أحببته في أصعب الظروف

الحلقة 25

#احببته_في_أصعب_الظروف
#الحلقة25
الدكتور : تمام المريضه جتها زي الصدمه او من كتو الزعل والكبت تراكم وخلا عندها ضيق تنفس لازم اديرو بالكم منها وماتزعلوهاس لان لو تجيها صدمه تانيه نصبحو ف قصه تانيه
مراد: باهي دكتور نقدرو نطلعوها بعد ما تنوض
الدكتور: استنو لين تصحى وبعدين طلعوها
لؤي: باهي تمام دكتور
الدكتور: ردو بالكم منها والحمدلله ع سلامتها ومشي
مراد ولؤي : الله يسلمك
مراد: باهي من،شنو صارلها هكي
لؤي: مفهمتش انا نضت مخلوع لقيتها تبكي بطريقة هستيريه
مراد: لا حول ولاقوة الا بالله .ف خاطره" كله من الفرخه من والله لو يصيرلها حاجه لما نقتلها اللي اسمها منى"
عند سهى ومنى
سهى طبعا مافهمت شي من مراد وقعدت خايفه و تتصل بيه ومايردش عليها واتصلت برغد لقاته مقفل زادت خافت واتصلت ب لؤي ماردش عليها وبعتلها رسالة " توا نكلمك مشغول"
وقعدت ع نار وناضت منى😑
منى:صباح الخير❤
سهى اي خير يجي من وجهك يانحس: صباح النور😒
منى: امم مرادي وين😍
سهى: مراد اسمه مرااد ...وطلع بكري وانا عندي مشوار ونبي نطلع ومعطله 😑
منى: اها باهي تمام نطلع معاك
سهى: لاا مشوار مهم وبعدها بنمر ع رغودتي نبيها ف موضوع😏
منى 😒😒: اها امانا خلي نروح وتوا نجيكم يوم تاني  وسلميلي ع مرادي
سهى روحه بلا رجعه باارده😑: باهي بسرعه لاني مستعجله
وجهزت  منى روحها واتصلت بخوها عدنان باش يجيها  وبدلت سهى حتى هيا وقالت توا يوصلني عدنان لحوش رغد وبعتت رساله لمراد انها بتمشي لرغد
وشرين الجرس وفتحت سهى
عدنان😍: اا السلام عليكم
سهى: وعليكم السلام كيف حالك عدنان
عدنان توا كيف بديت كويس: الحمدلله شنو اخبارك يا بنت خالتي
سهى: الحمدلله ماشيه ..عندان معليشي بنتعبك معاي
عدنان انتي اصلا متعبتيني: لا كيف تعبك راحه اطلبي
سهى تحشمت: نبيكم تحطوني فحوش صاحبتي
عندنان : ولو ادللي ناديلي منى وجهزي نفسك
سهى: تمام انا شبه جاهزه انادي منى ونجي
ومشت وخلت عدنان هايم فيها 💓
وجو وركبو ف السياره وعدنان فاتح أغاني ومعدل المرايه يشوف ف سهى وسهى تتفرج من الروشن وبالها عند رغد ومراد
عدنان: وين تسكن صاحبتك ياسهى
سهى : تسكن ف .....
