#فاعل خير
#بقلمي طيبة الربيعي
البارت الثامن
(للكاتبة طيبة الربيعي)
سامر: صاالح
صالح: هممم
سامر: كوم شو نايم كوم ورانة شغل
صالح: نعسان مابية حيل اكوم
سامر: تكوم لو شلون!
نبأ ...رحت ورا واكفة بعيد عليه
بس اسمعة
صار عصبي
سامر: مو وياااك!
شمر المخدة: هاا هااااا
سامر ...فكيت عيني متفاجئ
اول مرة يسويهة ويعيط بوجهي
سامر: هاي علية؟
صالح: كتلك ماروح عوفني مطموور
تقدمت جريتة من فانيتلة وكفتة
وجريتة حيل(للكاتبة طيبة الربيعي)
سامر: لك تعلي صوتك بوجهي! كبرت وصار عندك لسان ونافه بريشاتك علينة!
نبأ ...الوضع توتر وسامر صار عصبي نار
صحت عمتي اجتي ركض
ام سامر: يمة صلو عالنبي شبيكم
صالح: هددني كتلك ماروح
سامر جرة اكثر وعاط بي عيطة
الباقين كلهم فزو
فطوم ركضت ختلت وراية
شلتهة: حياتي لتخافين ماكو شي
هو اني وحدي كمت اطكطك
صراحةً اول مرة اشوفة بهل حالة
صالح دفع سامر حيل
عمتي عاطت(للكاتبة طيبة الربيعي)
سامر طفر علة صالح ضربة بوكس ووكع
عليه يضرب بي وصالح ممد ايدة يحمي بوجهة
سامر تخبل واني واكفة ارجف
وعمتي تفاكك بيهم
والولد همينة
بس سامر تخبل
لحد ماجرو الولد بالكوة
وحمو صالح
وعمتي لزمت سامر
سامر: لك والعباس اشحتك عالبلوعة واكسر راااسك اذا شخت علية! لك امردك مرد وعلي! اني اعرف ليش هيج تخبلت يابة والكعبة الشريفة مازوجكياهة ويطبك طوب انشاءلله يزوجونهة غيرك
سامر صار ناار كلشي مفتهمت
بس الاعرفة الموضوع يخص بنية
ايدي علة كلبي خايفة عليه
وانوب الصبح خشمة طاك دم(للكاتبة طيبة الربيعي)
بس لا صالح السبب بضوجتة
صالح: ليش جي انتة ماكدرت تاخذ التحبهة جي خانتك مووو تريدني تصير مثلك!
يمة بهل لحظة رجلية رجفن
كزازة ودخلت بأذني
نزلت دمعتي وسامر حسيتة تخدر
لان بقة واكف مسوة شي
اخذت فطومة وصعدت
بعدة يحبهة
مبين
لو ناسيهة ومطلعهة من كلبة
مينطي ردة فعل مثل هاية
شفتة اجمد وعيونة صارن بكصتة
اوف يا نبأ بختج اعوج مثل حظج
سامر ...من حجة هل حجاية
انقهرت لان اخوي يعيرني
اذا اخوي يعيرني شترجة من الغريب
احس صوتي راح والذكريات رجعت
سامر: بسيطة صالح، تعير اخوك؟ اشكرك انشاءلله ميصير بيك مثل الصار بية(للكاتبة طيبة الربيعي)
عفتهم وطلعت، اخذت السيارة ورحت
للشغل، راسي مسطور والدنيا طالعة من عيني
هاي تاليتهة يا نور
يعيروني بيج وانتي ماتسوين قندرة
القندرة هم بيهة نفع عكسج
ماحسيت اباكيت الجكاير من خلص
رحت جبت باكيتين لخ
وكضيتهة تدخين
اليفوت يمي يختنك من الريحة ويطلع
لعنت الشيطان والتفتت الشغلي
هو هذا المحل باب رزقي مو مال اتبطر عالنعمة
نبأ ...طوال اليوم كلبي يوجعني
وفكري كلة يمة
ليش ميحبني اني؟ مو احبة؟
مستعدة اسوي كلشي لخاطر ارضي
ليش مديحس بية
شلون اجذبة(للكاتبة طيبة الربيعي)
شلون احسسة اني هايمة بي واحتاجة
ماعرف شلون اتصرف لو شسوي
التهيت بالتنضيف وعمتي كلسع تروح ترزل صالح
والولد ميقصد شي طلعت هيج من حلكة
ام سامر: امشي ولي روحلة للمحل وصالحة، ولك يمة اخوك هموم الدنيا كلهة فوك راسة ليش تسوي هيج
صالح: ساعة غضب يمة والله ندمان
ام سامر: الله يهديكم، روح يلة
صالح: ماراح يرضة يحاجيني، من يجي اصالحة
عمتي تعصبت
ام سامر: لك شلون ينطيك كلبك تعوفة ضايج منك طول اليوم! لك هذا سامر، سامر الدفع دم كلبة علمود ميحسسكم بنقص لو بحاجة!
