فاعل خير

بارت 9

#فاعل خير
#بقلمي طيبة الربيعي
البارت التاسع

(للكاتبة طيبة الربيعي)
خليت ايدي علة حلكي بشهكة
رجعت ليورة خايفة ونبض كلبي ماكو اسرع منة
سامر: آخر مرة هاي المرة الجاية اشيلج انتي واركعج بالحايط، يلة طلعيلي اهدوم!
من الرجفة نسيت ملابسة بيا كنتور
كمت ادور مثل المخبلة
طلعتلة وانطيتيها جرهن من ايدي ودخل للحمام
اريد الهبطة تروح مني ماكو
باوعت للفون شاشتة انفطرت
شغلتة مابي شي
ضميتة بالكومدي عالسريع ولبست شالي ونزلت
شربت مي ريكي نشف
ياربي اهدي وحبب كلبة بية
والله داتأذة وماحجي(للكاتبة طيبة الربيعي)
ماريد اتبطر علة نعمتك
احبة مو بيدي
ماريد غير انو يحبني خلي يعصب
خلي شيسوي بية يسوي
بس يحس بحبي ويحبني
صبيت العشة
كئابة ماكو حس بالبيت بس صوت التلفزيون
الولد برة
وصالح بالغرفة
رحت دكيت الباب جان مفتوح
نبأ: يصير افوت؟
كعد عدل: فوتي
فتت: ليش هلكد متكئب وعازل نفسك، تعال اكعد يم عمتي خطية مقهورة والدمعة بعينهة، ميخالف انتو اخوة عادي تصير بس مو معناتهة تستسلم، هو كم يوم يهدأ ويرجع يحاجيك(للكاتبة طيبة الربيعي)
صالح: متعرفينة انتي نبأ، زعلة ثكيل واني الحجاية الطلعت مني حيل مو حلوة بس ماقصدت شي من حركة كلبي هيج حجيت
نبأ: تحبهة؟
صالح: اموت عليهة، كلمة احبهة قليلة
ابتسمت: وهية؟
صالح: ماخلت واحد مارفضتة علمودي
نبأ: هذا هو مدام تحبون بعض ونيتكم زواج صدك متروح لغيرك، الي يكتبة الله سبحانه الك مستحيل يروح لغيرك
صالح: شكرا نباوي كلامج ريحني، وانتي هم عذريني من حجيت هل حجاية، ابد ماقصدتهة الله شاهد اعرف هو المارادهة وفصخ الخطوبة
نبأ: ابد لتعتذر، ولا كأنو سمعت اعرف مو قصدك، يلة تعال نتعشة لخاطر عمتي لتحركون كلبهة
اخذتة ورحنة للهول، جان سامر كاعد
باوعلي بخزرة دنكت وكعدت(للكاتبة طيبة الربيعي)
مدخلت لكمة الحلكي
جنت امثل انو دا اكل بس كلشي مأكلت
نبأ: بالعافية
كمت عمتي كالت
ام سامر: وين عمة شأكلتي
نبأ: عمة شبعانة احس بطني متروسة، انتو اكلو بالعافية
وصعدت، دخلت سبحت
ابجي جوة المي واقنع بنفسي
مصار شي هو ضايج بسبب صالح
وميعرف شلون يفرغ غضبة
اوف ياربي عيني(للكاتبة طيبة الربيعي)
ورة مخلصت لبست دشداشة خفيفة
ولفيت شعري بالخاولي وطلعت
شفتة كاعد عالسرير
حسيتة تفاجئ من شافني
اول مرة البس كدامة هيج
كلة مستور
ركبتني نظرتة
نبأ: كملتو؟
سامر ...من رجعت وشفتهة لازمتة براكين بية كامت
تغلي، مناك صالح وملحتة يريد يصالحني
ومنا هاي كسرت احجايتي
شلت الجهاز وركعتة
خافت وكامت ترجف
اذا مو كدهة ليش تكسرين بحجايتي
