فاعل خير

بارت 11

#فاعل خير
#بقلمي طيبة الربيعي
البارت الحادي عشر

(للكاتبة طيبة الربيعي)
شهكت: عزةةة
سامر
انصدمت
بس مو بكد مانصدمت بحركتة
حط راسة بركبتي يشم بيهة
باسني
سارت قشعريرة مو طبيعية بجسمي
ممصدكة الديصير
ارجف واحس ريكي نشف
نبأ: سامر
سامر: عيون سامر، احجي خل ارتوي بصوتج
يمة كلبي يدك يدك يدك
ويركص ركص
وعقلي ممستوعب الديصير
اني بحالة صدمة وشلل عقلي
مكدرت اوكف علة حيلي بعد
حسيت الدنيا صارت ظلمة(للكاتبة طيبة الربيعي)
سامر ...ماردت اوديهة لبيت اهلهة
خفت ليسمعوهة حجي اعرف بيهة حساسة
واخر مرة من شفتهة منتهية وحالتهة حالة
عاهدت روحي وتعاهدت وية ربي ماخليهم يذلونهة
مادام عايش واشم الهوة
رغم ماحمل مشاعر تجاههة
بس احسهة تابعة الية
حبتني سنين وماحجت
سكتت علمودي
ومن شافت الانسانة الحبيتهة متستاهل
جازفت واجت حاجتني
يعني اني مو نذل لهل درجة وماقدر حبهة واهتمامهة بية(للكاتبة طيبة الربيعي)
والاهم احترامهة تجاهي وتجاه عائلتي
تحترم حتة فطوم
حتة اسلوبهة وياهة يختلف
رغم فطوم طفلة تعاملهة عبالك جبيرة
بس بطريقة طفولية
وبدة شوقي الهة بثاني يوم الصبح
البارحة نمت ماحاط ابالي غيابهة
بس من كعدت الصبح وضليت اتكلب بالفراش
نسيت مامحضر اهدومي
ونبأ مو هنا
كمت تلمست مكانهة
وبلحظة شوق وغرابة شميت مخدتهة
ريحة مسك وعمبر
هاي البنية شكد نضيفة
كلشي بيهة نضيف(للكاتبة طيبة الربيعي)
حتة كلبهة
كمت غسلت ومن طلعت فتحت الكنتور
اهدومي مرتبات ومعطرات
عطر مال غسيل
ابدل واعدل بروحي بس احس شي ناقصني
وبنفس اليوم بليل عرفت الناقصني نبأ
ردت اتأكد من مشاعري تجاههة
وبنفس الليلة بليل دزيتلهة
"شوكت تردين اجيج؟"
جاوبتني "عادي ابقة باجر همينة، ماما مريضة"
ماعرف ليش ضجت
بس ميخالف صارلهة هواي مارايحة
دزيتلهة "براحتج وسلامتهة انشاءلله متشوف شر"
جاوبت "شكرا، الله يسلمك يارب"
واليوم الثالث بالشغل بالي كلة بيهة
اريد اخابرهة بس متردد
شبية اني ليش هيج متخبل علة فركاهة
ليش احوص واريدهة
بليل بالغرفة ضليت اروح واجي
اباوع للفراش
لو هية هنا اني مرتاح
بس وجودهة كافي(للكاتبة طيبة الربيعي)
من تلح علية لو تسطرني بالحجي
جنت اضوج
بس هسه اريد تعويض
اريد بعد
صعدت فطومة يمي تونسني بغياب نبأ
اباوعلهة واتخايل نبأ كاعدة ويانة
وفطوم ابدال ماتلهيني
كامت تحجيلي بنبأ
نمت علة سوالفهة سطرتني سطر
باليوم الرابع كاعد بالشغل علة اعصابي
اليحاجيني اجاوبة جواب مالة علاقة بسؤالة
لحد ما رجعت للبيت
امي حاجتني كالت فد شوية يذبهة اخوهة
بوقتهة عبالك اجة خبر اعلان السلام بالحرب العالمية
الثالثة بين كلبي وعقلي(للكاتبة طيبة الربيعي)
صعدت بدلت هدومي وسبحت وتعطرت
عبالك اليوم معرس
ونويت اكطع هل مسافات البيناتنة
ومن سمعت صوتهة جوة ماعرفت شسوي
من سمعت خطواتهة باتجاه الغرفة
ضميت روحي ورة الباب
ومن فاتت ماجنت متوقع ردة فعلي هيج تصير
كل الجان يدور ابالي افززهة
بس الظاهر شوكي الهة سبقني
ولكيت بروحي اشم بيهة اريد اروي رئتي
هية تحجي وترجف
يعني كوة لازمهة مايعة
شو هاي صارت ثكيلة(للكاتبة طيبة الربيعي)
شلت راسي باوعتلهة
لكيتهة مغمضة
ضربتهة علة خدهة علة كيف
سامر: نبأ، وج نبأ، شبيج
شلتهة خليتهة عالجرباية
اضرب بيهة اريدهة تكعد ماكو
ركضت للحمام جبت مي بيدي شمرت علة وجههة
ماكو متكعد، شممتهة ريحة
كعدت، كامت تهذي بالكلام
نبأ: يا يوم الحكيلي، كلشي ولا يبوسني
ضحكتني، خرب هاي مو مال رومانسية
هزيتهة: نبأ!