توتر الوضع بالزايد
انقهرت علة سامر(للكاتبة طيبة الربيعي)
ميستاهل كل هذا
ضل بالي يمة كلسع ابجي وامسح دمعتي
ماريد ازيد التوتر واخلي احد يحس علية
نومت فطومة لان كامت تبجي وخافت
نزلت يم عمتي حاولت اهديهة كامت تبجي
ام سامر: عمة هاي اول مرة يتعاركون، سامر ميتحمل الحجاية الشينة وانوب من اخوو
نبأ: ميخالف عمة همة اخوة عادي هسه يصالحون ولا كأنو شي صار
ام سامر: حبيبة حاجي هدي كليلة مو قصدة ساعة غضب، اعرف راح يزعل عالبيت كلة بس انتي ويا بالغرفة تكدرين تليني بحجاية طيبة
اووف يا عمة متدرين بحالي
قريبة بس ابعد وحدة عن كلبة وعقلة
نبأ: انشاءلله عمة يصير خير
مأجة وية العشة(للكاتبة طيبة الربيعي)
وصالح خطية مكلوبة خلقتة كلب
وعيونة حمر
بقة ينتظرة كلسع يطلع للحوش يطلع بالباب
ماكو، والولد محد عتب باب البيت اليوم
اشوفهم يحبون سامر هواية عبالك ابوهم
يعني لؤي و وائل رغم مو همة المتعاركين ويا
بس عبالك شايلين اهموم الدنيا كلهة فوك اجتافهم
كعدنة نتعشة بس محد الة نفس ياكل
وكلت فطومة غسلتلهة واخذتهة يمي فوك
خفت ادك عليه ليعصب علية ويضوج اكثر
اندكت الباب
نبأ: فوت
دخل وائل
نبأ: ها وائل محتاج شي؟
وائل: لا نباوي سلامتج، بس اذا متصير زحمة عليج دكي علة سامر مديجاوب واحد بينة، بلكي يجاوبج
يمة شدك عليه، غير يجي يدكني
بس انحرجت يعني زحمة اكلة مراح يجاوبني
واني كدامهم مرتة ميعرفون البيناتنة
نبأ: تمام هسه حدك، انتظر يمي(للكاتبة طيبة الربيعي)
وائل: خوش
اخذت الفون واتصلت بي
يدك يدك وميشيلة
كلبي وجعني، خفت عليه يعني لو يضوج يغلقة
اشو يدك وماكو جواب
رجعت دكيت مرتين تلاثة
ميجاوب
باوعت لوائل: ميجاوب
وائل: اوووووف، شلون بالله
نبأ: متكدرون تروحولة، فدوة خل واحد يشوفة وين راح ليش تأخر
سمعنة اصواتهم جوة
ومن ضمنهم صوتة
نزل وائل ركض(للكاتبة طيبة الربيعي)
واني خالة ايدي علة كلبي
خايفة ليعصب وتزيد المشاددات بيناتهم
ياربي اهديهم واصلح بينهم
يارب، باوعت الفطومة تباوعلي خايفة
شلتهة: اطلعلج حلويات
اشرتلي براسهة اي
كعدتهة عالسرير وخليت بحضنهة حلويات
وشغلتلهة كارتون، بس اذاني يمهم
طلعت من الغرفة وكفت يم الدرج اتسنط
جانت اصواتهم ناصية مينسمع زين
بس اسمع عمتي تكول
ام سامر: يمة كول يا الله ترة اخوك ميقصد شي تعرف بي شكد يحبك ويعزك
سامر: وخر صالح لتخليني امد ايدي عليك، وخر
صالح: اعتذر خوية غلطت ومنك السماح، والله ماقصد طلعت مني بساعة غضب(للكاتبة طيبة الربيعي)
سامر: مو وياك! وخر كتلك
سمعت خطوات تقترب
ركضت للغرفة دخلت وكعدت يم فطوم
