أحببته في أصعب الظروف

الحلقة 27

#احببته_في_أصعب_الظروف
#الحلقة27
لؤي : هههه باهي حاضر  ..وباي راسي ردي بالك من روحك وخيتب وخليك قويه زي مانعرفك وردي بالك من نسيبنا ..وشافله وضحك
مراد: هههه عاد انا اللي بنرد بالي منها مش هيا لاكن مقبوله منك
وجاه مراد سلم عليه وانا قعدت نبكي وشد مراد ايدي وودعناه ومشينا لصالة الانتظار وقعدنا نستنو وماتكلمناش لي جي موعد رحلتنا وركبنا للطيارة وجيت انا من جهة الروشن بس كان بجنبي شاب ومراد ف الكرسي اللي مقابلني ومراد تكنطا وكلم المضيفة
مراد: لو سمحتي شويه
المضيفة عجبها مراد وعيونها قلوب😍: اا نعم
مراد: نبي نغير مكاني وانبدل انا والشاب هدا
المضيفة : احم حاضر نشوفه قبل ..وجت للشاب اللي بجنبي وقالتله : لو سمحت الشاب هداكا يبي يغير الاماكن
الشاب شافلي : علاش شنو السبب
المضيفة : قال انه مش متريح غادي وهكي
الشاب  سألني: لو سمحتي تعرفيه انتي
انا توا نوريك يامراد: احم اي خوي☺
الشاب : اها تمام امانا يركبو كل الركاب وتوا نتحول
المضيفة : اوكي ومشت لمراد ...تمام استاد توا يتحول بس استنى يركبو كل الركاب
مراد وهوا متكنطي:تمام
عندي انا
الشاب: احم لو سمحتي يا
انا شفتله برفعت حاجب: نعم ..ولقيت مراد مركز معانا ابتسمت بخبت😏
الشاب تلخبط : اا انا إياد يعني لو مافيش مانع نسألك ع اسمك
انا ابتسمتله باش نقهر مراد: امم لا عادي انا اسمي رغد تشرفت بيك
اياد ابتسملي: ليا الشرف شنو سبب السفر
انا : عندي أمي مريضة💔
اياد : سلامتها ان شاءالله تنوض بالسلامة اسف
انا : لا عادي مافيش مشكلة وانت شن سبب الزيارة
اياد : انا نخدم ف المانيا وجيت زيارة ل ليبيا وتوا راجع للخدمة لاني مقيم في ألمانيا
انا : ماشاءالله كويس
اياد 😍: ايه مواليد كم انتي
انا : م99
اياد تهبل😍 : ماشاءالله العمر كله
انا:تسلم وانت
اياد: انا مواليد 86 شايب صح هههه
انا : هههه لا والله ماشاءالله عطيتك اقل من عمرك
اياد: شنو تقري يعني تخصصك
انا : اولى صيدلة و....قطع علينا مراد
مراد🍁
من اول ماركبنا الطيارة وهيا متجاهلتني وزياده ماجتش جنبي لا وو الاكتر من هكي مقعمز جنبها شاب يعني ناقص انا ماهو كلمت المضيفة وكلماته وقال باهي لاكن معاش ناض عجبه الجو ال... استغفر الله وخلاص وهيا مش معقبة شي تهدرز وتضحك معاه تقول تعرفه من سنين وانا نار والعه فيا وهوا كيف يشوفلها وعيونه قلوب ماصح وجهه الصراحه معاش فيا انا نضت وجيته : لو سمحت مش قلت بتبدل بالك ساد 😑
اياد: سامحني ياخوي لاكن كانو الركاب قعدين يركبو ومافيهاش كيف
مراد هيا نوض دره كبدك : لا عادي حصل خير😑😑
ناض اياد ولفلي : تشرفت بمعرفتك يا انسة رغد وان شاءالله معرفة خير
رغد ابتسملته وقهرتني🔥: احم الشرف ليا ولينا لقاء
انا :اححممم 😠😠
اخيرا انتبهولي الزوز وشافلي هوا: انا اياد وان شاءالله رحلة طيبة ومد ايده
انا شفتله هكي😒 ومديت ايدي: انا مراد  وبالشوية" ماباين طيبة كان من اولها هكي" احم رحلة سعيده  ..وحسيته زي معنداش نية يمشي ويتفرج ع رغد وعيونه هكي😍 غمني الصراحه معاش فيها الا صحة الوجه 😑..احم ممكن شويه بنقعمز والطيارة بتقلع
