فاعل خير

بارت 12

#فاعل خير
#بقلمي طيبة الربيعي
البارت الثاني عشر

(للكاتبة طيبة الربيعي)
لزمت خدي مصدومة قوة الضربة
خلت الحرارة البخدي تحرك كلبي
دمعت عيني وانربط الساني معرفت شحجي
جرني من ثوبي عيونة بكصتة
سامر: لج سودتي وجهي كدام امي! طلعتيني مو رجال! ليش حجيتي شلون تفشين بسرنة!!!!
اني من الخوف ساكتة
اريد احجي ماكدر
جرني اكثر عاط بوجهي
سامر: ليش حجيتي!
نبأ: وروح ابوية كلشي محاجية، ولا كايلة لأي جنس مخلوق حتة لماما والقرءان والنبي مفاتحة حلكي بحجاية بخصوص هل موضوع
صك علة اسنانة: ولج شنو انتي اجذبين علية! شايفتني زمال كدامج!
نبأ: لا حشاك صدك محاجية والله
سامر: لعد شدراااهة(للكاتبة طيبة الربيعي)
نبأ: والله ماعرف، فهمني شكو والله مدافتهم
دفعني عالسرير متت خوف
عصبتية بهل لحظة متنوصف
شايفين الوجه من ينكلب كلب؟ كصتة تنترس
دمارات ويصير احمر على ازرك
كام يروح ويجي يروح ويجي
واني متحملت بجيت
شدراهة عمتي اذا قصدة عالبيناتنة
سامر ...هم صعدت فاطمة وكسرت حجايتي
حلفت بعد ماتقربلهة اخليهة هية التجيني
وبيوم من رجعت من الشغل وتعشيت
وراهة امي صاحتني للغرفة ووجهة مابشر بالخير
كعدنة: ها يمة محتاجة شي ترة خوفتيني
ام سامر بعصبية: عود انتة الجبير مالة امك ومعتمدة عليك وخابصتهم سامر وسامر، لك شلون تحطني بموضع الحمقى واجذب علية!
فكيت عيني مامصدك السمعتة(للكاتبة طيبة الربيعي)
سامر: بشنو مجذب عليج يمة شكو
ام سامر: مصاير بينك وبين نبأ شي
سامر: شنو
ام سامر: مماخذهة! ليش شنو المشكلة بيهة شي!
بلحظتهة عبالك انضربت علة راسي من ورة
وعيوني انعمت، خرب رباطج نبأ شمصخمة
حلكج هذا ماينسد لازم تاكلين نعل وتحجين
ام سامر: عيب عليك والله عيب، واني اكول ليش فطيم اربعة وعشرين ساعة يمكم ومتحجون، بس مو صوجك صوج ذيج الثولة الفاهية التمشي بحجايتك، عرفت شنو قصتك انتة، ولك بعدك تحبهة الذيج الادبسز! متتعض انتة! وهاية الثولة التعبدك اعبادة ممكلف نفسك بحبهة!
ضلت امي تحجي واني اعصاب هاجت
صعدت ردت اكتلهة
ردت موتهة تموت وانهيهة(للكاتبة طيبة الربيعي)
حتة لعبت نفسي ولا ردت قربهة بعد
سامر: حجيتيلهة حتة انجبر اتقربلج مو! ولج مو اجيتج باحترام واحترمتج وفوك كل هذا ماخليتي بيناتنة تواصل طلعتي حجتج بفاطمة، عود شنو تبيعين ثكل وتريدين تسويلج شخصية برااسي!
نبأ ...كلامة حيل اذاني
احترك كلبي ليش ميصدكني
ليش يأذيني بهل حجي المالة داعي
ليش دائما يعصب علية ومينطيني مجال
نبأ: حلفتلك بروح ابوية كلشي محاجية، سامر اني احبك بدون متحجي ولا تسويلي شي، حبيتك من زمان وماريد غير اكون يمك، كلشي ماريد، اذا مفكرني ميتة علة الي ابالك لو قصدي انزل من شأنك فأنتة فاهمني غلط، كلشي ماريد والله ولا حجيت لأي أحد
سامر ...اباوعلهة كامت تبجي
نبأ ماجذب، لعد امي شدراهة
سامر: لعد امي شمدريهة! درت من الهوة!