عدنان: اوو باهي خلي نوصل منى قبل بعدين نوصلك وفنص ف منى
منى : اا ايه وصلني قبل نبي نروح
سهى وووه لا: لا م ماهو .قطع عليها عدنان: لأن حتى انا عندي مشوار قريب من المنطقة اللي فيها صاحب
سهى: بب به
ووصلو منى
عدنان: سهى اركبي قدام ❤
سهى وووه مانبييش 😣😫: اا عادي حتى هني
عدنان: ماهو منظري قعد بايخ هكي
سهى : بب به وركبت وهيا متحشمه ..ومشو وعدنان فتح أغاتي رومنسيه وعايش اللحظه وكأنها مرته ومره مره يشوفلها وهيا متحشمه وف نفس الوقت مش معاه لان بالها مشغول
عند مراد ولؤي
قعدين يستنو وجي الدكتور وقاللهم انها فاقت ولو يبو يخشو يخشو لاكن بالشويه عليها مراد،قعد متردد وخايف وبعدين قرر يدخل
عندي انا ف الغرفه
فتحت عيوني لقيت روحي ف غرفه بيضاء كلها وضوء قوي وريحة المعقمات عرفت،روحى ف المستشفى بس قعده معرفتش علاش بعدين تفكرت وعيوني دمعو ودخل الدكتور وداري فحص ع السريع وقالي استريحي وعيلتك برا توا يدخلولك وطلع
بعدها طق الباب ودخل لؤي وجاني يجري وحضنني وباس راسي وقالي: الحمدلله ع سلاماك يا مشفشفه خوفتيني عليك معاش اديريها
انا ابتسمت بتعب: اسفه مش قصدي نخوفك
فجأة،طق الباب ودخل مراد
انا انصدمت هدا شن يدير هني وشن يبي والا جاي ينافق قلبت وجهي للجهة التانية وعيوني دمعو💔
مراد  حس بوجع: ااا الحمد لله ع سلامتك خوفتينا عليك
انا من غير ما نشوفله وبجفاف:الله يسلمك
لؤي ع اساس بيخلينا بروحنا ناض: انا بندير اجراءات الخروج ونجي
مراد: باهي تمام
انا طول: لااء لؤي خليك معاي بالله عليك "بترجي"
لؤي: اهو راجلك معاك انا ندير الاجراءات ونجيك
انا بنبكي ومراد حس
مراد: اقعد انت توا نديرهم انا وطلع
لؤي قعمز بجنبي ع السرير: مش عيب اللي درتيه للراجل حشمتيه
انا يملح😒: انا نبيك تقعد معاي شن فيها😔
لؤي: باهي خلاص هي نوضي باش تجهزي نفسك وتلبسي العباية باش نطلعو
انا: باه ونضت غسلت وجهي وانا يدوب نمشي ولبست العباية
وجي مراد: احم هيا شنو نمشو
لؤي: هي وكيف بيجي يساعدني جاه اتصال ..اسمع مراد هاك شدها خلي نرد ع الاتصال ونجيك وطلع
انا مانبيش😣
مراد: احم هاتي ايدك
انا مانبيش نشوفله: نقدر نمشي بروحي وتقريبا لؤي طلع مش لازم تمثل
مراد مافهمش وفاتها لان يحسابني زعلانه: مرات تعتري هاتي نساعدك
انا مشيت وفتته وكيف بنطلع عترت ف العباية وقريب طحت وشدتي مراد ولفني وجت عيني ف عينه قعدت نشوفله وعيوني دمعو .مراد بحنيه: ديري بالك شوي وطحتي هاتي ايدك
انا دموعي نزلو طول. مراد كان بيمسحهم بس انا بعدت ومسحتهم بايدي وكملت طريقي ولقيت لؤي ومشيتله
مراد🍁
انا مش فاهم علاش هيا تتصرف هكي يعني هدا كله عشان بنت خالتي بس انا مادرتلها شي هيا كانت بتغرق وانا نقدتها بس ومادرتش حاجه غلط معقوله هدا كله تغار والا هيا تدلع اوووف وخلاص وانا والله مانتحمل الجو اللي ادير فيه وجو التجاهل حتى ايدها ماتبيني نشدها ولا نمسح دموعها انا كيف فرحت وامس كنا انا وياها زي السمنه والعسل وخربت بينا وال.. استغفر الله منى الدراه انا من قبل منحبها وتوا لما فرقت بيني وبين حبيبتي ااااه ياحبيبتي امتا نكون انا وياك ف حوش واحد ونوعدك مايوصل فينا حد ومايفرق بينا حد 💔
ومشيتلها هيا ولؤي
انا: هيا نمشو
لؤي : هيا ..
