#فاعل خير
#بقلمي طيبة الربيعي
البارت الرابع
(للكاتبة طيبة الربيعي)
صعدت اني وصعدت هية وراية
بصفي
شغلت السيارة وطلعت لمكان مابي احد
طفيت السيارة وتجيت ايدي عالباب
ومركز عيني ليكدام بس تركيز اذاني وعقلي يمهة
سامر: شلونج نبأ
نبأ: الحمدلله
درت وجهي عليهة
سامر: الحمدلله متطيني جواب واضح، زينة لو شينة
نبأ: الحمدلله علة كل حال
سامر: ليش متوافقين بالولد
اني اعرف الجواب بس اريد اسمعة منهة
مدنكة وتحجي(للكاتبة طيبة الربيعي)
نبأ: أي ولد؟
سامر: الخطبج، من اخوتج
نبأ: ماريد اتزوج، بعد وكت
سامر: شمنتظرة، تخرجتي اكو غير شي مانعج؟
اشرت براسهة لا
سامر: لعد ليش متوافقين، مو تريدين تخلصين من ظلم اخوتج، وافقي بالولد اذا خوش وحباب
باوعتلي
عيونهة مدمعة
نبأ: اخلص من ظلم وادخل بظلم لاخ، ماتصور ارتاح
سامر: ليش، موزين الولد؟
رجعت دنكت ماحجت شي
سامر: وتالي نبأ؟ تضلين هيج؟
نبأ: مرتاحة هيج
سامر: مرتاحة؟ بس ماشوفج مرتاحة، عيونج تحجي ضيم، نبأ لتبنين امال علة احد، مافيدج اني صدكي، وافقي بالولد وكملي حياتج ليش تستهينين بنفسج
ساكتة
سامر: نبأ مو احاجيج
كامت تبجي(للكاتبة طيبة الربيعي)
رفعت حاجبي مستغرب
سامر: هسه ليش تبجين، مو احاجيج بهداوة
نبأ: سامر اذا اجيت تكولي هل كلام رجعني، الله يخليك البية مكفيني
مغطية وجههة بيديهة وتبجي
سامر: نبأ كافي، سمعيني، مادام حالتج هلكد متبهذلة واخوتج مايخافون الله اعرض عليج الزواج
باوعتلي مصدومة، عيونهة حمر
سامر: توافقين؟ كليلي حتة اساعدج
رجعت دنكت تلعب بيديهة
نبأ: سامر ماحتاج شفقة من أحد، اذا تريد تنتقم مني...(للكاتبة طيبة الربيعي)
قاطعتهة: اشششش، لا انتقام ولا شي، وليش انتقم منج بالعكس المفروض اشكرج ماضميتي علية وخليتيني اتورط، اخذج انتي وامج تعيشون يمنة واخوتج بعد مالهم سلطة عليج
نبأ: تسلم سامر اشكرك فكرت بية وبنيتك تساعدني، بس ماكدر احملك مسؤوليتي ومسؤولية ماما وهل شي مو من صالحك
سامر: نبأ نبأ باعيلي، شو باعيلي
باعتلي
سامر: الداسوي بأرادتي، واني اريد اتزوج امي تلح علية اريد اسكتهة، كليلي موافقة حتة هل اسبوع ادز امي
بقت ساكتة تفرك بيديهة، عفتهة براحتهة
ضليت ساكت منتظر جوابهة
ماعرف ليش عطفت عليهة(للكاتبة طيبة الربيعي)
يمكن لان اخوتهة طايحين حظ
لو لان بنية ومالهة زلمة بظهرهة
قاطعت تفكيري
نبأ: موافقة
سامر: بس اكو اتفاق لازم يصير بيناتنة
باوعتلي، يعني شنو
سامر: كدام الكل احنة متزوجين واحلة ثنائي، بس بيني وبينج ماكو علاقة جسدية
شفتهة صارت حمرة وبسرعة دنكت
سامر: احجيهة الج طك بطك، ماحب اضم شي وماحب الجذب ابد، زواج بالأسم وماريد جنس مخلوق يعرف او يحس بالاتفاق البيني وبينج
نبأ: تمام، اشكرك سامر ماعرف شلون اردلك هل جميل انتة فعلا انسان خلوق وراقي(للكاتبة طيبة الربيعي)