اندكت الباب
وانفتحت(للكاتبة طيبة الربيعي)
امي، دخلت وسدتة
ام سامر: مابيك خير بس تجي تعيط عليهة وتبجيهة مو! ثنينكم ادبسزية ومتستحون، علة منو اجذب انتة علية؟ ولك من اول ليلة عرسك حسيت اكو شي، البنية كلشي محاجية الثولة ساكتة ومتحملة هل اهانة منك، ليش لان تحبك وانتة معمي علة عينك مدري شجاك، تحجي علة صالح وانتة الغلط ماكلك من ساسك الراسك! عبالكم غبية وانتو الاذكياء! اولا فراش عرسكم نضيف وانشمر بالغسيل حتة مخليتوني اشوفة، والشي الثاني يا ابني
يا ذكي، من تنخمدون متسدون المهجوم عليكم، انتة بصفحة وهية بصفحة، حركاتكم معاجبتني ولا عبالك عرسان وبثاني يوم عرسك كبل للشغل لا صخمت لا لطمت وكلت اخذ اجازة عرسي، لك عيب عليك والله عيب عليك وصوج الثولة الساكتة علة هل اهانة، اهمداج تخلين غير وحدة بكلب رجلج وكاعدة مطمنة عبالج يحبج! ماعرف شحجي وياكم بعد، انتي كلشي مراح احجي وياج اريد اشوف امج قابلة علة هل وضع(للكاتبة طيبة الربيعي)
وطلعت، خرب شصار قبل شوية
انحطيت بموقف محرج حيل
رجولتي انسحلت سحل
باوعتلهة تبجي
الغلط مني من البداية مالهة ذنب هية
كعدت بصفهة خليت ايدي علة راسي
نبأ ...انصدمت بكلام عمتي
اني فعلا غبية، سامر عمرة مراح يحبني
بعدة يحبهة، لا شلون بعدة يحبهة
لعد الصار قبل كم يوم شنو
جانت نظرتة غريبة وكلامة مصيبة ولمساتة غير
اريد اعرف شنو مكانتي عندة
حتة اعرف الزم احدودي بعد
هذا هو اعيش علة حب من طرف واحد
عالاقل ماأمل نفسي عالخالي بلاش(للكاتبة طيبة الربيعي)
نبأ: سامر فهمني شنو مكانتي بكلبك، ليش توهمني بحبك وانتة متحبني، ليش بعدك تحب نور شنو الي قدمتة الك واني مكدرت اقدمة، مو حبيتك بكل قوتي، حبيتك ووفيتلك بكل جوارحي حتة استحرم انظر نظرة بسيطة لرجال غيرك ليش مدتشوفني مدتحس بية ليش
سامر ...باوعتلهة كلامهة أثر بية
دموعهة عيونهة خشمهة
حجيهة اليطلع من كل كلبهة
حجيهة اليغلي بداخلي
سامر: بعد لتعيديهة هاي مال بعدك تحب نور، لتخليني اهينج
نبأ ...ضحكت بقهر وكمت باوعتلة
نبأ: اني ويامن احجي، خلاص اخذت جوابي، هيني براحتك اني استاهل
وطلعت نزلت دكيت الباب علة عمتي
فتحتة باوعتلي(للكاتبة طيبة الربيعي)
ام سامر: ها هم هانج مو
شبكتهة وبجيت بحركة
ام سامر: ولج ليش هيج ضعيفة انتي! فوتي من طيح الله حظكم، زعاطيط ولا عبالك كبار وفاهمين
نبأ: عمة خليني انام يمج اليوم، والله كلبي محروك لتصيرين انتي همينة ضدي
ام سامر: يعني شلون فهميني! انتو زعاطيط! انتي شلون تقبليهة علة نفسج، ليش منتقربلج لحد الان
نبأ: عمة فدوة اروحلج مابية احجي، عوفي الموضوع الله يشوف ويعلم بكلشي
تمددت يمهة نمت علة ايدهة وابجي
ليش سامر تحطني بهيج موقف
بشنو مقصرة وياك، بشنو قصرت(للكاتبة طيبة الربيعي)
ماعرف شنطيك بعد انطيتك اغلة ماعندي
ماعرف تعبت
سامر ...نزلت وعافتني بحيرة