نزلت اتعشة مالكيتهة
اجتي وية صالح(للكاتبة طيبة الربيعي)
ماتعشت انتبهت عليهة كلشي مااكلت
من كامت امي كالت
ام سامر: شبيهة مرتك يمة ليش ضايجة
سامر: مابيهة شي
جرت حسرة وسكتت
كمت غسلت وصعدت
اسمع صوت المي بالحمام
عرفتهة تسبح
اكلب بالتلفزيون
من طلعت وشفتهة فكيت عيني متفاجئ
الريحة والمنظر مصيبة
زنودهة البيض يلمعن لمع
ركبتهة كلشي كلشي
استغفرالله اني شمنبه عليهة هاي شبيهة اليوم
سامر: اي(للكاتبة طيبة الربيعي)
انوب وخرت الخاولي وبدت تمشط بشعرهة
حاولت قدر المستطاع ماباوعلهة
ماريد افقد واسوي شي اعرف بنفسي
راح اتندم عليه بعدين
شفتهة خلصت
ولبست سترة فوك الدشداشة
ولفت الشال وطلعت
كمت طلعت بالبلكونة ادخن وافكر
شلون اني متحمل قربهة
بس ماريد يصير شي بيناتنة اذا ماحمل بكلبي مشاعر
الهة، افكر للبعيد
ماريد جهالي يربون بين ابوين
مابيناتهم حب يربطهم
هية تحبني
بس اني ماحبهة
ولا اريد احبهة(للكاتبة طيبة الربيعي)
نبأ ...معرفت شلون امشط اريد بس اطلع
شجاني اني ولبست هيج
لبست سترة وخليت الشال علة راسي ونزلت
لميت السفرة
الاكل البقة هواية
بس فطومة ماكلة
غسلت الفطومة ونضفت المطبخ
اخذتهة وصعدت
جنت شايلتهة
كلش ناعمة وشكرة تخبل
اموت عليهة
دخلنة لمحت سامر بالبالكون
شوية ودخل
فطومة كاعدة بحضني
تلعب بياختي مال دشداشة وتحجي
سطرتني اويلي
سامر ...طبيت من شفتهن
فطيم ولا سكتت(للكاتبة طيبة الربيعي)
شجاهة اليوم مشغلة المحرك ماتطي عطوة
يرتاح
سامر: فطوم دوختيني
رفعت حواجبهة: يااا، عيني اذا ميعجبك روح يم امك
باوعتلهة مصدوم
شفت نبأ كوة كاتمة الضحكة
سامر: وانتي اضحكين!(للكاتبة طيبة الربيعي)
نبأ ...عزةةة صدمتني فطوم
اول مرة تحجي هيج
صايرة السان
خفت ليرجع يرزلني
سكتت
سامر: فطيم يلة كومي نامي
فاطمة: ما
سامر: مو وياج!
اخاف احجي ليكفخني
بس ماريدهة تنزل متونسة علة سوالفهة
احسن من ما ابقة مكابلة الحيطان
والحايط الكاعد يمي من فولاذ
فاطمة: ايييي شبيك، نبأ باجر اجيج انتظريني
ضحكت: ماشي حياتي
باستني وباست سامر
ضربتة علة صدرة
ونزلت من السرير(للكاتبة طيبة الربيعي)
فاطمة: ماحبك بعد
سامر: لج اجيتج!
نزلت ركض
كام يضحك هو
فرحت علة فرحتة
شافني اباوعلة
بسرعة نمت وتغطيت
مرت الايام والوضع يوم عن يوم يتوتر
بينة وبين صالح
وبين كلبي وكلبة
مكدرت اكول الروى عالصار
كتلهة بيومهة عمتي احتاجتني ومكدرت اسألة
عذرتني عادي، بيوم دخل صالح معصب ويبجي
جنة كاعدين بالهول
وقبل شوية متعشين
اجة يعيط علة سامر
صالح: ارتااااحيت هسة!!!! اخذووووهة!!!!!