اياد ناض من سرحانه: احمم اسف سرحت شويه ..ومشي لمكانه
انا لا واضح سرحت ياتافه غر توا طيارة كان هكي راني وريتك وقعمزت ولفيت ع الهانم اللي بجنبي واللي فاتحاته ميعاد : احمم شنو يا مدام
رغد شافتلي وببرود: شنو شكله حلقك يوجع فيك من بكري تحمحم😌 هاك اميه باش تستريح
انا رقتلي وشاد روحي بالسيف ونتكلم بالشويه وضاغط ع سنوني: غر طيارة وناس وكان هكي راني وريتك كيف نحمحم بجد باهي وجو الهدرزه مع الذكوره هدا معاش اتديريه وكيف تتكلمي مع شخص ماتعرفيشي وتضحكي معاه كان خليتك شويه راهو لقيتكم طقان خمسات وجو  كيف تتصرفي هكي والا انتي متاحه للجميع
رغد عيونها دمعو وجعتها كلمتي بس خدت نفس وتكلمت بنفس طريقتي : بلا قلة ادب انت تجاوزت حدودك بعدين انا متربية احسن تربية ولو ماتعرفش اسأل عليا ومادرت شي انا هوا سأل وانا جاوبت وماأظنش ان هدا غلط الا ف قاموسك الجاهل
انا : جاهل من هوا اللي جاهل 😠😠 وشديت مرفقها وجبدتها وضغطت ع ايدها بقوه
رغد تتألم : اي اديري وشافتلي انت اللي جاهل معنكدش ثقة ف حد بكل لاكن شن بنتوقع من شخص ماينوتقش فيه فاقد الشيء لا يعطيه
انا 😡😡 وزدت ضغطت ع ايدها : كلامك هدا ح نخليك تندمي عليه وتبكي دم تمام ووريني بعدين كيف تتصرفي ودفيتها وجي كتفها ع الروشن وهيا لفت وججها لجهة الروشن وشدت كتفها وانا لفيت للجهة التانية ولقيت التافه مركز معانا ويشوفلها ماهو هوا سبب المشاكل ابتسمتله بغل ولفيت جيهتها قعذت نشوفلها حسيتها تبكي سخفتني مع انها قالت كلام مفروص ماتقولاش وبجد وجعني بس نحبها انا شن ندير حطيت ايدي ع ظهرها ولفيت وجهها ناحيتي وكانت مطبسه راسها
انا : اسف ماكانش قصدي انديرلك هكي بس انتي استفزيتيني الصراحة  ..وهيا كانت تشوف لوطى
شديت وجهها وشفت دموعها 💔 وجعتني اني نكون السبب ف بكاها ماكانش قصدي بس استفزتني وكلمتها وجعتني اني فاقد التقة قلتلها: اسف بس انتي قلتيلي فاقد التقة وكلامك جرحني وانا عصبي
رغد حولت ولفت للجهة التانية: انت اللي بديت الاول وقلت اني متاحة للجميع يعني انا نكلم ف شباب وهدا يجرحني حتى انا ومش من عادتي نقول كلام زي هدا بس حبيت نوصللك الشعور اللي حسيته انا بس وانا ماكنش قصدي الكلام بس قلته كرد فعل لكلامك وبس " مع ان كلمة فاقد التقة كانت تلمح لخيانته "
انا شديت ايدها : باهي ياستي انا اسف مشكلتي الوحيده اني نغار عليك وهوا كان يشوفلك وانا ماتحملتش اسف اسف اسف ارتحتي هكي اعتذرتلك اكتر من مره
رغد مسحت دموعها بإيدها التانية وعدلت تقعميزتها وشافتلي وشافت لايدينا : حتى انا اسفه مع انك انت اللي بديت ..وتحاول تجبد ايدها
انا زدت شديت عليها وجبتها  ف  حضني " ايدها راه 😂 مش كلها"
رغد : احمم اا الناس تشوفنا عيب
انا : اوسس مرتي وانا حر بعدن شديت ايدك انا مش بستك عادي يعني  ..وشفت حولينا ملقيتش حد مركز خطفت بوسه من خدها
رغد🌸
كنت بجد مجروحه منه ماسد هوا اللي غالط ومعاها يدفني  بعدها قعد يعتذر ولان حني ف الطيارة مقدرتش اندير رد فعل فوي ف هديت روحي وقتله خلاص وهكي وبعدها جبد ايدي وخداها ف حضنه انا قتله ان الناس تسوف عيب وهكي قالي عادي مرتي وبعدها فجأة يبوس خدي 💓انا من الصدمه معاش عرفت شن نقول 😳 قعدت نتأتأ: ااا انت ك كيف اتدير هكي ماصح وجهك
