أحببته في أصعب الظروف

28

#احببته_في_أصعب_الظروف
#الحلقة28
ومشيت جهزت اللبسه اللي بنلبسها ودوشت ولبست ع السريع وفتحت الباب لمراد😑 لقيته واقف قدامه
انا : هيا نمشو
مراد: دوشتي قصدك
انا: ايه 😑
مراد: وتقول فيها بكل صحة وجه
انا : وشن فيها
مراد: توا تدخلي تجففي شعرك يعني تبي تمرضي هني
انا: فوته مش وقته توا نبي نمشي لماما
مراد: كلمه هيا خشي جففي شعرك
انا : وااك بااهي
مراد فنص عيونه وانا خفت وخشيت بسرعه وهوا دخل وراي وسكر باب الغرفه وقعمز يستنى فيا
و انا خديت المشط الحراري وطلقت شعري وبديت ندير فيه ولأنه طويل كان يعقد فيا ...
مراد 🍁
قعدت نستنى فيها برا بعدها طلعتلي وشكلها دوشت كشخت عليها باش تجفف شعرها ودخلت معاها باش نتأكد وحولت الوشاح وفكت شعرها ونزل عليها كان طويل ماشاءالله وقعدت تجفف فيه وكان يضايق فيها من طوله انا لا اراديا نضت وجيت وراها وخديت  منها المشط وبديت انا نجففلها فيه ومبتسم حسيت كأننا ف شهر العسل شعور حلو وقعدت نفكر لين فجأة لفتلي وقالت :كملت
انا قعدت نشوف لعيونها ومركز فيها وهيا حسيتها تهرب من نظراتي ومش فاهم علاش تغيرت عليا يعني معقوله من قصة سهى بس مكانش الموضوع مستاهل اااه وخلاص وقربت منها حضنتها بقوة وندعي ان ف داخلي ان ربي يخليهالي بس هيا متدارتش اي رد فعل بعدت منها وقلتلها هيا وطلعت من الغرفة كان شكلها ياخد العقل بعد ماجففت شعرها ومش قادر نسيطر ع تصرفاتي وحسيتها متضايقه مني بعدت منها بس بجد ضايقتني اللقطه حسيتها كارهتني بعد شوية طلعت ونزلنا فطرنا ف الفندق وطول الطريق ماتكلمناش وصلنا للعياده وركبنا لغرفة امها ولقينا بوها قاعد برا حني: صباح الخير
عمي: صباح النور ..وجت رغد قعمزت بجنب بوها
رغد: بابا شن قال الدكتور على ماما
بابا : والله توا قال ان مؤشراتها احسن من قبل وفي دكتور جديد بيكون مسؤول ع حالتها وبيشرف عليه دكتورها
انا ورغد : ان شاءالله خير  يارب
انا : روح ياعمي توا اهو قعدين انا ورغد
عمي : لا ولدي بنقعد معاكم
رغد: صح يابابا برا ارتاح وتوا يجي مجدي
عمي: تمام ديرو بالكم ع روحكم وكلموني اول ماتصير حاجه
نحنا: تمام
ومر الوقت بعد ماروح عمي وقعدت انا ورغد مقعمزين وهيا قالبه وجهها عليا بعدها يجي الدكتور
الدكتور : صباح الخير " طبعا ألماني ويتكلم انجليزي "
انا ورغد: صباح النور
الدكتور : طبعا بيجي مشرف جديد ع المريضة وهوا عربي وبعد شوية يجي ويعرف ع نفسه
انا : تمام دكتور
وقعد يشرحلنا ع حالة عمتي وكيف دارلها العمليه بعد شويه شاف الدكتور خلفنا وقال ان المشرف جاء
ولفيت انا ورغد وانصدمت لما لقيته ....
رغد🌸
طبعا بعد ماوصلنا قلنا لبابا يروح يرتاح وقعدنا ساكتين انا ومراد وبصراحه مانبيش نكرهه اكتر من هكي وبعدها جانا الدكتور وقعد يشرح ع حالة ماما وقاللنا ان المشرف بيجي وبعدها جانا الدكتور المشرف ولفيت شفته وانصدمت كان نفسه اياد اللي تلاقيت معاه ف الطيارة
د إياد: السلام عليكم
نحن : صباح النور
اياد: طبعا انا د اياد المسؤول ع حالة مريضتكم وانا اللي بنتابع حالتها ولو عندكم اي استفسارات اسألوني
" طبعا انا في هدا كله كنت ورا مراد كيف وامتا مانعرفش فكأة لقيته شاد ايدي وجابدني خلفه غمتني الحركه بتعه حولت ايده وطلعت من خلفه وشافني إياد "
اياد : اوو رغد شنو هالصدفة الحلوه
انا ونشوف لمراد اللي قريب يتفجر : هههه ايه حلوه الصدفه
مراد : احمم وانا ماشفتنيش والا عرصه قدامك😑 هه"ضحكه صفرا"
اياد: لا حاشاك خوي مش قاصد  المهم دكتور تمام توا نكمل انا
ومشي الدكتور
مراد يشوفله بغل واياد عيونه هكي😍 ويشوفلي بس لين انا تعقدت
مراد: ايه بتقعد هلبه تتأمل فيها ماتشوفش فيا والا انا رجل كرسي
اياد تلخبط وتحشم : اسف والله مش قصدي حاجه
انا عجبتني اللقطه وحاولت نشد ابتسامتي بالسيف
مراد : حصل خير 😑
انا: احم باهي كمل دكتور
وإياد قعد يشرح ومره  مره يشوفلي ومتخزرط من مراد ومراد قريب ياكله وانا شاده ضحكتي بالسيف بس بجد يعنش مش قاهمه علاش جو الغيره يدير فيه وحني نحكو مع الدكتور جانا مجدي وقعدنا مع الدكتور وبعدها انا طلبت منه اني ندخل لماما ومراد قالي لا ماتقدريش وانا بنبكي نبي نشوف ماما بعدين للدكتور اياد قالي توا ندخلك بس البسي اللبسه المعقمه باش تدخليلها وماتعطليش ومشيت معاه باش يعطيهالي وانا قعدت نلبس فيها بس الربطه من الخلف ماقدرتش اني نربطها وقعدت نحاول نربطها جاني الدكتور اياد قالي:هاتي نساعدك
انا :لا هادي توا نديرها
اياد: لا اصلا من بكري تحاولي انتي هاتي نديرهالك
انا: ههه باه
وهوا كيف بيربطها يجي مراد
مراد بصوت عالي شويه: هاتي نديهالك انا  ..انا اولى وشاف لاياد بغل
اياد : اا انا مش قصدي بب بس
مراد يكتلم بغل ويحاول يهدي اعصابه وانا يربطلي ف الربطه بغل : لا قصدك ورجاء معاش تقرب منها رجاءً دكتور تعرف لو كنت شخص تاني لكنت تصرفت تصرف تاني بس انا حذرتك