#معشوقتي 1
رانيا : ياسرك ذليتي روحك بما فيه الكفاية اطلبي الطلاق !
دانية بعيونها الدامعة : ما نقدرش ، تعرفي يوسف لو طلبت منه الطلاق ح يهجرنا من حوشنا
رانيا بغضب : شن سايبة هيااا ؟! غر يقول والله ماقادر يدير حاجة
دانية : يدير ، هدا واحد مجنون ، يضرب ويسب ويشتم ويتعارك تسحابيه صعبة عليه
رانيا : انتِ الي سمحتيله ! انتِ الي سكتيله يا دانية ! مفروض من الكف امتع اول شهر من زواجكم راك روحتي وطلبتي الطلآق لكن انتِ سكتي ودرتي هالبنيه بينكم
دانية بصوت يرعش : نطلق وبعدين من بياخدني ؟ بابا مش دايملنا ! لو انتِ في مكاني كنتِ تقدري اديريها لكن اني منقدرش 💔 ، ماعنديش لا خدمة ولا شهادة ىلا حتى نعرف نسوق 💔 ، اني معتمدة عليه اعتماد كامل ، منقدرش من غيره منقدرش
رانيا بعطف : كنتِ تلحقي تكمل قرايتك وتسوقي
دانية بدت تبكي : اني نستاهل في الي صاير فيا ، لما كنتِ انتِ منهمرة في قرايتك كنتِ اني شادة التليفون ونهدرز ، كنت مبجلاته علي كل شي ، حرمت روحي من مصروفي باش نشريله الهدايا ، تسلفت علي خاطره باش نشري الهاتف بالدرقه ، جازفت بروحي ع خاطره وفي الاخير طلع ميستاهلش ، سعدودك يا رانيا سعدودك علي كيانك وشخصيتك 💔
رانيا : معاش تقولي هكي ، خلاص هدا كله فات
واتصل بيها ، رفعت دانية هاتفتها وابتسمت وردت
يوسف : اطلعي اني قدام الحوش
دانية : حاضر دقيقه
وسكر عليها
حطت دانية هاتفها في شنطتها ووقفت ونادت ع بنتها : مياااااار
وجت الفرخه تجري : نعم ماما
دانية : هي البسي كندرتك بابا جي
ميار جت وودعت خالتها بـ بوسة وطلعت لبست كندرتها
رانيا وقفت وهي تسقد في اختها : ردي بالك ع روحك وحاولي تتفادي المشاكل معاه
دانية : كاني رديت يطلعني طويلة لسان ومش متربيه ، وكاني سكتت يطلعني مش معبارته ومدايراته كلب ينبح ، هبلني يا رانيا
رانيا تنهدت : الله غالب
دانية : هدا هو ، سلميلي علي بابا وماما
رانيا : يوصل
وطلعت دانية وركبت للسيارة
يوسف شافلها : عااااام !! 😡
دانية : تلاته دقايق
يوسف : انتِ قلتي دقيقه 😡
دانية : تقديرياً ، وبعدين شن كلامي قرأن ؟
يوسف : ضمي فمك !! ومعاش اطولي لسانك خييير
دانية سكتت وتلفتت للروشن وشادة دموعها بالسيف
اما رانيا خشت رقدت بقلبها الموجوع ع اختها الي تكبرها بسنتين وحامله هم اكبر منها بعشرين سنة
ناضت تاني يوم ع صوت مرت بوها
سامية : رنو ، رنوو ماما نوضي
ناضت رانيا وقعمزت : صباح الخير
سامية : صباح الورد ، نوضي وقت ع الخدمة
رانيا : هي
سامية : امس روحت دانية ملحقتش عليها ؟ شن وضعها مع يوسف ؟
رانيا شافتلها : زي الـزفت
سامية : حسبي الله ونعم الوكيل
رانيا : مُجرم
ناضت رانيا ، فطرت بدلت وطلعت ، وصلت للشركة درست ولقت وجهه النحس قدامها
سفيان : رانيا !
