أحببته في أصعب الظروف

الحلقة 21

#احببته_في_أصعب_الظروف
#الحلقة21
وجي دوري مدتلي الدبله وقتله هات ايدك ومدها وع اساس بنلبسه بدي يتبرد ويحول فيها انجيه يمين يحولها يسار والناس تضحك لين قتله بالشويه:مرااد اتبت
مراد ضحك:هههه باه.ولبسته وبعدين جابو التورته وع اساس بنقصوها مع بعض وجيت انا وشديت الموس"شكله زي السيف😂"
وجا مراد وراي وشد ايدي وانا سخنت وبديت نرعش وانا نحس في انفاسه ع رقبتي قرب من ودني وقالبصوت هادي:خيرك ترعشي
انا:م ممراد بعد
مراد: اووس هدي روحك معاش تخافي وفكري ف المفاجأة وبس
انا تفكرتها ونسيت كل شي:ايه صح امتا بتوريهالي
مراد:باهي الناس تشوفلنا قصي اتورته وبعدين ساهل
وقصيناها ووكلنا بعض والبارد مراد لما بيوكلني انا فتحت فمي وهوا كلاها وقعد يضحك والبنات يعيطو  وبعدين وكلني لاكن رديتهالك حتى انا على اساس بناكلها وعطيتهاله في اخر لحظه😂😂 وكلاها وقعد يضحك وصورتنا نرمين بعدين قعمزنا شويه وهوا نادى امه وكلمها بالشويه ويشوفلي زي الصغار😒 بعدها امه قالت انه يبي يهدرز مع خطيبته تي امانا شن كنا نديرو ياهمي😱المهم وقفنا ونزلت انا وياه وجتني نسرين عطتني كاب باش نلبسه عالقفطان ولبسته ونشوف لمراد نلقاه يشوفلي ومبتسم بصرلحه نحس فيه مدايرلي مقلب 😑 ولبست وحطيت الوشاح ع وجهي  وطلعنا مدلي ايده اناتلفتتله:هاتي ايدك هيا
انا:مش لازم
مراد:حتى انل فاضي نقولك .وجبد ايدي وشبكها في يده وضغط عليها وضحك:هههه ايدك صغيرونه وناعمه زي البيبي
انا ابسمت:انت ايدك كبيره 
مراد:هيا طلعينا من الباب الخلفي للجنان
انا:وين ماشيين😱
مراد:ممكن اليوم تخليني ناخد راحتي بدون كلامك هدا😒بعدين واخد الاذن من بوك وخوتك هيا اطلعي
وطلعنا لقينا سيارته وفتحلي الباب وركبت وركب هوا وانطلقنا وكل مانسأله يقوللي اصبري وفاتح أغنية ويغني معاها وانا نتفرج عليه منظره يههبل 😻 شويه وقالي:وصلنا هيا انزلي وغطي راسك
نزلنا وكان مصور ودخلنا وجت المصوره وأول ماشافت مراد عيونها قلوب ماصح وجهها وقالت: هيا ينبدو يا استاد ..
رديت عليها انا: مراد وانا مررته بيسان
مراد شافلي وضحك وهي تحمرت وتخضرت قلتلها :هيا نبدو
بدينا وهيا كل مره اتدير وضع زي وجهها وقربي منه وايدك ع كتفها وطبعا مراد عاجبه الجو وانا حمرا وخلاص كملنا تصوير وقتله:وين توا
مراد:اصبري شويه
وبعد شويه نزلنا من السياره وقالي اركبي
انا:ماصح وجهك شن جايبني لشقة
مراد: وووه دماغك مسوس غر اركبي وياستي خودي المفاتيح باش تطمني باهي
انا:ب باه 😣
وركبنا وخدي المفتاح وفتحلنا وكانت مظلمه وعطاني المفتاح ودخلنا:غمضي عيونك
انا: علاش
مراد جا من وراي غمضلي عيوني وقالي بصوت هادي:معاش تسألي قولي باهي بس
انا سخنت : ب بباه ببعد
مراد قرب اكتر:امشي القدام هيا
انا بديت نمشي بسرعه
مراد:تي بالشويه قريب عثرت وقفي توا
وقفنا وسمعت صوت كأنه فتح ضي حول ايده وقالي:افتحي عيونك
انا فتحت عيوني بالشويه لقيت مكان يههههبببل😍😍 غرفه وااسعه ولونها أبيض وفيها بالونات حمراء ومفروشه بورد أحمر وفيها طاوله صغيره وعليها عشاء وحولين الطاوله ورد ابيض وموسيقى هادية  والمكان مزين بالشموع منظرها كان روووعه طبعا انا من الصدمه معاش عرفت شن ندير حسيت بيدين على خصري رعشت كلي ولفني ليه وكان يشوفلي بنظرة غريبه مش مفهومه ممكن نظرة حب حوللي الوشاح والكاب وهو يشوف لعيوني وانا سرحت في عيونه 😍
مراد: رغد
انا هايمه في عيونه :هممم
مراد: انا نحبك❤
انا انصدمت وقلبي💓 يدق بسررعه واطرافي بردت ونحس في روحي بنطيح: ش ششنو ااا
زاد قرب مني وقالي ببحه وصوت هادي: نحبك💓 حبيتك من أول يوم شفتك فيه ومفهمتش شعوري اتجاهك الا بعد ماتقربت منك وعرفت شخصيتك بعدها فهمت حبيتك وعشقتك بجد وحتى الكلام اللي سمعتيه ف التليفون اني نبي بنت ورافض موضوع الخطوبه كنتي انتي البنت اللي نبيها ولما عرفت بالموضوع قريب طرت من الفرحه💕 بس حبيت نعترفلك بمشاعري لما تكوني حلالي❤
انا طبعا في عالم تاني مش مصدقه ولا قادره نستوعب مراد يحبني لا وانا البنت اللي كان يبيها وانا كنت نحسابه غاصبينه عليا ماعرفتش شنو نقول او شن ندير: ااا انا م
مراد :اووس ماتقولي شي عارف انك ممكن تكوني مش معجبه بيا بس مع الوقت نخليك تحبيني تمام
انا:😳 ت تتمام
مراد:تعالي نتعشو هي✨
انا: امبه🙈
وتعشينا وقعدنا نهدرزو بصراحه اول مره نعرف الجانب الرومنسي من مراد وبكلامه وتصرفاته حسسني بالأمان واني ماندمتش لاني وافقت❤ بعد ماتعشينا وقف وجاب بوكس لونه احمر مزين بالورد والشوكلاته حطه قدامي ووقف وراي وطبس بجنب ودني : هدي هدية خطوبتنا❤ افتحيها
انا تلبكت من قربه: بب به وفتحتها وهوا حط دقنه ع كتفي وضحك وقالي:هههه خيرك ترعشي
انا:مم ما نر ع عشش
لما فتحتها لقيت فيها برافيوم وساعة تهبل وورد وبوكس لونه ابيض صغير خديته كيف بنفتحه خداه مني ووقف وشدلي ايدي ووقفني معاه وفتح البوكس و........
يتبع