وركبت،رغد مع لؤي وانا ركبت ف سيارتي ولحقتهم ووصلنا لحوشهم وكيف نزلت لقيت سهى كيف نازله من سيارة عدنان استغربت وعقدت حواجبي ومشيتلها
انا : اهلا عدنان
عندنان: اهلين كيف الحال
انا: الحمدلله بخير شنو اخبارك
عدنان: كويسين المهم اهي اختك امانا ونشوفوك
انا: سلام ومشي
سهى: خيرك ماتردش وخيرها رغد
انا: خيرك ماقلتيش انك جايه
انا: اتصلت قريب10 مرات وانت مرديتش واتصلت برغد مقفل وبعتتلك رساله وحيت لاني،نبي نتطمن ع رغد
انا : باهي هيا تعالي نمشولهم  ودخلنا للحوش
" طبعا لؤي شاف سهى نازله من سيارة عندنان ورقاله بكل من الموضوع وطول دخل رغد للحوش"
سهى: رغد حبيبتي خيرك شن فيك الحمدلله ع سلامتك
رغد: الله يسلمك مش عارفه تعبت فجأة
سهى: باهي تريحي ع الكنبه ماتعبيش روحك
لؤي وهو قارن حواجبه: رغد لازم تفطري نمشي نجيبلك حاجه من برا ونجي
انا : طالع معاك ..ومشينا
رغد🌸
ظبعا متجاهلاته كليا لأنه ينافق فيا وكأنه مادارش شي كسرلي قلبي وتاني يوم جايني بكل صحة وجه ويعامل فيا عادي 💔
مشو هوا ولؤي يجيبو ف فطور وقعدت انا وسهى اللي شكلها مسكينه ماتدري ع شي
سهى: رغد حبيبتي خيرك شن فيك حسيت انك متضايقه
انا: لا غر تعبانه شويه
سهى: اسمعي لو انتي زعلانه من مراد ع لقطة امس والله هوا ماقصده وخاف انها تغرق وانتي عارفه انه يحبك ويموت فيك ولو تشوفيه اليوم الصبح كيف طلع لما سمع بيك ولز منى من عندنا والله هوا يحبك وماقصده شي وبعدين هوا قاري فيك الفاتحه يعني راجلك ومايقدر حد ياخده منك
انا  هه يحبك💔عيوني دمعو: انا مش زعلانه
سهى: باهي علاش انتي مرضتي اليوم شن السبب
انا: هكي مافيش سبب
سهى: باهي ..وبعتت رساله للبنات رنيم وأسيل باش يجو
..بعد ربع ساعة جو مراد ولؤي وجايبين فطور  وقعمزنا وكانت القعده هدوء ولا ولحد يتكلم ولاحظت ان لؤي جوه مش هو يعني متكنطي واستغربت وقعدت انقش وع اساس ناكل ولما نقيم راسي نلقى مراد يشوفلي عيوني يدمعو ونحاول نشد روحي ونشوف للجهة التانية ونضت اول وحده فيهم
مراد: خيرك ماكليتش
لؤي:قعمزي انتي شن كليتي
انا شفت للؤي:خلاص معنديش نيه
مراد💔:......وناض طلع
انا لفيت للجهة التانيه ودموعي نزلو ونسحتهم بسرعه وقلت: انا بنغير ونجي
قعدو لؤي وسهى ساكتين وسهى شافت للؤي وكيف بتتكلم ناض
وقفت سهى: لؤي
لؤي ومايبيش يشوفلها: نعم
سهى: خيرك،حسيتك متضايق
لؤي جي شدها من ايدها وجبدها لأول غرفه ودخلها وسكر الباي وسهى مصدومه : تبي تعرفي خيرني والا
سهى: اا ايه خيرك
لؤي بصوت عالي: من هوا اللي راكبه معاه وكيف تركبي معاه قدام وكيف ماتقوليليش فهميني😡😡😠
سهى عيونها دمعو وخافت منه ولسانها ارتبط: اا اا
لؤي بصوت اعلا : احككككي😡
سهى بدت تبكي:😭😭😭😭