مراد : اشش مادرت شي انا وبالله عليك تفرجي من الروشن مانبيكش تشوفي للجهة هادي
انا انصدمت خيره هدا كل مره براي: اا علاش خيرك
مراد : تي هداكا من بكري عيونه طالعه فيك يعني تبيني نخليه يشوفلك
انا شفت للجهة التانية لقيت اياد مركز معانا شديت ضحكتي ولفيت للجهة التانية وقعدت نتفرج لين نعست ورقدت رماحسيتش الا بمراد ينوض فيا : رغد رغد نوضي
انا : احم امتا رقدت انا
مراد: ماليكش هلبه نوضي كولي حاجه
انا : باه
وجت المضيفة  وتشوف لمراد : شنو تبو تاكلو
انا رقتلي : احم اعطيني زي حبيبي
مراد مصدوم وقعد يشوفلي وبعدين شاف للمضيفة اللي وجهها انقلب: اا جيبيلنا زي بعض
المضيفه اعطتنا ومشت طول وتقلب ف عيونها عليا توا نوريها وشديت ف ايد مراد : امم مازال هلبه
مراد متسغرب فيا وفرحان : اا مازال ساعتين
والمضيفه انقهرت وهدا اللي نبيه وهيا مشت من هني انا طلقت ايده من هني يحسابني ميته عليه هه😒
ومراد مش فاهم شي 😂 المهم باقي الرحله مشي ف هدوء ووصلنا لمطار برلين تيجل الدولي وكان عاالم
المووهيم نزلنا وقعدت نستحقر ف المضيفه😂 ونزل ورانا اياد ومراد راقيله منه وشاد ايدي ولاف عليا ايده التانيه ولما بنطلعو من المطار عطاني جاكيت ثقيل وكان لونه جيشي وطويل لا تحا الركبه وحتى هوا لبس واحد نفس اللون بس رجالي وكان منظرنا يجنن😍 وبعد ماطلعنا طول مشينا خدينا تاكسي وعطاه عنوان المستشفى ومشينا طول للمستشفى ونزلنا وسألنا ع غرفة ماما وطبعا مراد اللي يسأل لان لغته الانجليزية احسن مني🙈 ومشينا لغرفة ماما وشفتها 💔 طبعا ممنوع نخشولها بس في مكان نقدرو نشوفوها منه وانا دموعي نزلو كان وجهها تعبان وحاطيين عليها الاجهزة انا قعدت نبكي لين حسيت بايد ع كتفي ولفيت ولقيته بابا وحضنته بالقوه وقعدت نبكي وقعد يهدي فيا بعد ماهديت نصت من حضنه
بابا : الحمدلله ع السلامه
انا مع رشفة خشم: الله يسلمك وين مجدي
بابا : قاعد مع مراد البرا
انا مشيتله وهوا حضنني وباس راسي وقالي : الحمدلله ع السلامة ليك وحشه يا مشفشه
انا ابتسمت : انا مش مشفشفه
المهم فات الوقت وشفت عيلة مراد وسلمت عليهم ولقيتهم حاجزين غرفتين ف الفندق اللي حاجزين فيه وطبعا كانو غرفتي وغرفة مراد بجنب بعض وانا لاني تعبانه ومش راقده ليلة كامله وقالولي تريحي انتي ومراد ومشيت انا وياه للفندق وانا من التعب اتكيت عليه وهوا شادني ونمشو وصلنا للريسبشن وتحسابنا عرسان و طبعا تكلمت بالانجليزي "وماعنديش نيه نكتب انجليزي ههه فنكتب الترجمة بالليبي نحسه احلا صح  ☺"
الريسبشن: انتو عرسان جدد
انا متدروخه ومش مركزه معاها ومراد ابتسم بخبث : ايه
الريسبشن : حاجزين قبل
مراد: لا في مكان او لا
الريسبشن : في جناح للمتزوجين او العرسان
انا ركزت ف الكلام وفقت وشفت لمراد : شنووو
مراد ضحك : اوسس خيرك تعيطي😂
انا: سمعتها قالت جناح للمتزوجين والا
مراد: لا سمعتي غلط انتي
انا: انا مش غبية وبلا برادة وتوا نكلمها انا