فزت فكت عينهة بكل وسعهن
اوف شلون عيون(للكاتبة طيبة الربيعي)
سامر: شبيج شتحسين
نبأ ...من كعدت وشفتة كبالي ردت اموت
عزة عزة وين انطي وجهي
نبأ: لا كلشي مابية مثل الحصان
سامر ...كامت علة حيلهة جريتهة كعدت بحضني
اشوفهة تتنفس سريع
نبأ: ها
اباوعلهة مبتسم: ها
نبأ: محتاج شي؟ اجيبلك شي؟
سامر: محتاج بس ميحتاج اجيبيلي لان الاريدة موجود
خلت ايدهة علة كصتي: شنو عفية سامر شبيك مصخن؟ شدتحس دتخوفني عليك
اخذت ايدهة وبست بطنهة
باوعتلهة: نبأ
نبأ ...ماعرف شعوري شنو
سامر لخبط علية كلشي
يمة والله حموت الحكي البنتج
نبأ ترجف: ها(للكاتبة طيبة الربيعي)
سامر: ماشتاقيتي لبيتج، لغرفتج، لرجلج؟
نبأ: عفية سامر شبيك اليوم متكولي ترة حيرتني
سامر: وانتي شبيج شغلتي الهزاز، اركدي مو راح توكعين
ماعرف اضبط نفسي صدك احس بنفسي
راح اوكع من طولي
ممصدكة هذا سامر
ممصدكة مكعدني بحضنة ونظراتة اخترقت وجهي
حسيت بلزمتة علة خصري قوت
قربني الة
كلبي حيوكف
سامر ...قربتهة ناوي علة نية سودة اليوم
اريد ارتوي بيهة
اباوعلهة شلون اطكطك
مادري خوف لو مستحة
عبالهة هيج تخليني ابعد(للكاتبة طيبة الربيعي)
بالعكس دتقوي المغتاطيس
غمضت عينهة
قربت راسي اريد ابوسهة
سمعت صوت العرمة فطيم
فاطمة: عوووفهة
نبأ ...انتهيت بين ايديه حسيت بنفسي محلقة
بالسمة وبس هو ونسمات الهوة الطيبة وياية
غمضت عيني واستسلمت اللمساتة الرقيقة
فززني صوت فطوم
اجتي جرتني منة وتضرب بي
يمة اني منتهية ماعرف شسوي
سامر جرني منهة(للكاتبة طيبة الربيعي)
سامر: ولج عوفيهة
رجعت جرتني: عوفهة عوفهة لتضربهة
كامت تبجي
يمة روحي فرفحت عليهة
شلتهة: لا حياتي ليش تبجين ميضربني قلبي
تبجي مسكتت
باوعت السامر: راح اخذهة وانزل
سامر ...اووووف
خرب بيج فطيم مو وقتج ابد
انوب تريد تنزل رب الحلو
سامر: روحي
نبأ ...شفتة ضاج، اوف يا سامر شسوي متكولي
فطومة عزيزة ماكدر اتركهة تبجي وابقة يمك
نزلنة وامسح بدموعهة لتشوفهة عمتي
وتنخبص، بنزلتي دخلو الولد
وائل ولؤي
وائل: وااني اكول البيت منور زيادة اليوم، ثاري الكمر طالع
ضحكت: شلونكم عيوني(للكاتبة طيبة الربيعي)
لؤي: يابة مشتاقين شهل غيبة، من لكة احبابة نسة اصحابة
دخلنة للهول نسولف
فدوة شكد احبهم ناس طيبة وعلة نيتهة
اجة صالح كعد وشكلة طاير من الفرحة
ربي يسعدك ويشوفك ايام حلوة وية الي تحبهة
نزل سامر كعد ويانة
واني مالي عين اباوعلة
بس صدفة اجت عيني عليه
اشرلي علة فطوم وعض اصبعة
يبوو ضحكني
فطوم تباوعلة وتخنزر بي
وهو يضحك، لمتنة حلوة تمنيت لو اكدر اجتمع
وية اخوتي هيج واكعد وياهم واسولف بدون
تقييد(للكاتبة طيبة الربيعي)
سامر ...ضليت الوب فوك
نزلت لكيت فطيم لازكة بيهة
اليوم ماناوية تنام
عبالك مسلطيهة علية