لؤي فاق ع روحه وهدي وتلبك: ااا اوسس خلاص
وسهى تبكي:😭😭 اا انا مابيش نكلمك 😭😭 حول
لؤي جبدها لحضنه: اووس خلاص انا اسف لاني عليت صوتي بس انتي عصبتيني ومابيتيش تردي
سهى هدت شويه واستوعبت وضحعها وتحشمت وبعدت
لؤي: هديتي توا
سهى هزت راسها وبعدين مسحت دموعها وشافتله: ع فكره اللي شفتني معاه ولد خالتي وركبت معاه قدام لان هوا قالي منظري بايخ تقول سواق وانا تحشمت وقبلها وصلنا اخته وانا كلمتك وانت قلتلي توا نكلمك بعدين
لؤي : ااا ا باهي انا اسف سامحيني بس والله ولعت فيا النار كيف تركبي معاه ومن قدام وبعدين انا الفرخ هدا مهضمتاش
سهى: لا انت عليت صوتك عليا بدون لا تفهم حول بنطلع
لؤي شد ايدها: لا مافيش طلوع لين ترضي ❤
سهى ماتبيش تشوفله: لا حول
لؤي قرب منها: منخليش خطيبتي زعلانه انا
سهى تحشمت لاكن ماتبيش تيين: اطلق ايدي
لؤي: اسمعي ياترضي هكي يا نستعمل الطريقه التانيه
سهى شافتله وقامت حاجبها : وشن هيا الطريقه التانيه
لؤي قرب منها وجاها بجنب وذنها وبصوت هادي:تبي تعرفيها❤
سهى ارتبكت وقلبها يدق💓: ااا مانبيش نعرفها حول
لؤي بنفس الطريقه وزاد قرب : انا قلت ترضي هكي والا نستعنل الطريقه التانيه
سهى زادت ارتبكت وبعدت: خلاص سامحتك ابعد
لؤي بعد: هههه مع ان كان خاطري نجرب الطريقه التانيه
سهى: خزي سخيف
لؤي ضحك: هههههه من قالك ان الطريقه التانيه سخيفه كنت بنزيد نترجاك لاكن انتي تفكيرك مسوس
سهى تحشمت: كذاب عارفاتك
لؤ بخبث وقرب: اممم باهي تعالي نجربوها
سهى انصدمت: لؤييي😳 ياباارد
لؤي ضحك : ههههههههه باهي خلاص حبيبتي اسف
سهى قلبها يدق ووجهها احمر: ااا
لؤي: حليلي منها اللي متحشمه❤😍
سهى فتحت الباب وطلعت تجري
ولؤي حط ايده ع لحيته وضحك وبعدين طلع
عندي انا فوق بدلت وسمعت الباب يطق وكانت سهى
فتحتلها ووقعدنا نهدرزو وانا نحاول نخلي روحي طبيعيه وبعدها سمعت الجرس ونزلت سهى تفتح وانا نزلت وراها لقيتهم حبايب قلبي😍 أسيل ورنيم
أسيل ورنيم: خيييرك حبي
انا ضحكت: هههههه تعبت شويه بس
وجوني حضنوني وقعمزنا وهدرزنا وبعدها رن الجرس وكانت نسرين  وصغارها العسل❤وجت بتبات عندناوجو صغارها حضنوني وقعدو يبوسو فيا لين طحت وكلهم يضحكو عليهم وقعدنا نهدرزو كلنا وغيرت جوي ونسيت شويه ع الاقل وباتو البنات معانا ولؤي بات برا باش مايضايقناش
تسريع الاحدات
مر اسبوع ✨
وانا ف الاسبوع هدا للاسف حالتي النفسيه متدمره وماناكلش ومعاش شفت مراد من هداكا اليوم وكل يوم يجي وانا مانطلعلاش وومطلعتش من الحوش الفتره هادي كلها لان اصلا معنديش خلوق وماما وبابا والولاد نسأل عليهم ف لؤي ويقولي حالهم باهي ولؤي الفتره هادي مضغوط من الشغل وديما برا الحوش والبنات مره مره يجوني يحاولو يغيرولي،جوي وانا ماقلتلهمش ع اللي شفته ف الفون وطبعا قعدت بدون فون ومراد بعتلي واحد مع لؤي بعد ماسأله علاش منفتحش فيه ولما جابه رديته مع سهى ومابيتش ناخده على من،يكذب المنافق الخاين هدا 💔💔 خدعني فيه وخلاص كرهته وكرهت جنس آدم