ياربي سترك بس كون ميطلعهة بية
دخل باوعلي: كومي سويلي عشة
كمت: من عيني
خليت الشال علة راسي ونزلت
خفت احجيلي كلمة جان شكلة معصب الى درجة
شفت عمتي ولؤي بالهول
خطية عمتي صافنة وخالة ايدهة جوة حنجهة
رتبت الاكل بالصينية
واخذتة وصعدت(للكاتبة طيبة الربيعي)
لكيتة متمدد وفطومة نايمة علة ايدة
من شافني كام تعدل بكعدتة
خليت الصينية ونزعت الشال
وكعدت
محجة اي كلمة ولا باوعلي
شبيك يا عيني ليش كل هل عصبية
بس اريد اعرف يا بنية شنو الصار
سامر ...كضيت اليوم اجر حسرات
ورة ماعزلت المحل
بالتسعة تقريبا
كمت افتر بالسيارة، ادخن واجر حسرات
افكر بنور الخانتني
وبحجاية اخوية
بوضعنة المادي(للكاتبة طيبة الربيعي)
الحمدلله مستورين
بس الولد كبرو حقهم يدورون زواج
ليش احرمهم من هل شي واني متزوج
العين بصيرة واليد كصيرة
الفلوس منين اجيبهة
ضليت افكر وافكر، اريد اتوصل الحل ماكو
كل البوب انسدت بوجهي
اوف يا يابة ليش رحت وخليت بركبتي ايتام
يادوب مدبر العيشة يردون زواج
والله جنت ناوي اخطبهة الة
بس اجمع ولحد ما يتخرجون بيدي جم فلس
بس حجايتة حيل اذتني
اريد اندمة علة هل حجاية
انوب يتصلون واني روحي طافرة
بالأخير خليتة صامت وعفتة يدك وحدة
رديت للبيت لكيت امي وصالح ولؤي بالهول
سلمت واجيت اصعد
لزمني صالح
صالح: سامر اني اعتذر عالبدر مني اليوم، انتة اخوي الجبير وتاج راسي ينكص الساني اذا بعد عدتهة واجاوزت بالحجي وياك
جريت ايدي(للكاتبة طيبة الربيعي)
ردت اطلع وكف كبالي
صالح: خوية والله ندمان ليش تقهرني تعرف ماتحمل زعلك
باوعتلة بجدية: وخر
صالح: تريد تضربني هاك اضرب، اشفي غليلك بية بس لاتزعل بروح ابوك
حلفني بالوالد بس حيل اذاني بحجايتة صعب اسامحة
احجاية منة احجاية من امي طكت عندي
دفعتة وصعدت، طبيت لكيت نبأ وفطوم كاعدات
كتلهة تسويلي عشة، جوعان كلشي ماماكل من الصبح
بدلت وتمددت بوست فطومة
فاطمة: سامر نبأ بجت عليك(للكاتبة طيبة الربيعي)
باوعتلهة: شوكت
فاطمة: اليوم كلة تبجي عليك وماما همينة
بستهة: بعد ميبجن حبيبتي، وانتي خوما بجيتي
فاطمة: بجيت هواية، احبك انتة ابوية
بوستهة وشاقيتهة
رغم مالي خلك بس فطوم الهة معزة خاصة بكلبي
ابد ماريدهة تحس بفراغ ابوية
حيل عزيزة علة كلبي حيل
شوية ورجعت نبأ بيديهة الاكل
تعشيت وماحسيت الة بشهكة منهة
نبأ ...اختلس النظر بين الدقيقة والثانية
شفت دم نزل من خشمة(للكاتبة طيبة الربيعي)
يمة روحي ماتت عليه
شهكت وتقربت منة: عزةةة سامر ددم
سامر ...تلمست خشمي شفت الدم
باوعتلهة: شبيج تصرخين، هو هيج!