اباوع الساعة صارت بالدعش
يعني صارلي بالساعتين انتظر
وفطيم ماكو احساس ابد
امي كامت
ام سامر: يلة ماما فطوم خل ابدلج حتة تنامين
فاطمة: ماا انام يم نبأ اليوم
ام سامر: ماما ميصير شنو نبأ مخلفتج وناسيتج، كومي يلة
نبأ: لا عمة عوفيهة، خليهة تنام يمي اليوم اني مشتاقتلهة
باوعتلهة مصدوم، خرب حظج
ردتج عون صرتيلي فرعون
اريدهة بس تنتبه علية حتة انبههة ماتحجي
بس اصرت، خرب(للكاتبة طيبة الربيعي)
صعدت بدلت اهدومي وتمددت
ماناوية تحن اليوم شجاهة
يومية تبوس بية واني نايم، عبالهة مادري
ام حلك اني الج الكفج لو لا
نبأ ...عمتي مقبلت بس اني اصريت
مشتاقتلهة وماريد ازعلهة
بدلتلهة جوة واخذتهة وياية فوك
لكيت سامر متمدد
باوعلي بس محجة شي
خليت فطوم عالسرير واخذت دشداشة حتة ابدل
دخلت للحمام بدلت وطلعت، لكيت النظرات
بين فطوم وسامر(للكاتبة طيبة الربيعي)
نظران هتلر واليهود البعضهم
صعدت عالسرير واخذت فطوم بحضني
نبأ: جوعانة اسويلج اكل؟
فاطمة: لا، بس كليلة ليباوعلي راح اصيح ماما
سامر: البيت بيت ابونة وجوي الغربة وحاسبونة
ضحكت: عادي قلبي واذا باوع، انتي لتباوعين
فاطمة: ديزعجني
موتوني ضحك خرب
سامر: امشي نزلي اذا معاجبج ام السان
فاطمة: والله اني مجاية عليك، جاية علة نبأ صديقتي انتة مو صديقي روح انزل
سامر: والله اذا نبأ صديقتج فهية مرتي وهاي غرفتي وجربايتي يلة امشي ولي نزلي
شفت سامر ضايج ويحجي بجدية
هذا صدك يحجي حاط عقلة بعقل طفلة
وفطوم هم مسكتت لسانهة رشاشة
شلتهة كمت افتر بيهة بالغرفة
والهيهة بالحجي وبالغراض(للكاتبة طيبة الربيعي)
سامر ...انوب كامت تفتر كدامي
شلون بيهة هاي تتعمد تسوي هيج لو شنو
بالنص ساعة ملتهية وية فطيم
سامر: دوختيني لو تاخذيهة جوة لو تنامن
نبأ ...شفتة عصب
نبأ: لا حنام بعد
اخذت فطوم وحاولت انومهة
غفينة سوية، كعدت الصبح لكيت سامر ماكو
كمت علة حيلي نزلت اشوفة عمتي كالت راح
ياا اشو مكعدني اسويلة ريوك
واني الثولة اخذتني النومة
رجعت صعدت نضفت الغرفة والتهيت بتنضيف البيت
العصر صعدت ارتاح لكيت رسالة منة
"خل تفيدج فطيم، اليوم اذا نفس الرطينة بعد انتي تنامين بغرفة واني بغرفة وخل يعرفون البينة شنو"
عدتهة مرة لخ اريد استوعب الي دااقرا(للكاتبة طيبة الربيعي)
مفهمت يعني شنو، يعني يريدني لو لا؟
بقيت طول اليوم متكلية بزيت علة نار
لحد مارجع من الشغل
فطوم التهت وية الولد
سامر سلم وصعد
صعدت ورا
نبأ: الله يساعدك
مباوعلي: ويساعدج
تقربت درتة علية: لويش ضايج مني، والله مسويت شي
سامر ...كاعد علة اعصابي اليوم كلة اني
بالي مشغول بيهة، شلون سالفة هاي
صدك ضجت وزهكت
من رجعت ماجنت ناوي احاجيهة
اريدهة تحس(للكاتبة طيبة الربيعي)
صعدت وراية وحاجتني
سامر: يعني ماحسيتي بغلطج!