وخدينا رقم الغرف ومشينا ومراد نازله عليه البراده وقلة الادب من قلة النوم وتلخبطنا انا وياه ف الغرف ودخلت انا ف الغرفه وحولت الوشاح والجاكيت وكيف بنطلع لبسة لاني بندوش لقيت شنطة مراد استغربت بعدها بشوية يطق الباب انا استغربت بعدها طق تاني وقال: انا مراد ياودي افتحي😂
انا: مابردك😑😑 وفتحتله
وهوا خش يكركر ف الشنطة متاعي
ودخل وسكر الباب : كيف تفتحي وانتي مش لابسة الوشاح
انا: ماهوقبل مانفتح انت تكلمت😒
مراد: وحتى ولو مفروض حطيتي حاجه ع راسك
انا : باهي حاضر المرة الجاية 😒 هيا خود شنطك واطلع 😑
مراد قرب مني وحط الشنطه ع جنب ورفع حاجبه : وكان مانبيش
انا وخرت : اا اطلع نبي نرقد
مراد زاد قرب وانا وخرت لين خبطت ف الباب وحاصرني بايديه
مراد: اممم وارقدي من شادك😌
انا تلبكت : ااا حول يامراد
مراد زاد قرب وجهه : علاش نحول
انا : اا م ماهو  انا هكي ا انتلخبط
مراد قرب اكتر وكيف ب..🙊 بديت نبكي 😂
مراد نخلع ووخر: بسم الله خيرك
انا : 😭😭 😭😭
مراد: رغد حبيبتي خيرك ..وشد كتافي
انا نشهق: اننا قت قتلك حوول للا لاكن انت ماتبيش😭😭😭
مراد خداني ف حضنه: اووسسس خلاص انا اسف كنت نبصر معاك بس مكانش قصدي نخوفك
انا نبكي وحالتي حاله : انا نقوولك تعبانه وبنرقد وانت تتبرد واتدير ف قلة الادب علاش 😭😭😭
مراد قعد يضحك: هههههه باهي خلاص معاش اندير قلة ادب ههههههه ندير قلة احترام هههههههه
انا قعدت نبكي اكتر ونضرب فيه : مابرردك مابرردك حول معاش تمسني ..ومراد يضحك ويحاول يشد ايديا : بطلي هههه اه حاره الضربه هههه وشد ايديا : ايدك ثقيلة ههههه باهي ياستي انا اسف باهي
انا نشوفله وعيوني دموع وشعري يضايق فيا ف وجهي ونبي نحولها مراد شد ايديا بايد وحده وايده التانية حول بيها شعري ومسحلي دموعي وشد راسي وقال: وربي نحبك باهي والله نعشقك يابنت❤ ..وباس راسي
انا سخنت ووجهي بدي احمر ونزلت راسي ومراد شدني لحضنه وانا استسلمت ولفيت ايديا عليه وغمضت عيوني 💓مش عارفه كم قعدت هكي بس حسيت براحه كبيره وكنت محتاجاته ومحتاجه لحضنه لأنه اكتر مكان حسيت بيه بالامان بعد ماما وبابا حسيت بكمية الحب اللي حاضنني بيها وكان حاضنني بقوة وكأنه يقولي انا معاك وجنبك على طول ومستحيل نسيبك وانا ف اللحظة هادي محتاجه الدعم حتى لو كان مايحبنيش ويساير فيا بس انا بجد محتاجاته الفتره هادي 💔 المهم انا معاش حسيت بروحي لين فجأة نضت لقيت روحي ع السرير ومغطية وشنطتي موجودة وشنطة مراد مهناش نضت دوشت  ولبست وصليت ورقدت طول بدون مانفكر
مراد🍁
لما وصلنا للفندق كانت تعبانه وتالفه وانا من قلة النوم استهبلت هههه وقبل نبي نخلعها وندخلها لجناح عرسان😂 لاكن ركزت وعرفت بعدها قلبت المفاتيح واستنيتها تدخل وجبت شنطتها وجيتها وقربت منها وهيا كانت خايفه وكان خاطري نبوسها بس فجأة بدت تبكي وانا تفركست معاش عرفت كيف نتصرف حضنتها و قعدت نهدي فيها لين رقدت وحطيتها ف سريرها وبستها وطلعت لغرفتي دوشت وصليت ورقدت طول
اليوم التاني الصبح
نضت بكري لاني رقدت هلبه وصليت اللي فاتني وبدلت ومشيت لغرفة رغد طقيت ع الباب اكتر من مره واستنيت لين تفتح
وفتحت ....