سامر عصب، كاملة: شبيك لك(للكاتبة طيبة الربيعي)
ام سامر: يمة اسم الله شبيك ولك
صالح متهستر يعيط ويفشر
الافتهمتة البنية خاطبيهة
واهلهة موافقين
سامر يعيط وصالح يعيط
جان اضاربو لو ما الولد سباع وكمشوهم
صالح وكع يبجي ويصيح احبهة مو حرام عليكم
وبساعتهة طلع والليل كلة يدورون عليه وماكو
سامر اتهستر وعمتي تصيح وتلطم
واني كلبي نار ابجي ومالحك علة دموعي
كلشي ماعرف
شنو القصة وليش سامر ميزوجة اليحبهة
طلعو الولد يدورون عليه
واني وعمتي اكلوبنة نار
فطوم فوك نايمة بغرفتي(للكاتبة طيبة الربيعي)
همزين جان تخبلت هل طفلة حيل حساسة
بالوحدة يلة رجعو
و وياهم صالح
عمتي طفرت علة صالح تبوس بي وتكلة
ازوجكياهة يمة بس لتنقهر
سامر كبل صعد
ملحكت اشوفة
ركضت ورا وكلبي نار عليه
دخلت شفتة كاعد
وخشمة طاك دم
متت خوف جبت كلينكس وركضت امسح بي
موخرني، امسح بالدم وابجي
نبأ: ليش تسوي بحالك هيج سامر، ليش تخلي كلبي نار عليك
سامر ...من طب صالح متخبل
ويصيح اخذوهة تخبلت عليه(للكاتبة طيبة الربيعي)
واجيت اموتة كتل لو ما الولد لزموني
ماريدة يضعف كدام بنية تالي تكسر كلبة
ماريدة يصير مثلي
خل يحب، بس مو لهل درجة
من طلع ومارد
كلبي صار نار عليه
طلعنة اندور
اني ادور بمكان والولد بمكان
العرك مادري منين يصعب وادعي ربي مايسوي
بروحة شي
هاي هية اروح اخطبهة الة
لو اعرف اشلعهة من عين السبع
خل اداين اصخم
ولا اضيع اخوي من ايدي
ادور واعصابي نار
خابرني وائل كال لكينا
من رجعنة شفت امي منتهية
صعدت ماضل بية حيل اشوف اكثر
كعدت حيلي مهدود
دخلت نبأ وضلت تمسح بخشمي
واني ساكت(للكاتبة طيبة الربيعي)
هسه توخر هسه توخر ماكو
وخرت راسي: كومي كافي
نبأ ...كمت، ذبيت الكلينكس بالزبل
وانطيتة جديد
نبأ: خلي بخشمك علمود ينقطع الدم
مأخذة
وباوعلي معصب: ماريد كتلج
وبيومهة فطومة نايمة بيناتنة
ماكدر احاجي كلمة لان يكب علية
ثاني يوم من رجع اني بالمطبخ اسوي عشة
اسمعهم يحجون
ام سامر: يمة اني عندي جم فلس جوة ايدي بس وين يكفن لعرس، يادوب الحاضر
سامر: مو مشكلة يمة اداين من ولد اعرفة، اسددة بين فترة وفترة من يصير عندي(للكاتبة طيبة الربيعي)
اسمعهم يحجون وكلبي مفطور فطر
عليه، سودة اعلية ماعندة فلوس
لهذا السبب ميكدر يزوجلهيا؟
ورة العشة صعدت بدلت اهدومي وكعدت
دخل بيدة الفون
خلا علة اذنة
وكام يحجي
عزةةة ديداين
انتظرت علة نار شوكت يخلص واحاجي
اشرتلة عصب
بقيت اكل باظافري
لحد ما سدة(للكاتبة طيبة الربيعي)
سامر: شبيج شلشتيني! شتريدين؟؟
نبأ: سامر ليش دتداين، اني عندي فلوس ضامتهن يم ماما وعندي الذهب الجابوليا هدية، كلة ممحتاجتة استفاد منة انتة
سامر ...احجي وية الولد
كتلة محتاج جم فلس واريدك ادايني
من يصير جوة ايدي ارجعهن الك
كال تدلل ولتفكر بيهن ابد
بس ماكدر هسه ادزلك مسافر وماكدر احولك
لان الفلوس العندي كاش
فد اسبوعين هيج يلة ارجع
بس اسبوعين هواي
شلون بالله
كتلة اني هسه محتاجهن بس يلة
