Hitler's Precious Emerald (SPG)

14. Too Precious to me

Hello readers na nag hintay sa UD na ito. Nawalan kami ng kuryente dahil sa bagyo hindi ako nakapag type then nag ka ilaw at nawala ulit kaya ngayon lang naka UD,. 

Happy Reading ***************************

Pagkatapos akong bigyan ni Hitler ng bracelet ay agad kaming tumuloy sa garden ng mansion. Ang sabi ni Manang Belen ay nandun si Joni at bisita ang artistang si Aliyah na asawa ng isang pulitiko. Agad kaming tumuloy doon pero kapwa kami nagtaka ni Hitler ng bigla nalang lumuhod si Aliyah at umiiyak sa harap ni Joni.

Napasinghap ako ng malakas sa sumunod na rebelasyon. Parang hindi kapani-paniwala that Joni is having an affair to Aliyah’s husband at pinapaki-usap ni Aliyah na layuan ni Joni ang asawa nito para sa magiging anak ng mga ito. Nakita ko naman na mukhang natakot si Joni ng makita kami lalo na ang kuya niya na galit na galit.

Hindi ko alam kong paano nakaalis sa tabi ko si Hitler. The next thing I knew ay malakas na sampal ang dumapo sa pisgi ni Joni mula sa kuya niya. Agad naman akong lumapit at hinawakan si Hitler para pigilan ng muli itong nagtaas ng kamay at akmang sasaktan muli ang kapatid.

“Kuya.” Mahinang tawag niya kay Hitler habang tumutulo ang mga luha. “Kuya I’m sorry. Hindi ko sinasadya.” Umiiyak nitong wika. Bakas din sa mukha ng dalaga ang lungkot at pagsisisi.

“Hindi mo sinasadya? Hindi mo sinasadyang maging kabit?” nanggagalaiting sigaw niya sa kapatid. “Anong klaseng rason iyan Joni? Naubusan ka ba ng lalaki at sa isang may asawa ka pa pumatol?”

“Nagmahal lang ako kuya.”

“What an excuse? Ano na lang ang sasabihin ng mga tao sa iyo? Gusto mo bang madumihan ang pangalan natin dahil sa sinasabi mong lintek na pagmamahal? Mamili ka naman ng lalaki Joni yung pwede mong iharap sa lahat at ipagmalaki. Hindi puro puso lang ang gagamitin pati utak. Ano na lang ang silbi niyan sa iyo kung hindi mo naman pala gagamitin?” galit na galit niyang wika habang dinuduro-duro ng malakas ang sentido ng kapatid. Base sa reaksiyon ni Joni ay tiyak na nasasaktan ito sa bigat ng kamay ni Hitler.

“MAHAL KO SIYA.” Pasagot na sigaw niya kay Hitler. “Alin ba sa salitang mahal ko siya ang hindi mo maintindihan?” mahinang wika niya habang umiiyak. “Kuya pag nagmahal ka mahal lang. At pag-nagmahal ka puso ang ginagamit hindi utak. Nagmamahalan kami at kahit na tawagin niyo akong stupid, walang utak ay ipaglalaban ko siya kahit na ikagalit niyong lahat. Kahit na itakwil niyo pa ako kasi mahal ko siya at mahal niya ako.”

“Say goodbye to your stupidity Jon Inanna because I will not fucking tolerate it.” Galit na galit niyang wika.

Bago pa kami makahuma ay sapilitang hinila ni Hitler si Joni papasok sa mansion. Nagpapalag man ay wala naman itong magawa sa lakas ng kuya nito. Umalis na rin naman si Aliyah kaya pumasok na ako sa mansion para sundan ang magkapatid.

Sa nakikita kong hitsura ni Hitler ay mukhang papatay ito sa galit. Naiintindihan ko naman na magalit siya kay Joni pero ayaw kong umabot na saktan niya ito. I knew him at alam kong hindi niya gugustuhin na masaktan si Joni pero sa galit niya ngayon baka hindi niya makontrol ang sarili niya.