S.T.A.I.D. 3 (COMPLETE) - Published under PHR

22.1

ILANG minutong pinanood ni Stone ang payapang pagtulog ni Zoe. Hindi niya alam kung matutuwa ba siya sa mga nangyayari. Wala paring alam si Zoe sa kanyang nakaraan. Ang tanging alam nito ay ang record niya bilang STAID operative. Wala itong alam sa pagkatao niya bago pa siya naging Stone.

Naalala tuloy niya ang mga sinabi niya dito. I can't even tell you my name.

The ironic thing was that he actually wanted to tell her his name. Pero hindi talaga pwede. Walang duda na si Gideon ang nasa likod ng nangyari kay Zoe. At alam din niya kung bakit hindi nito isinama sa mga nalalaman ni Zoe ang mga personal na impormasyon tungkol sa kanya.

Mukhang malapit na talagang magretire si Gideon. Kung siya nga talaga ang papalit dito tulad ng mga umiikot na balita sa STAID, ibig sabihin ay higit na importanteng walang makaalam kung sino talaga siya. It would be too dangerous for STAID and for his family.

Isang mahinang katok ang pumutol sa pag-iisip ni Stone. Dahan-dahang tumayo siya at tinungo ang pinto. Si Raen ang napagbuksan niya.

"Kailangan ka sa baba, Kuya," mahinang bulong nito.

Malungkot na napangiti si Stone. Minsan ay namimiss talaga niyang maging parte ng pamilya Marasigan. "Okay."

"Ako na muna ang magbabantay kay Zoe."

Tumango lang si Stone. Alam na nilang lahat ngayon kung gaano kaimportante ang kaligtasan ni Zoe. Walang duda na ito ang dahilan kung bakit sa kanya ini-assign ni Gideon ang pagbabantay dito. Zoe's brain was a treasure chest of information. Hindi pa rin niya alam kung bakit ginawa ito ni Gideon. Pero sisiguruhin niyang malalaman niya iyon sa lalong madaling panahon.

"Kuya?" mahinang tawag ni Raen bago pa niya maisara ang pinto.

Nilingon niya ito at nakita niya ang pag-aalala sa mukha ng kapatid.

"Sinabi sa akin ni papa ang napag-usapan niyo kahapon. I agree with him, you know. You can still get out."

Umiling si Stone. "Hindi ganoon kadali ang lahat, Raeny Tiny."

"Eh di gawin mong madali."

Napangiti siya sa kasimplehan ng sagot ni Raen.

"Kuya, nang pumasok ka sa STAID, hindi ibig sabihin niyon na tinanggalan ka na rin ng karapatan. Mayroon ka pa ring karapatan at kalayaang mamili. Sinabi sa akin ni Ate Myka na ikaw daw ang napipiling pumalit kay Gideon bilang pinuno ng STAID. Hindi mo kailangan sumunod doon dahil lang iyon ang inaasahan ng lahat. You have the freedom to choose a different path."

Ang ngiti ni Stone ay napalitan ng malungkot na ekspresyon. "Freedom is life's greatest lie, Raen. No one is really free to choose. There will always be consequences for every decision."

Umiling-iling si Raen. "Sinasabi mo lang 'yan dahil natatakot ka. I know that you are in denial. It's okay, Kuya. Lahat naman tayo dumadaan sa ganyan. Mauuntog ka din isang araw at mare-realize mo na tama ako at mali ka." Pagkatapos niyon ay ikinumpas nito ang isang kamay na parang binubugaw siya paalis.

Ayaw niyang makipagtalo dito. Kaya ngumiti na lang si Stone at saka isinara ang pinto.

       

"WE HAVE news," bungad ni Ryder nang makabalik si Stone sa basement.

"Siguradong hindi mo ito magugustuhan," pahayag naman ni Luke.

Nanatili siyang tahimik at hinintay na sabihin ng mga ito ang balitang tinutukoy nila.

"May update na doon sa nag-upload ng mga impormasyon tungkol sa'yo," wika ni Jared.

"And?" nauubusan na ng pasensiyang tanong ni Stone.

"We think that Gideon has been taken," si Ryder ang nagsabi niyon.

"Taken? That's not possible," agad na kaila ni Stone.

"Iyan din ang una naming reaksiyon," singit ni Papa Abel.

"But it seems legit," sang-ayon naman ni Mama Rose.

Inilibot ni Stone ang paningin sa paligid. "Nasaan si Myka? She needs to analyze the documents first."

"Hindi na kailangan pang i-analyze ito. You can just see for yourself," wika ni Luke saka sinenyasan si Jared.

Ilang sandali pa ay makikita na sa screen ang nilalaman ng screen ng laptop ni Jared. Hindi isang dokumento ang naroon. It was a live video feed. Sigurado siyang live iyon dahil sa likod ng nakataling si Gideon ay isang telebisyon na ipinapalabas ang isang local marketing and stock trading channel. Malinaw na malinaw sa channel na iyon na ang petsa at oras ay tugma sa petsa at oras ngayon.

"Shit! I have to go," wika ni Stone na naglalakad na palabas.

"Sasama ako sa'yo," wika naman ni Ryder na nakasunod na sa kanya.

"With all due respect, Ryder. This involves the leader and founder of STAID. Which means this is an official STAID mission. You are no longer one of us."

"Cut the crap, Stone. Hindi ko ito ginagawa para kay Gid o bilang isang dating STAID operative."

Hindi niya agad nakuha ang ibig sabihin ni Ryder. Nang ilibot niya ang paningin sa paligid at makita ang mga desididong anyo ng bawat isang naroon ay saka lang niya naintindihan ang nangyayari. Mukhang napagdesisyunan na nila na pasamahin si Ryder sa kanya bago pa man siya nagpunta doon.

"Hindi na ba ako pwedeng umapela sa desisyon ninyong ito?" sarkastikong tanong ni Stone. Pero ang totoo, deep inside ay parang lumobo ang puso niya. He was touched at their concern. Ang akala niya ay nakalimutan na niya ang ganoong pakiramdam. But it really warmed his heart to see that his family still got his back.

"Alam nating pareho na kung hindi lang dahil sa live video feed na iyon ay hindi tayo maniniwalang nakidnap nga si Gideon. Obviously, hindi basta-basta ang mga taong nasa likod nito. We want to make sure that there are at least two people who will be watching your back—Myka and I." Pagkatapos ay nang-aasar na ngumiti si Ryder. "But then again, 'wag mong isiping ginagawa ko uli ito para sa'yo."

"Fine," iyon lang at nagpatiuna na siyang lumabas.

------------------

Thank you for reading. Don't forget to vote and share this to your friends!

- Kensi