اليوم نضت الصبح بكري و وتيت فطور لؤي وركبت رجعت رقدت وكنت حاسه بإرهاق ودوخه وقعدت ف الفراش وسمعت الباب كنت نحساب ان لؤي طلع ونزلت لأني نبي نطلع برا فديت من الحوش
وانا فتحت الباب ونشوف لؤي عاطيني ضهره ويتكلم بصوت مكتوم ومتضايق استغربت وقربت منه بنكلمه ونسمعه وننصدم💔💔
عند مراد🍁
اسبووع اسبووع كامل بدونها بدون مانسمع صوتها ولا نشوفها ولانشد ايدها ااااه💔 مافهمتش حتى شن هوا اللي درته وهيا ماتبيش تشوفني ولا تفهمني،شن درت شن هوا اللي خلاها تكرهني
هه تكرهي الفكره بروحها تقتل فيا💔 ياارب صبرني بس بجد تعبت معاها والنشكله حالتها تعبانه كل يوم نسأل ف خوها عليها ويقوللي نفسيتها تعبانه والمشكله هدا كله وماتدريش ان امها دارولها العملية وخشت ف غيبوبه وتعبانه وكل مانبي نمشي نحكيلها ترفض انها تشوفني اصلا والمشكله الاكبر ان لؤي ماقدرش  يقوللها وتوا ليه اسبوع يهرب منها ويطلع من الحوش والله معاد عرفت نتصرف الصراحه دخت انا وحتى سهى حذرتها انها تقوللها واليوم ماشي لازم نقابلها ونقوللها مش معقوله ليها اسبوع ومتعرفش ع امها شي نضت من سريري ودوشت ولبست ع السريع ورفعت سهى لبنت جيرانناومشيت لحوشهم و وصلت ونزلت من السيارة ولقيت الباب بتع الجنان مفتوح ونسمع ف صوت لؤي يتكلم ونشوف قدامي #رغد
رغد🌸
سمعت لؤي يقول غيبوبه قلبي قبضني وزدت قربت منه و نسمعه يقول بصوت مخنوق : تي كيف يا بوي معقوله ليها اسبوع بعد العنليه وماناضتش من الغيبوبه انا مقدرتش نقول لرغد،يابوي كيف تبوني نقوللها امي دارت العمليه وخشت ف غيبوبه ومش عارف تنوض منها او لا
انا هني حرفيا انهرت بكل معنى الكلمه ومن الصدمه طحت ع ركابي وعيوني دمعو بس مانزلوش دموعي مقدروش ينزلو وشفت لباب الجنان لقيت شخص واقف بس مش واضح من دموعي غمضت عيوني ونزلو وشفته💔 شفت مراد اكتر شخص كنت محتاجاته ف اللحظه هادي وف نفس الوقت مانبيشي
وفقت بيه يجري ناحيتي وشدني من كتافي ويكلم فيا بس انا مانسمعش فيه  نشوفله ودموعي ينزلو وبس بس فجأة ضربني كف وانا وكأني فقت من الصدمه وعيطت بصوت عالي: لاااااااا قولولي لااااا بالله عليك مراد قولي ان ماما بترجع كويسه ..وقعدت نضرب فيه ع صدره ونقول : 😭😭😭😭كيييف ماااتقووولولييش ككييف هااديي امممي كييف مفرووض كنت معااااهاا كله منننك انت كللله منننك 😭😭😭😭😭😭😭