رانيا سكرت سيارتها من غير ما ترد عليه
سفيان سرع خطوته وواقف قدامها : رانيا ، خيرك مترديش
رانيا : مانبيش افهم مانبيكش
سفيان : تي ذليتيني الزززززز ، وربي لما ناخدك تبي وماتبيش
رانيا بغضب : تحشم علي وجهك ودير كرامة !! امسخ
ومشت من جنبه وخشت للشركة ، قعمزت في مكتبها وخشتلها سارة " السكرتيرة "
سارة : صباااحووو
رانيا لبست نظارتها : صباح النور ، هادم اوراق استاذ مصطفى ، باش تحطيهم ع المكتب
سارة : الاستاذ اليوم معتذر ، مريض وراقد في المشفى ، ولده يبي يجي بعدين اعطيهمله
رانيا : وخيرك انتِ ؟
سارة : عندي مشوار ضروري ، مرات مش ح نلحق عليه
رانيا : افففففف ، باه وكيف نعرفه امتى يجي
سارة : تو نقول لنورة تتصل بيك لما يجي
رانيا : اوك ، مش تنسي !
سارة : انشالله
طلعت سارة وماهي الا دقائق واتصلت نورة ، طلعت رانيا ولقت ايمن " ولد المدير " يتكلم في الهاتف وشاد مفاتيح المكتب
ناضت رانيا تنادي عليه باش تلحقها لكن مسعمهاش ، لأخر مرة لما قربت منه ووجت وراه : استاذ ايمن !
تلفت ايمن وعترت هي في خيط المكنسة الكهربائية الي كانت تستعمل فيها عاملة النظافة في كنس المكتب المفتوح ع الممر
وهووب طاحت وطيحاته وجت فوقه ،
شافلها هوا بصدمه وهي شافتله وفي ثواني وجهها احمر ، وقفت بسرعه ووقف بعدها وهوا ينفض في حوايجه
رانيا : اسفه بالله سامحني
ايمن وهوا ينفض بغضب ويشبح لحوايجه بتكبر : ركزي مررره تانية !
رانيا : من غير قصد !
ايمن شافلها وفجأة تغير اسلوبه و : مش مشكلة عادي ، المهم مشافها حد اللقطة
رانيا حست بحرارة ركبتها : اه ، حقا انشالله لاباس ع الوالد سمعت انه مريض ، خيره ؟
ايمن : لايوريك باس ، بردة بس
رانيا : بيجي غدوا ؟
ايمن : انشالله ، تبيه في حاجة؟
رانيا : عندي مجموعه اوراق بنعطيهم له
ايمن : اوك ، تعالي اركبي معآي المكتب
رانيا شافتله لثواني وقالت : اوك
ومشت معاه للمصعد الي كانت رانيا هاجراته ، كانت ديمة تستعمل في الدروج بدلاً منه
ركبت بتردد معاه ، وتسكر المصعد وشافلها أيمن
أيمن : موظفة جديدة ؟
رانيا : لا لا
أيمن : قداش ليك ؟
رانيا : سنتين
أيمن : مشالله ! قداش عمرك انتِ ؟
رانيا : 25 ، علاش ؟
أيمن : تباني أصغر
رانيا ابتسمت
أيمن : يعني امتى لحقتي تتتخرجي وتخدمي موظفة في شركة هكي
رانيا : مديرة قسم ! مش موظفة
أيمن انصدم : مستحييييل 😳
رانيا : والله
وفجأءة وقف الاصنصير والدنيا ظلمت ورانيا خافت : حي خيره
ايمن : الضي هرب
رانيا : افتحلنا الفلاش
ايمن طلع هاتفه وفتح الفلاش
رانيا : قداش يبي باش يخدم توا
أيمن : انتِ الي تخدمي هني مش اني !
رانيا : ماعمريش استعملته ديمة نركب من الدروج
أيمن : علاش ؟
رانيا : منحبش ! ولاد الحرام كثرو وماعنديش ثقه في حد ! حتى الاصنصير ماعنديش ثقه فيه ، واول مره واخر مره
أيمن : متخافيش مش ولد حرام !
رانيا متجاهله رده : كلملنا حد بديت ننخنق
أيمن : مافيش تغطيه خيرك ماه الضي هارب
رانيا : افففففففففففف
وشوي وتسكر الفلاش
رانيا : خيرك سكرته ؟
ايمن : الشحن
رانيا : غباره
ايمن : خيرك ؟
رانيا : نخاف من الظلام
ايمن : ماتخافيش هاني معاك
رانيا : ياي يا مصباح الإضاءة انت 😂😂😂
ايمن مردش
رانيا خافت : انبصر
وايمن ساكت ، وشوي حست بيه يقرب منها ، لدرجه انها شمت ريحة عطره
حط يديه ع خصرها وهي حطت ايديها علي ايديه بخوف
رانيا : شن ادييير ؟؟! 😳
يتبع ..
