني
أيمن طلع كلينكس من جيبه ومدهولها : متخافيش معليشي مصار شي الحمدالله ، امسحي دموعك 🖤
رانيا خدت منه الكلينكس ومسحت دموعها
أيمن وقف : خلاص نوضي هي ، وكانك تبي تروحي عندك الأذن
رانيا شافتله بنظرة إمتنان ، ووقفت بعد ما استجمعت قِواها : لالا عادي
أيمن : اعذريني ع السؤال ، من يكون هو ؟ يعني تعرفيه ؟ قريبك ؟ ولا اول مرة تشوفيه ؟
رانيا : كان مجرد زميل ليا ايام الثانوي ، والسنين الي فاتو جي خطبني ورفضته ، ومن بعدها وهوا يلاحق فيا ويهدد فيا
أيمن : باه علاش مرفعتيش عليه قضية ؟
رانيا : وينه القانون الي في بلادنا !
أيمن : ع الاقل يديروله حد او يحبسوه
رانيا : هدا امتع مليشيات ، ومافيش حد يقدر يديرله حد الا ربي
أيمن : انشالله خير وخلاص ، وجهك اصفر روحي ارتاحي
رانيا : مانقدرش ، اكيد يراجي فيا في جهتهنا
أيمن : مشكلة ، باهي اركبي ومش لازم تخدمي اليوم
رانيا : لالا عادي
أيمن : هدا أمر ! مش طلب يا باش مهندسة
رانيا شافتله بنظرة شك ، وهوا باش يتفادى تفكيرها وضح جملته
أيمن : تهمني هلبا الشركة وراحة الموظفين ، لأن هدا كله ينعكس علي الشغل
رانيا فهمت محاولته الفاشله في الترقيع وابتسمت : شكراً علي حرصك
أيمن : خلاص اركبي ، عندي اوراق بناخذهم وراكب حتى ني
رانيا : اوك
ركبت رانيا وهي قاعدة تحت تأثير الخوف والصدمة ، تمشي بخطوات مثقله وهي تفكر في كل الي صار معاها ، يديها يرعشو ووجها أصفر ، اما أيمن ركب سيارته وولعها ومن ما يحس لقي روحه يتصل بجماعه في الأمن
ايمن : نبيه ينشد اليوم !
علي : اعطيني اسمه الثلاثي ، ورقم طارقته ووين يسكن وتم
ايمن : خلاص تمام ، تو نبعتهولك في رسالة خلي نستفسر قبل
علي : تم افندم ، حاجة تانية ؟
ايمن : منور
وسكر الخط
قضي مشواره ورجع للشركة ركب لمكتب رانيا الي كانت مقعمزه وفاتحه الاوراق قدامها وشادة البيرو وحاطة ايدها ع خدها وسرحانه
أيمن طقطق وفتح الباب : السلام
رانيا بتعب : وعليكم السلام
أيمن سكر الباب وخش وحط الأكياس ع مكتبها : قاعدة مصدومة حسيتك
رانيا : لالا عادي متعودة علي رعايشه ، لكن اول مرة يتجرأ ويهددني بموس
أيمن : ولاد الحرام كثرو ع قولتك
رانيا شافت للأكياس : شن هادو ؟
أيمن : حاجات تركب السكر ، وفلية
رانيا ضحكت بإسغراب : فلية ؟
أيمن : اي اول مرة تسمعي بيها؟
رانيا : لا نعرفها لكن شن علاقتها بالموضوع
أيمن : كويسه للرعشة
رانيا ضحكت : أحلف ترا
أيمن : ورب العزة زي ما نحكيلك ، الباين ثقافتك الطبية ضعيفة يا باش مهندسة
رانيا جبدت وحدة من الأكياس : هاك قلتها ، مهندسة !
أيمن : المهم ، نبيك تقوليلي شن اسمه هو الفرخ هدا
رانيا : سفيان
أيمن : سفيان منو.؟
رانيا : سفيان علي المخروم
أيمن : اسم علي مسمى سبحان الله
رانيا ضحكت وفتحت الكيسة : شن هدا كله 😳
أيمن : صحتين
رانيا : حطت الكيسة بخجل ع الطاولة : بجد شكراً استاذ أيمن ، مش عارفة كيف بنشكرك
أيمن : علي شوية شكاليت درتيلي فيها شو
رانيا : مش علي الشكلاتة ، علي موقفك عمري ما ح ننساهولك ، مش عارفه لو انت منزلتش شن كان صار فيا ، يعني بالرغم من شدانه للموس ومنظره الرديف الا انك خاطرت بروحك ودرت معاه مشـكـ...
