أحببته في أصعب الظروف

الحلقة 8

#احببته_في_أصعب_الظروف
#الحلقة8
مع الساعه 10 شرين الحوش
أنا :نستأدن منك حبيبتي خلي نشوف الجرس يشرين
سهى: تمام حتى انا بنشوف خوي ..نتلاقو
انا سلام ...ونزلت للباب وكيف بنفتح نسمع في الباب الخلفي من جهة المطبخ يفتح بروحه 😱خفت وفتحت باب الحوش مالقيت حد وخشيت نجري خديت عصاة المكنسة وهربت ورا الباب ونسمع في الصوت يقرب بالشويه وانا قريب نبكي😭 وفجأه نلقى حد قدامي ووو : هاااااع😜
انا : يامااااااماااا وووووه😭😭😭😲😵 ولقيته لؤي ويضحك :😂😂😂😂😂😂ووووه بطنييي منظرك ابدااع
انا : يااابااارد خزي عليك لما نقول لبابا😭😭😭
لؤي: اسس ع أساس يعني خفتي بجد😒😂
أنا: مابردك والله خفت وخلعتني 😭😣
لؤي: تي كيف خونا يخاف حشومه يابرو 😂😂
أنا: 😑😒تمام زيد باهي ودور من يديرلك العشاء😥وتوا تشوف يا لؤي
لؤي :خلااص نبصرو ياودي شن فيها تعالي هنا
انا:لااا مانبيش برا روح
لؤي:هههه وين بروح اكتر من هكي ولا نمشي لداري😂
أنا : باه باه اسكت هيا واقلب وجهك لدارك😒
لؤي : شن هوااا من يقلب وجهه😠
أنا: 😰😰حد حد انا بنقلب وجهي لداري
لؤي:نحساابه ..ايه تعالي هني ديريلي عشاء😂
أنا:باهي باهي اففف😣
لؤي:باهي تعالي نبصر انا متعشي وجبتلك معاي عشاء من برا 😂😌
أنا :بجد تي والله انت احسن خوو هيي أكييد جبتلي شاورماا😍😍😘
لؤي: ههههه ايه ايه وقولي لؤي ماينفعش وإقلب وجهك😂
أنا : لا انا نحبك اصلا وماقلت شي😘😘 اعطيني نااكل بعدك جعااانه😂
لؤي : باهي هاك وصحتين انا بنمشي نرقد لاني تعبان وغدوه توا نوصلك انا تمام
انا :سلمك تمام تصبح ع خير 😘
  لؤي:وانتي من اهل الخير
وركب لداره وانا مشيت تعشيت ولميت الحوسه وركبت لداري بعدها بشوي نسمع ف باب الحوش عرفت ان بابا وماما روحو نزلتلهم لقيتهم نعسانين خليتهم وركبت راجعت شويه ورقدت 💤💤
عند مراد🍁
مراد :سهى يا سهى
سهى:ايوه نعم
مراد :وينك من بكري انادي فيك
سهى:كنت نهدرز مع رغد وماسمعتكش
مراد:امممم باهي شن بديريلي عشاء
سهى:نديرلك سندوتش
مراد:اي شي المهم جعاان ...بسرعه انا نبدل وننزل حقا وين بوي وامي
سهى:باهي تمام بابا وماما طالعين من العشيه مش عارفه وين اكيد قريب يروحو
مراد :اها تمام بسرعه باه
وركب بدل ونزل لقي عشاه واتي وسهى مقعمزه تستنى فيه وتعشت معاه وضمت الحاجات
مراد :ايه شنو تهدرزي انتي وصاحبتك
سهى:من صاحبتي🌚
مراد: صاحبتك المذكره😒من يعني قصدي رغد
سهى: اها هههه عادي نتعرفو ع بعض على فكره متعرفش اني اختك😂
مراد :عادي ومش لازم تعرف باهي انا بنمشي نرقد تبي حاجه
سهى: لا سلامتك تصبح ع خير وغدوه نوض بكري باش توصلني
مراد :وانتي من اهل الخير تمام
ورمب فوق وسهى قعدت تفكر زعما علاش يسأل على رغد مش من طبعه يسأل ع بنت مرات يبيها والا عاجباته اممم توا نشوف مع الوقت نعرف وان شاء الله يكون معجب بيها 😍 وركبت لدارها
ومراد بعد ماركب ورقد ع سريره قعد يفكر ف رغد ...زعما قاعده تبكي ع أمها وح تقبل صداقتني واني نكون قريب منها ..بس علاش انا نبي نكون قريب منها انا قبل ماندورش ف البنات وهيا توا وحده من طالباتي ..هل اللي ندير فيه غلط ...يلا مع الايام نعرف ..ورقد💤💤
وجاء الصباح بنسماته الرائعة🌞
عند رغد🌸
ناضت وصلت ودارت روتينها ونزلت للعيله
لقت بوها وأمها ولؤي مقعمزين يفطرو وقصي راقد
انا: صباح الخيير ومشيت بست راس بابا وماما
بابا :صباح الخير يابنتي
ماما:صباح الورد شنو هالنشااط اليوم
لؤي : صباح النور ..اكيد مش منها امس راقده من المغرب
انا:ايه احسدني فيه النوم😒..شنو حالك اليوم ماماتي😘
ماما:الحمد لله يابنتي بخير نوض يالؤي وصل اختك لجامعتها
لؤي :باهي هيا بسرعة
بابا:ديري بالك على روحك يابنتي
انا : ان شاء الله هيا سلام
ومشيت انا للجامعه وكيف بننزل نشوف  مراد واقف على بنت انصدمت الصراحه😳
لؤي:هيا انزلي خيرك جمدتي😁
انا: ااا .. باهي اهو نزلت 😒هي سلام
ومشي لؤي وانا قعدت واقفه نشوف لمراد والبنت ويهدرز معاها ويضحك المهم مشيت وغتت من جنبهم ودرت روحي ماشفتهمش ونسمع ف وحده تنادي فيا
شغت ورايا لقيتها سهى😳 وهيا اللي واقفه على مراد
سهى:رغد يا غرد صباح الخيير تعالي
أنا مستغربه ونشوفلها شن تنادي فيا وواقفه مع صاحبها والا شنو يلا خلي نشوفها:هلا صباح النور ..صباح الخير دكتور(وانا عيوني لوطى)
مراد: صباح النور  هيا ياسهى انا بنمشي توا عندي محاضره نكلمك بعدين  سلام.
انا😒هه ع اساس يعني بتكلمها باهي فهمنا انها صاحبتك
سهى:تمام نتلاقو بعد محاضرتي لان عندي وحده بس
ومشي مراد
سهى: شنو الجوو شكلك تعرفيه مراد
أنا:تمام شنو امدايره ..اها ايه دكتوري
سهى : اممم كويس تشربي قهوه والا بتمشي للمحاضره
انا :لا الحق بنمشي لان المحاضره قريب تبدا نتلاقو بعدها حبيبتي سلام توا😘
سهى :سلام نتلاقو
ومشيت انا
سهى: ههههه توا تشوفو شن ...يتبع