أحببته في أصعب الظروف

المقدمة

أحببته في أصعب الظروف
المقدمة :
رغد بنت م 99 بيضة ضعيفة وطولها متوسط يعني مش طويلة ومش قصيرة شعرها أسود وناعم وطويل لاعند نهاية ضهرها عيونها كبار لونهم أسود مشوكات وخشمها واقف وفمها صغير وطبعها صعب بكل يعني هيا والعناد رفقة وحساسةلاكن ماتبينش ومش مع أي حد ترتاح وماتحبش العلاقات وتكره جنس آدم ومخصصه وقتها كله للقراية وراسمة مستقبلها ع هالأساس وتقرى إعداد صيدلة
عندها أربعة خوت وأخت وحدة وكلهم أكبر منها ...الكبير اسمه مجدي طبعه بارد ومش معدل على حد ومتحمل المسؤولية 😕😕ومتزوج ومرته اسمها هبة  وعنده ثلاثة بنات
والثاني سفيان طبعه صعب بكككل 😖وحزار وماعنداش ثقة في البنات وواعر ومتزوج حنين ومسافر للخارج يحضر
وبعدين اختها نسرين 😍م 85 متزوجة وعندها ثلاثة بنات وولد مع انها مش من جيل رغد لاكنها أقرب شخص ليها وديما واقفة معاها ويحكو لبعض ديما في مشاكلهم وأسرارهم 😘
وبعديين التوأم المرح ف العيلة لؤي وقصي م 91 طبعاطروف العيلة طوال وجسمهم  رياضي وبشرتهم قمحية وشعرهم أسود وعيونهم عسليات ولحيتهم سودة وخفيفة 😍 ومايقدر حد يفرق بينهم الا عيلتهم وقصي عصبي هلبه لاكن حنين اما لؤي جوه فري وعايش حياته 😂 والزوز متخرجين من الاقتصاد   طبعا رغد اصغرهم 😙
وبوهم اسمه عبد الله راجل في أواخر الخمسين يخدم مدير شركة حالتهم متريحة وأمهم إسمها زينب في بداية الخمسين مرا بمعنى الكلمة واعرة لاكن طيبة وحنونة
مرااد شاب م 88 دكتور كان يحضر ف الخارج وكيف مروح خلي نحكيلكم ع نقشه طبعا طويل وعريض وجسمه عضلات "ينا عليا 😂😂خلي نكملو"
وشعره لونه بني غامق ولحيته كثيفة ومحددة 😍😍 وعيونه صفر ورموشه مشوكات مالاخيير طرف أغبر 😻 عصبي ويتنرفز بسرعة لاكن حن العالم فيه يضعف قدام الدموع وشخصيته قوية ويكره العناد وتكسير الراس وعنده أخت وحده اسمها سهى م 97 تقرى ثانية جامعة أسنان وبوه محمد دكتور أورام مشهور طيب ومتواضع وأمه سالمة محامية وعيلته مثقفة
وصاحبات رغد هما رنيم م 99 قمحية ونقشها صغير وحلو وشعرها بني فاتح في خصلات ذهبيه وطويل لعند ركبتها  وهيا صاحبتها الروح بالروح وصديقة طفولتها وبنت عمها يعني أصدقاء منذ نعومة الأظافر 😜واختها حلا قمحية وعيونها كبار وشعرها طويل زي اختها لاكن طشةبكل ماتبانش يعني تعطيها 17 سنة 😂😂 لاكن جوها مش عادي فري وهياجة مع انها ماكانت من قروبهم بس بعدين انضمت للعصابة 😸  وميار م 2001 طويلة وضعيفةلما تشوفيها تعطيها اكبر من عمرها نقشها اسمراني وعيونها بني فاتح وشعرها بني وقصير بس طرف وهيا بنت خالة رغد وبنت عمها ف نفس الوقت تقرى 2 ثانوي ع
والأخيرة أسيل طبعا من أول يوم في المدرسة تعرفوا وبدايتها عركة 😅😂 بس بعدين بدت صحبتهم
طبعا المقدمة طويلة 😂😂