وقطع عليها أيمن : مش بجميلي !
رانيا : قاعد تحرج فيا
رانيا : تخلي الواحد يندم ان يساعدك ، خلاص يا بنتي ! كولي فمين قيمي بيهم دم قلبك ورجعي التنويرة للوجهك ، أني راكب عندي كمشة مواضيع مش فاضي باش نسمع خطاب الشكر متاعك !
وناض
رانيا : الحق فيا
أيمن شافلها وضحك ببرود وطلع اما هي كعادتها خدت الامور بحسن نية
كملت دوامها وروحت للحوش ، اتكت ناضت ع صوت ميار بنت اختها
ميار وهي تنقز ع السرير : خالتو خالتو نوني نوضي هياااااا
رانيا قعمزت : تي قعمزي يا فرخه
ميار قعمزت وشافت لخالتها ببراءة : انتِ تحبي ؟
رانيا فنصت فيها : شن تقولي ؟؟
ميار : تحبي فيا ؟
رانيا : اي نحبك ، هي نوضي اقلبي وجهك من عليا
ناضت رانيا خشت للحمام ونزلتلهم ، ولقت يوسف مقعمز معاهم
سلمت ع اختها وقعمزت معاهم
يوسف شافلها : شجو الخدمة
رانيا بشمأزاز : كويس
يوسف : باهي كويس ، المهم بنكلمك في موضوع
رانيا : موضوعك احتفظ بيه لنفسك ! للمرة المليون قتلك لااا يا يوسف لا
يوسف : بيغير اسلوبه
رانيا بقوة : لو كان يغير الدنيا كلها! وحق ربي ماخاشتله في دار ولا معتبة معاه حوش
يوسف : اليوم حكالي علي الي صار
رانيا قعمزت بغرور : والمطلوب ؟
يوسف : والي داره مجرد تهديد
رانيا : مش تهديد ، كان يبي يضربني بجديات ! الحمدالله ربي سلمني من بين يديه هالمجرم
يوسف : من هو الي ضربه ؟
رانيا : مدير الشركة
يوسف : وكيف صار الموقف ؟
رانيا : خيرك فاتح معاي تحقيق انت ؟؟!
دانية شافت لرانيا وفنصتلها وهي تحاول تهديها
رانيا : متفنصيليش انتِ التانية !
وشافت ليوسف : ان ندير عملت اختي وناخد واحد ميلشاوي وامتع مشاكل هادي مستحيل ! يروحلي ريحته تقلب الراس وعيونه زي الطماطم لاااا ! مستعدة نموت في حوش بوي ولا ياخدني واحد يوكلني بمال الحرام !!
يوسف ببرود : له له له، بديتي تغلطتي راه
رانيا : مغلطتش ، قلت الحق
سامية : رنو بينيتي اهدي
رانيا شافت لمرت بوها : خليني يا أمي ، خليني اليوم قريب رشق البوخوصه في جنبي ! لولا ولد الحلال جي وخلصني منه راني راقدة في المستشفى توا
يوسف : ع سيرة ولد الحلال ! قوليله يرد باله ع روحه والي خاف سلم
رانيا : يخاف من ربي بس !
يوسف : حلو ، امتى العرس.؟
رانيا : بلا برادة زايدة
دانية وهي تحاول تهدي الموقف : حبيبتي رانيا تبيش تحطيلنا قهوة ؟
رانيا شافت لأختها : حرام فيكم
وناضت وركبت لدارها وقربعت الباب
يوسف شاف لمرته بـ غل ، وهي ناضت ولحقت اختها
فتحت الباب ولقتها مقعمزه وضامه وركابها لصدرها
دانية : رانيا حبيبتي !
رانيا شافتلها : دانية بالله عليك ، فكيني من هالسيرة
دانية : نبي مصلحتك
رانيا : يتبع