سامر: اشكرج نبأ وانتي هم خوش بنية وتستاهلين كل الخير، وانشاءلله الله يقدرني واسعدج، يلة مسحي دموعج ندخل للمطعم مطنكرين؟
باوعتلي: يا مطعم
سامر: ماكلتلج روى؟ غير طالعين نتونس اليوم
نبأ: لا لازم ارجع ماما تقلق علية
شغلت السيارة: كتلج ماحب الجذب نبأ
حركتهة وطلعت
اتصلت بأحمد كلي هسه متوجهين لهناك
جانو يفترون، مشة اليوم بسلام
ماكو مشاكل ولا قهر
ضحكنة وتونسنة
بس نبأ تبتسم بالكوة
الله كريم كلشي يهون(للكاتبة طيبة الربيعي)
نبأ ...معروف حبي لسامر
وقصتي المؤلمة، خيانة صديقتي
وعدم اعترافهة بذنبهة
خيانتهة الية وللحبيتة
بدت قصتي اول سنة بالجامعة
وتحديداً اول يوم
من شفت سامر كاعد وية جماعتة
والابتسامة الرجولية تارسة حلكة
وكع كلبي يمة، نسيت كلبي بدرب سامر
ورحت، ومشت الايام واني من يفوت
ينخطف كلبي ويا(للكاتبة طيبة الربيعي)
بس مجنت احسسة ولا اباوعلة هواية
بس كلبي يعلم من يمر، قريب او بعيد
واحساسي جان دائما يخبرني من يجي
سامر احلة شي مر بحياتي
حياتي الفوضوية
بعد ما توفة والدي من دخلت رابع علمي
شدن نسوان اخوتي وياية
اخوتي تلاثة واني البنية الوحيدة وكلهم متزوجين
نسوانهم كرايب من بعيد وكلهن حقيرات
حتة وية بعضهن
بس بآخر فترة وخاصة من دخلت جامعة
تعاونن ضدي، يكربن علية وميلحكن
بس كدام اخوتي غير شكل
واخوتي مع الأسف ميصدكون بية
وبهل فترة صارو يشوفون بعيونهم ويسمعون
باذانهم وميحجون شي(للكاتبة طيبة الربيعي)
بالعكس يزيدون علية
يمدون ايدهم ويأذوني حيل
واني لخاطر ماما متحملة
ماعندي احد اصلا
عمي رجال جبير ويادوب معيش عائلتة
عندة بس بنات ماكو ولد
بس بناتة درة مال الله
يعادلن الف رجال علة اخلاقهن وشخصياتهن
المهم
مرن شهرين الي بالجامعة
واني يوم عن يوم يزيد حبي لسامر
رغم ماكو شي يربطنة
ومتحملت اكتم هل حب(للكاتبة طيبة الربيعي)
وبغباء مني حجيت للانسانة الغلط
جنة كاعدين تلاثتنة
اني وروى ونور
كتلهن هل ولد دخل كلبي ماعرف ليش
يتخربط احساسي من اشوفة
نور ضحكت باستهزاء
نور: يمعودة منو يباوعلنة احنة السجاجات
اني سكتت محجيت شي، ومرت الايام
وبيوم شفت نور تباوعلة وهو يباوعلهة
حجينة عادي
بعدين كلت(للكاتبة طيبة الربيعي)
نبأ: اتمنة الله يكتبني من نصيبة
ومجنت حاسة بنفسي كلتهة بصوت مسموع
دارت علية نور
نور: ترة يباوع للكل هو يعني عينة زايغة
باوعتلهة: منو يكول
نور: لج دشوفي كتل روحة علية
ضوجتني قهرتني كلش
ولا عبالك صديقتي من ايام المتوسطة
هية وروى، بس روى تختلف ماعدهة غيرة لو حقد
بس اكتشفت الغيرة بنور من دخلنة جامعة
نبأ: مو كلتي يباوع علة ياهو الجان، يعني مو قصدة شي من يباوعلج
رفعت حاجبهة وابتسمت باستهزاء
نور: متأكدة(للكاتبة طيبة الربيعي)
