غُربه موحشه

بارت ٤١

"تعرف منو انا؟" يسأله شهاب بحده

"شهاب و كم بزر اللي مجمعهم من سعوديه تقول لي عصابه و هي شلة متوسط ماراح تخوفني فيهم لان انا وراي اضعاف اضعافهم و ينتظرون الشاره مني علشان يقتلون.. و يسرقون.. و يغتصبون.. يخطفون و يفجرون و ولا واحد منهم ترمش له عين بتردد فأنت اللي تعرف انا منو ولا لا؟" يسأله بهدوء حاد

"بس ذا اللي يسوونه؟" يضحك شهاب حاط يده بجيبه

"اوه لا هذا ولا شي .. لكن لو حاب تعرف قدراتهم اكثر المس ساري او راقبه بس و بنشبع فضولك و بتغص فيه" يرد بابتسامه يطالع فمالك اللي قرب له

"تهدد؟" يسأل مالك و يطالعه عدي

"الكلام بين كبار لا تتدخل فيه طيب بابا؟ شاطر" يربت على رقبته و يسحب مالك يد عدي بقوه و يلفها لاف عدي معها و يكون ورا ظهر عدي

"تعرف البزر وش ممكن يسوي؟" يهمس بأذنه

"مهما كنت قوي صدقني بتبكي" يرد عدي بابتسامه و مالك يلف يد عُدي اقوى، يلف عدي يقابل وجهه مالك و يلكمه بقوه، يطرحه من رجله و يسحب مسدسه يحطه على راسه

"اعقل لا ادخل مصاصتك فطيزك طيب بابا؟ اعقل" يبعد عنه يرمي مسدسه بعيد عنه و يطالع فشهاب اللي ثابت فمكانه يطالعهم

"و تبي له حمايه؟" يسأل رافع حاجبه و يطلع من الغرفه، يروح للزعيم مباشره مقطع كلامهم

"اسمع .. لا يهمني من هو ولا يهمني ماذا يشتغل ولا اهميته لكن اذا اقترب من ساري انت تعلم بالعواقب المترتبه لذلك! لذا.. ها انا احذر إن لمس ساري سأنهي الجميع هنا" يقول له بعصبيه و يطلع دام انه ماله اهميه راكب السياره متنهد مرجع شعره لورا

يتصل على غسان بسرعه

"هلا عدي" يرد بنعاس

"غسان صحصح معي صحصح" يعلي صوته و يتأفف معتدل بقعدته شايف حنين نايمه جنبه، يصحى  من الفراش طالع للصاله

"طيب وش فيك؟" يسأله

"ابيك تروح لساري الحين تكفى خلك معه لحد ما ارجع" يطلب منه و عينه على بدر اللي يتقدم للسياره

"ليش وش صاير؟" يسأله حاس عدي بورطه

"اشرح لك كل شي لما اشوفك بس اللي ابيك تسويه الحين انك تبقى معه" يقول له و يتنهد غسان

"طيب طيب اتجهز و اروح له" يقول له

"بسرعه استعجل" يرد و يركب بدر السياره جنبه

"طيب يلا سلام" يسلم مسكر التليفون

"يهددونك فيه؟" يسأله بدر و يهز عدي راسه

"اي بس ماراح يقرب له و ان قرب له اشوف شغلي معه" يرد

"شهاب انهى عصابه بكبرها اولهم رئيسهم.. تتوقع بسهوله بيستسلم؟" يسأله بدر