رغد🌸 كنت راقده وماندري ع الدنيا وفجأة نسمع الباب يطق ومن الخلعة جيت نجري بسرعه وقلت who   سمعت صوت مرا: هذا انا افتحي
انا وااك ع البراده وفتحت طول وبدون منركز ع شكلي : نعم شنو
مراد شكله كان هكي😳 ومايتكلمش وفجأة بدي يضحك لين خلعني : هههههههههههههههههههههه وووه هدا شنو ههههههههههههه
انا مافهمت شي خيره هدا وهوا من الضحك مس قادر يوقف خش للغرفه وقعمز ع السرير وهوا يضحك بدموعه وانا قعده واقفه ع الباب وسكرته ووقفت قدامه وحاطه ايدي ف وسطي: خيرك تضحك وشن جايبك الصبح 😒
مراد: هههههههههه قصدي بجد بنشوفك هكي لما بتقعدي معاي ف حوش واحد لااا انا بنغير رايي الصراحه هههههه
انا استغربت وشفت لشكلي ف المرايه وشهقت: ووووووه "طبعا كان شكلي كالآتي السروال مقيوم ورجل برجل التوب مبهدل لاني نضت مخلوعه وشعري بما اني امي رقدت ومامشطتاش ف الله لاتروعك حاايس حوسه ويخوف هههه وعيوني منفخات لاني امس بكيت ومعاها طبعا قرنت الحواجب ههههه" انا من الصدمة قعدت نبكي ونطلع فيه : اطلع اطلع مابردك علاش جاي توا 😭😭😭😭
ومراد يضحك عليا بدموعه : هههههههه ماهو باش ربي يفضحك ونشوف الحقيقة المره هههههه
انا: مابردك اطلع من الدار اطلع 😭😭😭
مراد : هههه باهي خلاص هههه مش قصدي هههه اسف بي منظرك وااو
انا نبكي ونضرب فيه : اطلع قتلك اطلع
مراد : باهي ههههه خلاص اصلا انتي حلوه ف كل الاحوال
انا : عارفه روحي اطلللع
مراد : ههههه صار عارفه روحك
انا : مراااد
مراد وقف وحضنني: خلاص ياودي والله نبصر عليك وانا نحبك ف كل حالاتك باهي
انا بعدت عليه ونمسح ف دموعي: باهي حول نبي نغير
مراد : اهو نستناك هني
انا : لااا اطلع براا نبدل ع السريع ونجيك
مراد : مابردك ع فكره بتخليني نستناك برا
انا ندف فيه : ايه ايه عارفه اطلع
مراد قرب باس خدي بسرعه وطلع : توا نقدر نطلع هههه
انا قربعت الباب : واااك يامراد
ومشيت جهزت اللبسه اللي بنلبسها ودوشت ولبست ع السريع وفتحت الباب لمراد😑 لقيته واقف قدامه
انا : هيا نمشو
مراد: دوشتي قصدك
انا: .......... يتبع