اذا ماكدرت ادبرهن ارجع اخابرك
وانوب هاي كلسع تأشر ثولتني
ماعرف شتريد
من سديتة وكالت هل حجي
فاجئتني
سامر: سكتي بابا، شهل حجي
نبأ: ليش شكو بيهة، يعني اني ممستفادة منة
راحت للكنتور طلعت صندوك وفتحتة
نبأ: باوع مضموم بالكنتور حتة ناسيتة، علويش تداين وفوكاهة من الغريب، ممحتاجين الفلوس موجودة(للكاتبة طيبة الربيعي)
بكد ما كبرت بعيني ضوجتني
هاي تاليتي اخذ فلوس مرتي علمود ازوج
اخوي بيهن
سديت الصندوك ورجعتة بالكنتور
باوعتلهة بجدية: بعد لتعيديهة، فلوسج بجيبج تضميهن تشمريهن تحركيهن بكيفج شتسوين بيهن سوي، اني اعرف ادبر حالي
نبأ ...قفل فد نوب، اعرفة ينحرج ياخذ مني
وهل شي صعب بالنسبة الة كلش صعب
هو رجال وهم عندة عزة نفس
راح تمدد واني واكفة اباوعلة
نبأ: ليش تسوي هيج، سامر ليش معتبرني غريبة، صح مابيناتنة شي بس اني زوجتك على سنة الله ورسولة، ليش تحسسني اني غريبة بهل بيت
سامر ...باوعتلهة متفاجئ بكلامهة
ابد مو قصدي هيج
سامر: نبأ لتفسرين علة مزاجج، كتلج الفلوس والذهب مالاتج ماخذهن، لتلحين
نبأ ...انقهرت كلش من طريقة كلامة وياية
بس اني اريد اساعدة، اساعدهم
همة اهلي والله احبهم واليحزنهم يحزني
ثاني يوم من فرغ البيت حاجيت عمتي(للكاتبة طيبة الربيعي)
كتلهة الذهب الجابو هدية مذبوب بالكنتور
واني مو بعازتة ابد
مقبلت وأصرت هذا حلالي ومحد ياخذة
توسلت بيهة
نبأ: عمة ليش تحسسوني اني غريبة عنكم
ام سامر: لا يمة، الله شاهد انتي بنيتي الماجابتهة بطني، بس هذا حقج حبيبة ميجوز واحد ياخذة لو تنطي لأحد
بنأ: بس ممحتاجتة، عمة فدوة مدتشوفين صالح لا ياكل ولا يشرب وحالتة حالة، اذا مرحتو خطبتوهة هل ايام تروح ياخذوهة، وانتي دتشوفين الوضع شلون متوتر، حتة سامر مخلصهة صنفات وحسرات، لخاطر سعادة صالح
وراحة بال سامر
باوعتلي بتمعن
وكالت: ولج انتي منين الله جابج، هم ضلن نسوان مثل كلبج وطيبتج، الله يوفقج ويرزقج من اوسع ابوابة(للكاتبة طيبة الربيعي)
بوستهة: عمة شعندي غيركم غير انتو اهلي
خطية كلش فرحت وكامت تدعيلي
انوب بجت
كالت لو ابوهم عايش ميطكنة العوز
كتلهة ماكو داعي لهل حجي
ممحتاجين انشاءلله والله ليعوزكم لأحد
كتلهة سامر ميقبل انتي قنعي
كالت من يجي احاجي معليج انتي
كفيتي ووفيتي
وبيومهة سويت العشة وكبل للغرفة
اخاف اشوفة ليعصب علية لان لحيت
اجتني فطومة كالت خلصو
نزلت غسلت المواعين
اخذت فطومة وداصعد عمتي صاحت سامر
لغرفتهة، اني فلتت
بس بقيت اروح واجي بالغرفة
وفطوم شكلهة داخت
فاطمة: شبيج دوختيني دكعدي
بوستهة: اطلعلج جبس؟؟؟
اشرتلي براسهة اي(للكاتبة طيبة الربيعي)
التهت بالجبس واني ملتهية باظافيري
ورة نص ساعة تقريبا دخل
تلاشيت اباوعلة سويت نفسي ملتهية
بترتيب الكنتور
سامر: فطوم روحي ماما تصيحج
راحت فطوم وراح حيلي كلة وياهة
سمعت قفل الباب، بلعت ريكي

يتبع...🌺

لحد الآن اريد رأيكم بالبداية؟؟؟؟
اعرف الاحداث بعدهة هادئة
بس مهمة
انطوني افكاركم عليهة شنو؟
قرائة ممتعة❤