أحببته في أصعب الظروف

الحلقة 19

#احببته_في_أصعب_الظروف
#الحلقة19
انا: يييه يامراد معقوله فييوم زي هدا بتقلبها ونتعاركو
مراد:تي باهي باهي توا نشدك عليها بعدين وحقا قاعد مانسيتش تسكيرة امس😠😂 لاكن نتلاقو ونتفاهمو😌 وتوا بري وتي روحك يامرتي الحلوه باش في الليل نتلاقو😉
انا خشيت ف بعضي:اا ممم مماهو ق قصددي
مراد لاإراديا:هيا ياروحي وصلت للشباب نهدرزو بعدين سلام
انا وجهي بدي احمرقلت بصوت واطي:سسلام وسكرت
أسيل:اووو شن شكله كان يتغزل فيك هههه
رنيم: امانا شن توا بتولي مرته كل شي مسموح😂
انا:خززي سخيفاات 😒
المهم قعدنا نستننو في المزين لين جي دوري ودارتي مكياج بسيط ترابي وروج وردي فاتح وتسريحه بسيطه
انا:بنات شن رايكم
رنيم:من انتي
أسيل:الصوت مار عليا لاكن الشكل ماعرفتاش
انا: تي قولو شن رايكم ياباردات
رنيم:قصدك انتي رغد😱😱 ياناري على مراد سخفني
أسيل: رغد معقوله هكي😱
انا:مش حلو والا حسيته انا😭😭
رنيم وأسيل:ههههههههههه
انا:خيركم تضحكو
أسيل:تي تههههههبلي ياحبيبتي
رنيم:طالعه تاخدي العقل مسكين مراد كيف بيتحمل لما يشوفك
اسيل:ههههههه ايه مراد حيهبل
انا:بجد حلو المكياج
مرا جنبنا:ماشاءالله تبارك الرحمن ارقي روحك يابنيتي ربي يحميك من العين
انا: تسلمي ياعمتي❤
وفجأه نسمع صوت تليفوني ...
عندنا حني في الحوش
حايسين ويوتو في الغدي لان توا الساعه2:30
نسرين: ياميار
ميار :نعم
نسرين:بالله شديلي الفرخ أحمد ماباش يسكت
ميار :باهي هاتيه
ماما: تعالي ياسعاد قعمزي معاش اتعبي روحك
خ سعاد :باهي ياوخيتي جت نعيمه
ماما:ايه جت من الصبح متلاقيتوش
خ سعاد : لا شفت بناتها وسلمو عليا
ماما:اها توا تجي تلقيها مقعزه تهدرز😂
خ سعاد:مشو للفاتحه
ماما:ايه ووصيت قصي يكلمني
حلا:عميمه هاك تليفونك يشرين
.......
عند عيلة مراد
حايسين يجهزو في الغدي للفاتحه
سهى كانت لابسه سروال جينز ضابط وبلوزه حمرا واسعه وقصيره وبدون كمام وشعرها لافاته فوق بطريقه مهمله ومخليه خصلات تنزل على وجهها ومكياج بسيط وتحوس وتجهز معاهم لانهم بيرفعو السفر ومستعجلين وهيا كيف بتطلع من الباب الخلفي للمطبخ و هووووب تخبط في حاجه شدت راسها من قوة الخبطه وفتحت عيونها تشوف في جسم قدامها  شافت فوق لقت عدنان ولد خالتها يشوفلها وهايم معاها تلبكت من نظراته وحمحمت: اححم ممكن تحول شويه
عدنان😍:اا نعم ت تتفضلي خودي هلبه
امها تنادي:ياسهى
سهى:نعم شويه بس وجابت السفره اللي طالعه بتجيبها وخشت
وعدنان قاعد في مكانه وفي يخاطره"هادي سهى البكايه اللي زمان ماتسكتش ماشاءالله كبرت وبدت طرف😍اااه شكلي بنقول لأمي تخطبلي" ورجع لانه ناسي علاش جاي
طبعا عند الرجاله
قرو الفاتحه وباركو لمراد اللي كانت الفرحه مش سايعاته ومش قادر يصبر  وطلعولهم الغدي وهوا طلع لسيارته وخدي تليفونه واتصل بحبيبته ولما قريب يفصل ردت:الوو
مراد: مبروك علينا يامرتي وأخيرا ارتبطو اسمينا وبديتي حلالي
انا خدودي بدو حمر وحرارتي ارتفعت قلت بصوت هادي:الله يبارك فيك🙈
مراد:يييه علينا من أولها حشم عاد قاعد ماقلت شي انا
انا: اا مش م متحشمه نا😳
مراد:هههههههه باهي انتي مش متحشمه المهم توا نكلمك بعد شويه لان الولاد ينادو فياوتفكرت مدايرلك مفاجأة بعدين
انا قلت بسرعه: مفاجأة بجد شنو هيا وامتا بنشوفها 😍
مراد: ههههه بالشويه عليا اولا ايه بجد وشنو هيا لو بنقول معاش تبدا مفاجأة وامتا بعدين لما نجيك تمام توا هيا يامرتي الحلوه خلي نمشي وبعدين نهدرزو
انا:هههه باهي حاضر توا نستنى
مراد:شطوره سلام توا
انا:مراد
مراد💓:عيونه
انا تلبكت:د دير بالك على روحك 😳
مراد:😍حاضر حتى انتي ديري بالك على روحك
انا:حاضر هي سلام عطلتك في حفظ الله💓
مراد ابتسم :سلام❤ ومشي لصحابه
وانا كلمت لؤي وقال شويه وجاي
عندنا حني في الحوش
ماما ردت على الفون وكان قصي :الفاتحه انقرت وسكر
ماما وعينها مدمعات :لولولولولولي انقرت الفاتحة
والكل يزغرتو ويباركو لماما وماما فرحانه ❤
وبعد شويه يسمعو في صوت سيارة و تبييب طلعو برا ودخلت السياره للجنان ونزلت انا والبنات جاني لؤي حضني :مبروك ياطشه
وعيونه دمعو ربي يهنيك ياوخيتي وباسني على راسي وطلع بسرعه بعدها جتني ماما حضنتني وهيا تبكي ان شاءتلله ربي يهنيك بنيتي😪😢 وانا بديت نبكي معاها وجة خالاتي بعدونا خ سعاد:ياسر بكا معقوله يتلبز مكياجها طبعا كان وجهي مغطي ماشافوشي باهي نحيت الوشاح ولما شافوني بدو يزرتو وجو البنات بالدربوكه :هالنهار عليه اندور ..هالنهار ربيع منور
أسيل:وين عرفها بنت اصول ..جاها للمربوعه طول
أماني: سلم بوها دار الواجب ..ماعلا العين على الحاجب
رنيم:بوها زاهيه عنده ..فرحان يعول لبنته
قعدو مشوار وهما حولينا وانا في حضن ماما ونضحك ودموعي في عيوني بعدين جتني نسرين :الف مبروك وخيتي ان شاءالله جوازة الدهر يارب ❤ انا:سلمك وخيتي
بعدين انا ركبت فوق ........
يتبع