نبأ: اذا قصدك علة فطوم والنبي ماقصدي شي، هية طفلة قابل تفتهم، ماكدر ازعلهة
سامر: ماكلج زعليهة بس عودتيهة عليج زيادة عن اللزوم، كامت حتة النومة تنامهة هنا، انتي شنو ماعندج احساس!
نبأ ...هسه اني شنو ذنبي يعصب علية
فطومة شنو ذنبهة، طفلة شعرفهة
نبأ: اليوم ماخليهة تنام هنا، بس سامر فطوم طفلة وماعدهة احد غيري تلتهي ويا، اخوتك ولد وهية بنية تريد تلعب تشاقة تسولف براحتهة
سامر: يا بنت الناس اني ماحجي علة فطيم، احجي عليج انتي، ماتحسين صارلج بالاسبوع يم اهلج ولا كلتي هذا الرجال شيريد ميريد محتاجني ممحتاجني، روحي نزلي لتجين يمي
باوعتلة مصدومة(للكاتبة طيبة الربيعي)
نبأ: سامر هسه ليش معصب يعني اني متعمدة اسوي هيج؟ غير كتلك واخذت الأذن منك وانتة وافقت، شنو التغير هسه
سامر: روحي نزلي كتلج
مقبل بعد قفل فد نوب
من لحيت ماانزل هو نزل
اوف ياربي
حاولت ابقي فطوم جوة
مقبلت تريد وياية واني صراحة ماكدر اغصبهة
تبقة جوة وهية تريدني، عمتي رادت تبقيهة
كامت تبجي وزعلت، اوف والله حرت بين الثنين
سامر معصب وفطوم تبجي
اخذتهة وصعدت
لكيتة متمدد(للكاتبة طيبة الربيعي)
باوعلي خزرة
يباوع تلفزيون ويحرك برجلة
نومت فطوم يمي
شفتة نام وخلة ايدة علة عينة
سامر: كومي طفي المهجوم
كمت طفيت الضوة ورجعت لمكاني
اوف ياربي شهل مصيبة
مرن يومين وسامر كالب علية فد نوب
وفطوم كلة وياية
يعني والله حرت المن انطي وجهي
وبنفس اليوم بليل من رجع من الشغل
وتعشة وارتاح
اني صعدت لغرفتي
فطوم يمي كالعادة
شوية وصعد معصب فد نوب
سامر: نزليهة وتعاي!
جفلت من الخوف
اخذتهة ونزلت(للكاتبة طيبة الربيعي)
كلت العمتي شوية واجي اخذهة سامر يريدني
ضروري ومعصب
ام سامر: عوفيهة ختولي بعد لتنطيهة عين
فطوم كامت تبجي
مطاوعني كلبي اتركهة بس عمتي عصبت علية
وهاي اول مرة تسويهة تفاجئت
ام سامر: كتلج عوفيهة وروحي، شوفي رجلج شمحتاج ليش هلكد مهملة!
انهضمت حسيت بغصة ابلعومي
بشنو هاملتة، معقولة اني مقصرة بحقهم؟
شبيهم علية اليوم
صعدت اوت مطبيت جرني وضربني راشدي
سامر: مو محذرج الاتفاق البيناتنة سر واذا طلع اكص السانج!(للكاتبة طيبة الربيعي)

يتبع...🌺
اعتذر عالتأخير جنت تعبانة وكوة كتبت
بنات اريد تعليقات تفرح مو بس كملي يعني والله اني هم انسان وعيد الحب قرب واني ماتونس بس علة كلامكم😢حسو بية ترة اني حديقة😭😂