نبأ ...ركضت جبت كلينكس من الكومدي
واجيت امسحة اخذة من ايدي
وباوعلي معصب
عرفت ميريدني اتقربلة
رجعت لمكاني مهضومة
اوف يا سامر اوف
ورة مخلص عشة اخذت الصينية نزلتهة
عمتي كالت خل تنزل فطومة اريد انومهة
كتلهة عوفيهة عادي من تنام اني انزلهة
كالت لا ميصير تتعلم عليكم تبقة لازكة هناك
صعدت لكيتهة غافية
داريد اشيلهة اجاني صوتة
سامر: عوفيهة اني انزلهة
شالهة ونزل(للكاتبة طيبة الربيعي)
دخلت للحمام طكيت بالبجي
ليش يعاملني هيج اني شسويتلة
هسه لو مسويتلة شي اكول حقة
بس ممسوية، طلعت لكيتة متمدد وخال ايدة
ورة راسة ويباوع تلفزيون
اتحاشيت اباوعلة
اخذت من الكنتور شال داريد انزل للمطبخ اكعد
وحدي شوية
خليتة وداريد اطلع كلي
سامر: شو تعاي
سامر ...اني اعصابي هايجة ماريد قرب احد يمي
ولا احب الملحة ابد
كتلهة لاتجين يمي من تشوفيني ماطايق روحي
بس تلح وتسوي العكس
نزلت فطوم امي حاجتني كالت اخوك وميصير
وندمان ومن هل حجي، كتلهة لحد يدخل بيني وبينة
وصعدت، مالكيتهة سمعت طكطكة بالحمام
تمدتت اباوع اكلب بالتلفزيون(للكاتبة طيبة الربيعي)
شوية وطلعت
انتبهت عليهة خشمهة احمر وعيونهة هم
مبين باجية، ادري قسيت عليهة
بس هذا طبعي وهية طبعهة موحلو من تلح
من اكللهة شي كون اطبقة وماتلح
اخذت شال ولبستة
تريد تطلع صحتلهة
دارت علية: ها
سامر: وين
نبأ ...معرفت شأكلة
نبأ: هنا جوة
سامر: ليش باجية شبيج
اوف مردتة ينتبه، عساس يهتم
نبأ: لا مباجية(للكاتبة طيبة الربيعي)
سامر: شكم مرة كتلج ماحب الجذب، احجي شبيج؟
نبأ: مابية شي صدك، جنت اغسل وجهي ودخل بعيني صابون
شفتة كام، بلحظتهة متت خوف
خفت ليضربني لان جذبت
بس فاجئني من سد الباب واخذني من ايدي كعدني
عالسرير
سامر: شوفي نبأ، من تشوفيني مالي خلك والدنيا طالعة من عيني لاتلحين وياي، من اكلج ابتعدي ابتعدي،من اكلج لاتلحين لاتلحين، انتي كلبج طيب واعرف تريدين تريحيني وتفرحيني، بس اني طبعي يختلف يا بنت الناس، اني اذا تعصبت ماطيق احد واليجي يمي بساعتهة أاذي، فأنتي اجنبي هل شي ولتخليني اكب عليج بالزايد
دنكت: اسفة(للكاتبة طيبة الربيعي)
سامر: ماصار شي لتتأسفين، ويلة تأخر الوقت طفي الضوة وتعاي نامي
بحجاية وحدة منة معت ونسيت كلشي
كمت طفيت الضوة ورجعت لمكاني
من كام يشوخر اني نمت
ثاني يوم طلع من وكت وهم محجة وية صالح
صالح راح ورا للشغل، منعرف تصالحو لو لا
بليل جنت اراسل روى كالت اريد اروح للدكتورة باجر
اريدج وياية فحص لاخ لان الطفل نازل خطية
عمتهة خبيثة حامل وتخليهة تشتغل
شكد حبابة روى وياهة بس هية حقيرة
توني كتلهة من يجي سامر اسالة واردلج خبر
جان يدخل، شو هذا شكلة معصب
سامر: اني شكم مرة كتلج من ارجع ماريد اشوفج لازمة الجهاز!(للكاتبة طيبة الربيعي)
خفت وبسرعة وخرتة: والنبي نسيت جنت احجي وية روى
شو بسرعة جرة من ايدي وركعة بالحايط
يتبع...🌺
وَ من هنا تبدأ الأحداث الشيقة
قرائة ممتعة حبايبي❤
ESTÁS LEYENDO
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