اشترلهة براسي اي
لان فعلاً حركت كلبي
نور: انشوف يا نبأ، نتراهن، وكدام روى، الي تكسبة هية الربحانة
اني باوعتلهة مصدومة
باوعت الروى
تباوعلهة وتباوعلي متفاجئة
ومن يومهة من يجي يحاجيهة تبيع ثكل
بس تكول علمود ميفكرني سهلة
وكدرت تكسبة نور بطريقتهة
واني؟
اني جنت خوافة وفقيرة
ماعرف بسوالف الحب
ماعرف شلون اكسب الاحبة الية
ماعرف شلون اعبر عن مشاعري
ماعرف اتصرف(للكاتبة طيبة الربيعي)
ماعرف اتصنع
بس نور؟
نور كدرت تسوي الشي الجان المفروض اني اسوي
جنت اتكطع بداخلي من اشوفهم
ومن ارجع للبيت اموت نفسي من البجي
وبديت استسلم حتة لنسوان اخوتي
من يكربن علية اسكت، واسوي اليردنة
سامر مثل حلم وردي
وبخرتة اعز صديقاتي
كلت هذا هو اني ممكتوبلي افرح لا بحب ولا بعيشة
بسيطة مريحة(للكاتبة طيبة الربيعي)
بس بقة سامر بكلبي
وجنت اتألم من اشوفة وياهة
حاولت انسى بس صعب
يومية كدام عيني
وكام يجي وية نور
ويكعد ويانة
هذا الاصعب بقصتي
انو اشوف الاحبة وية صديقتي
الي تعرف بية احبة
واول مرة احب اول مرة
بس الأمر والأكثر وجع وقهر
استمرت الايام واني حايرة
بجرح كلبي ومرض امي(للكاتبة طيبة الربيعي)
صار عدهة سكر من ورة اخواني
وكمت ماحسسهة بالمشاكل
علمود متنقهر زايد
بس جانت تحس
واني ماكدر اتحكم باحساسهة
بس احاول قدر المستطاع مابينلهة تعاستي
وبيوم شفت زيد ونور
بوضع حرج
ورة الحمامات يتباوسون
بوقتهة كلبي وكع
مأجة ابالي غير سامر
ليش؟ شهل وصاخة؟
ومن عرفت بعلاقتهم رجعت
انصدمت
وبقيت حايرة(للكاتبة طيبة الربيعي)
نور جانت تحجيلنة وتكول يهددني
بس اني احب سامر
وتبجي
واني اتعاطف وياهة
بس من مرت فترة
ووصلت الحجي للخطوبة بينهة وبين سامر
مكدرت اسكت(للكاتبة طيبة الربيعي)
شلون اعوف الاحبة يتورط هل ورطة
وية انسانة بين قوسين سافلة ومنحطة
وبديت ادزلة
احاول اوصلة الفكرة
الى ان عرف بية منو اني
بوقتهة كلبي وكع
ومردت ادزلة بعد
وبسبب تهديدة ردت اسحب نفسي
اخواني اذا عرفو ينهوني
خاف هسه همة زينين وياية
يموتوني، ومابالي غير ماما
تموت والله
بس معافهة
لان ماخذة حذرهة كلش
مصيبة نور داهية معرفتهة هيج
وبيوم صدك كلبي وجعني
وكعدت ابجي متحملت
روى تحاول تهديني(للكاتبة طيبة الربيعي)
وتكلي انسي خيولون
كتلهة شلون وصديقتي تخونة
خانتني وهسه اجة الدور عالأحبة
ومن اجة سامر رجع كلبي ينبضلة
ويكلة دتحب الشخص الغلط
اني الي احبك
اني الدااوفيلك رغم حبك لغيري
سبب عركة روى واحمد لان عرف بحبي لسامر
وعبالة اني وروى نغار منهة
ومنريدهم يستمرون بعلاقتهم
بس ورة فترة حجيت لأحمد كلشي
وراد يخبر سامر بس كتلة خلي هو يعرف
ويشوف حتة ميذب اللوم عليك اذا ملكة دليل
لان نور حذرة كلش
ومن عرف سامر حجتلي روى صدمتة
وشلون مقهور(للكاتبة طيبة الربيعي)
