Hidden Desire Book 3: Gold-en-Love [ COMPLETE ]

CHAPTER THIRTEEN

ALMOST twenty four hours after that humiliating scene on his own home, naririto muli sina Kitty at Huksy sa daan papunta sa Laguna. Hindi alam ni Husky kung bakit parang hiyang hiya siya kay Kitty dahil sa mga sinabi ng nobya nito sa kanya.

At kagabi, para iwasan na muling mangyari ang mga nagyari ng umaga, sinabi niya kay Kitty na doon nalang ito manatili sa bahay nito. Gumawa sila ng dahilan para doon makatulog ang dalaga. Kung magtatagal pa kasi na magkasama sina Kitty at Sky, pakiramdam ni Husky ay may mangyayaring hindi maganda. Mabuti nalang at nakumbinsi nila ang pamilya ni Kitty an doon ito manatili para sa gabing iyon dahil madaling araw ay tutulak silang muli papunta sa laguna.

Anyway, wala namang sinabi na kahit ano sa kanya si Kitty tungkol kay Sky ngunit imbes na ikapanatag niya iyon, tila mas lalo siyang nabother. Anong iniisip ni kitty matapos nitong marinig ang mga tungkol sa personal na bagay sa kanila ng nobya? Anong tingin nito kay Sky at lalo na sa kanya?

He knew that it doesn't really matter but there was actually a nagging feeling inside him that it does matter. And it sucks. Big time. Dahil pakiramdam niya, biglang nagkakaroon ng malaking papel si Kitty sa buhay niya ngayon higit pa sa dapat na lugar nito.

But the worst thing was, it wasn't even her fault. It was his.

"Sa tingin mo, totoo ang sinabi ni Mayumi noon sa'tin?" pagbubukas niya ng usapan. "Na kapag nakuha na taong naligo sa spring ang pinakamasidhi niyang hiling babalik tayo sa normal?'

Nilingon siya ni Kitty. "Sana," anito na parang walang gana.

Gusto niyang mapakunot noo. Why does the air suddenly became uneasy? "So kailangan na nating makuha ang ginto sa lalong madaling panahon."

"Oo," muling sagot ni Kitty na tila wala paring gana.

Naalarma siya saka nilingon ang dalaga. "Okay ka lang ba?"

Lumilingon din ito sa kanya at nagtama ang kanilang mga mata. "Paano kung hindi tayo bumalik sa dati? Kasalanan ko ito."

Wala sa loob na humigpit ang hawak niya sa manibela. Ayaw niyang isipin na hindi na sila makakabalik ni Kitty ngunit kahit siya, natatakot. Paano nga kung hindi na? Paano kung hindi na nila makita ang sagot sa problema nilang ito? Natatakot siya, pero alam niyang mas natatakot si Kitty.

He couldn't stand that.

At kahit noong una, sinisisi niya ang dalaga, ngayon hindi na. Ngayong alam na niya kung bakit ito desperadong makuha ang ginto, hindi niya ito magawang sisihin. Kitty has her reasons and those reasons were more than enough. Kung noon, napakadali sa kanya na magalit at kainisan ang dalaga, ngayon, hinding hindi na niya magawa iyon dito. Being Kitty for a few days made him see things differently about her.

Inabot niya ang kamay nito—ang kamay niya, saka iyon hinawakan ng mahigpit. "Mababalaik tayo, Kitty. I promise you. I'm here and I'll make sure of it."

Nang tingnan sya ni Kitty ay nginitian niya ito. And in that moment again, he felt her real eyes piercing inside his heart. Kakatawa rin ang pakiramdam na ang init na hatid ng magkahugpong nilang mga kamay ay tila kaiga-igaya para sa kanya.

UNANG beses nakita ni Kitty ang painting na sinasabi ni Husky at ngayon ay naniniwala na siyang nakita na nga nila si Narcissa Herrera. Kahit kasi iba ang pangalan nito, malakas ang kutob niyang ito na nga ang babaeng hinahanap nila.

Habang nasa daan ay pinag-isipan na nilang dalawa ni Huksy ang magiging dahilan nila kung bakit hinahanap nila ang may-ari. Dating gawi, nagkunwari silang mga researchers para sa isang tabloid na balak ifeature ang istorya ng pagkakatayo ng spring.