وجي لؤي وشافني ودموعه نزلو عرف اني عرفت وقعد واقف مش عارف كيف يتصرف ومراد شاد ايديا يحاول يهديني بس بلا فايده
انا بكي ونعيط عليهم وبس: نكرههههك اناااا نككررهك انت السبب ااانت علاااش مقلتووش علاااش ماااامااا نبيك انااا ماتسيبينييش بالله عليييك اناا بدووونك ولاحاجه💔 الحوش مظلم من غييرك بالله عليييك ماتمشيييش اااااه ياماامااا وفقدت الوعي
مراد🍁
اول ماشفتها انصدمت بكمية الارهاق والتعب اللي،ف وجهها ولاحظت ملامحها وعرفتها مصدومه مشيتلها نجري وشديتها ونكلم فيها بس ماتردش عليا وضربتها كف باش تصحى وبعدها بدت تبكي بطريقه هستيريه وتضرب فيا وتتكلم وملامها يقطع القلب للؤي دموعه ينزلو معاها وانا عيوني حمر وخنقتني العبره معرفتش نهديها ولا نسيطر عليها وقالتلي نكرهك💔 لاكن عادي هيا ف ظرف مايسمحش اني نواخدها ع اي تصرف اتديره وفجأه طاحت بين يديا زي الريشه شديتها بيديا الزوز بسرعه وضميتهاورفعتها طول لسيارتي وعيطت للؤي المصدوم: بسرعه تعالا افتحلي الباب الخلفي بسرررعهوركب ف الكرسي الامامي وولع السياره وبدي يجري بأقصى سرعته وانا شادها بين ايديها ودموعي ينزلو بجد هيا تعبت يارب خليهالي ياارب وقعدت نقرا عليها ف القرآن وف رمشت عين وصلنا للمستشفى ومشينا لقسم الطوارئ  وقعدت نعيط بصوت عالي ع دكتور وجانا نفس الدكتور بتع المره اللي فاتت وجابو الممرضات الباريلا ورفعوها عليها ودخلوها وانا ولؤي قعدنا نستنو برا ع ناار وانا قعدت ماشي جاي ع الغرفه وندعي ان ربي يخليهالي ويحفظها وبعد نص ساعه،طلع الدكتور حني جيناه: كيف حالها دكتور
الدكتور: والله شن بنقوللكم الحق حالتها صعبه من الناحيه النفسيه والجسديه لأنها شكلها محصله صدمه اقوى من اللي قبلها وجاها انهيار عصبي ومعاها جاها هبوط حاد ف السكر وضغط الدم ودرنالها تغدية وعندها فقر دم حاد يعني بجد هيا حاليا عايشه بمعجزه ونبولها اكياس دم من نفس زمرتها
انا نصدمت يعني كان ممكن نفقد حبيبتي: 😳ااا باه يادكتور توا كيف حالها وشن زمرة دمها
لؤي : 😳يادكتور انا زي زمرة دمها
الدكتور: زمرة دمها O+
انا: حتى انا نفس زمرتها
الدكتور: تمام برو ديرو التحليل باس تتبرعولها لانها محتاجه هلبه
ومشينا حني وتبرعنالها والحمدلله قاللنا الدكتور ضغطها رجع طبيعي وكدلك السكر لاكن مازالت فاقده للوعي وهدا الشي ممكن بسبب الصدمه والانهيار العصبي
وقعدت يوم كامل ف غيبوبه وقعدت انا ولؤي معاها وانا مشيت بنجيبله حاجه ياكلها لانه من انس ماكلينا شي
وانا راجع تلاقيت مع الدكتور وقالي: المريضه صحت من الغيبوبه
انا فرحت ومشيت نجري وكيف بندخل للغرفه سمعت صوتها وكانت تبكي وتقول:...........
يتبع
طبعا اسفه ع التأخير بس الحلقه انمسحت وعاودتها وعوضتكم❤