وسنة كاملة اني حياتي شبه منتهية
بسبب ظلم اخوتي
وبعد سامر
ورة فترة صارت مشكلة
من رحت العرس روى وأحمد
جنت ماخذة الأذن من اخوية الجبير
بس من رجعت استلموني ضرب من كل مكان
نسوانهم كالعادة
بس هل مرة أذوني
وامي رادت توكع
عيطت عليهم ولميت غراضنة اني وامي
بس شنو بوقتهة، ايدية يرجفن والالام البجسمي
متنوصف(للكاتبة طيبة الربيعي)
اخذت امي وطلعت كبل البيت عمي
عمي خطية راد يهد عليهم لزمتة وكتلة عمو همة
والله يجازون، بس اتحملني كم يوم بين ماشوفلي جارة
حلف الة نبقة يمهم
بس اعرف بي علة كد حالة
وبنات ستة وكلهن ممتزوجات
مو هالله هالله
بس بنتة الجبيرة موضفة
تساعد ابوهة بالمصاريف
خطية ابد مقصرت ويانة
لا هية ولا عمي
بس ماما جانت ضامة كم فلس
كالت من نطلع ارجعلهميا(للكاتبة طيبة الربيعي)
من روى طلبت نطلع
مجان الي واهس ابد
بس لحت وكالت ضايجين وماعرف شنو
طلعت بس كلبي يوجعني مابية اتونس
صعب اتونس واني وضعي هيج
بس من شفت سيارة سامر تفاجئت
روى كالت يريد يحاجيج
كتلهة لا عفية
صراحة خفت خاف يهددني
واني البية مكفيني
لان سنة كاملة ساكت(للكاتبة طيبة الربيعي)
كلت اكيد هسه جاي ينتقم مني
بس ردت روحي بشوفتة
ومن عرض علية الزواج بكد ما تفاجئت فرحت
بس اعرفهة شفقة، من زمان يشفق علية
لان يعرف بوضعي ووضع اهلي
بس ميهمني، المهم اكون يمة قريبة عليه
اوووف قلبي بوقتهة شلون رجع للحياة
مثل الوردة المحرومة من المي سنين وهسه سقوهة
مثل الصايم تلث ايام وينطونة مي واكل
رحنة مطعم بسيط واكلة كلش طيب
بس اني مالي نفس
افكر بأمي وبوضعنة
شلون تكدر تعيش يم ناس غربة
بالله اني حتزوج، وسامر الانسان الاحبة
والي جنت دائما احلم اكون حبيبتة
شفايتلي اذا زوجتة(للكاتبة طيبة الربيعي)
رغم بس بالأسم لكن كل الي اريدة
يكون قريب علية
بس احسن من العيشة ابيت اخوتي
ولو همة يحبون امي ومحد يكدر يفك حلكة وياهة
بس ماكدر اخليهة يمهم
ماطمن عليهة
رجعني سامر وقبل لا انزل كال
سامر: انطيني رقمج، هل ايام ادز امي انشاءلله
انطيتهيا
نبأ: اشكرك سامر علة تعاطفك وياية
سامر: ماكو داعي تشكريني نبأ، ماريد منج غير الوفاء
نبأ: انشاءلله(للكاتبة طيبة الربيعي)
نزلت، وصلت للبيت فرحانة
ماما حست بية
كتلهة ونسوني روى ورجلهة
ماريد احجي شي هسه
لان اعرف اذا حجيت تخرب فرحتي
وبالضبط ورة يومين
اجني نسوان ثنين
وحدة تنطي شبه لسامر واللخ لا
حجو وية ماما وماما كالت احاجي عمهة واخوتهة
واردلكم جواب
يتبع...🌺
الأغنية عجبني كلامهة، يحجي حالة نباوي💔
بنات ابد لتنطين سرج لصديقة
صدكي يجي يوم وتنصدمين صدمة عمرج بيهة
يجي يوم وتفشي بسرج لو تنكر صداقتج وياهة
اسألو مجرب ولا تسألون حكيم
BINABASA MO ANG
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