طكيتلي جكارتين وكعدت اصفن وافكر
ليش اسوي هيج والبنية مامقصرة وياية بشي
سامر مو اشتاقيتلهة؟ مو متت بدونهة؟
ماتحملتلك جم يوم
وهسه ليش تعاملهة هيج
ليش تأذيهة وتبجيهة
كلة صوجي من البداية
اتذكرت كل تفصيلة تخصهة
حتة من تحجي صوتهة مينسمع
مؤدبة وحبابة ورقيقة
مليانة احساس بس احساسي المتعافي
يمكن لان صارت بية خوفة بسبب حب نور
شي بداخلي يمعني اعترف بحبي لنبأ
بس اني حبيتهة، حبيتهة وبقوة همينة
افتقدتهة حيل وكمت اشتاقلهة حتة وهية يمي
وبصفي وبنفس الجرباية والفراش
طفيت الجكارة ونزلت
دورتهة ماكو(للكاتبة طيبة الربيعي)
طخت ابالي غرفة امي
اكيد يمهة قابل وين تروح
فتحت الباب وطبيت
لكيتهة متمددة يم امي وتبجي
وامي تسكت بيهة واطبطب علة ظهرهة
اوف شكد احترك كلبي بلحظتهة
المفروض تبجي بحضني
اني الاطبطب عليهة واواسيهة
مجروحة مني واني الاداويهة
شافتني امي
سامر: نبأ، كومي وياية
نبأ ..سمعت صوتة وراية
رفعت راسي باوعت العمتي
سامر: نبأ
ام سامر: عوفهة يمي روح امشي
سامر: يمة شالقصة مزعطة احنة واعوفهة يمج، كومي نبأ
ام سامر: كومي عمة كومي، الله يهديكم
كمت(للكاتبة طيبة الربيعي)
سامر ...كامت، مدنكة ومشبكة ايد بأيد
فاتت من يمي وطلعت
سامر: تصبحين علة خير يمة
ام سامر: اجمعين يمة اجمعين
صعدت وهية كدامي
دخلنة، سديت الباب
ودرتهة علية: اوكفي انطيني عطوة احاجيج
نبأ ...مردت اصعد بس كلبي كالعادة
مو بيدي احبة، رغم جرحني بس احبة
مو بيدي هل شي بيد كلبي
من صعدنة ودارني عليه مباوعتلة بقيت مدنكة
نبأ: احجي اسمعك
سامر ...رفعت راسهة
سامر: من احاجيج اريد عينج بعيني
نبأ ...اوف مو اضعف من اباوع بعيونك
سامر ...مو عيون متاهة تخبل(للكاتبة طيبة الربيعي)
خليت ايد ورة ظهرهة حاوطت خصرهة وقربتهة
علية، وباليد الثانية تلمست خدهة
نبأ ...الحركة السواهة شلت حالي
ورجعت ضعيفة بين ايدي
سامر: راح اعتبر الحجيتي ماسمعتة، نباوي نور طلعتهة من حياتي من زمان، قبل لا ازوجج قبل لا احس بيج اصلا، هسه ولا وحدة غيرج شاغلة بالي، من رحتي البيت اهلج تدرين شكد اشتاقيتلج؟ روحي صارت بيج
اباوع بعيونة وعبالك كلبي يريد يطلع من مكانة
كلامة عبالك مخدر خدرني ماعرف شسوي
بس اباوعلة بحب ببلاهة
سامر: احجي ليش ساكتة، نبأ اني احبج ومو بس حجي لسان لا الحجاية طالعة من كلبي
هذا هو حسيت بنفسي بعد ماكدر اوكف
سامر ...شفتهة رخت رادت توكع
شلتهة وخليتهة عالجرباية وصرت شبه
فوكاهة(للكاتبة طيبة الربيعي)
سامر: بعد كافي حجي خل نطبق الفعل
نبأ: سامر صدك تحبني لو تشفق علية؟
ضربتهة راشدي علة كيف: شنو اشفق عليج قابل انتي زعطوطة، انتي شفقي علية مو صارلي ايام متشعوط
نبأ ...يابة الحكلي متت
سامر ...تقربت وبستهة
شعور مينوصف، نبأ ملاذي وراحتي وحبيبتي
نبأ الحب الطاهر الطغة علة الجزء المظلم بية
من تماديت شفتهة كامت توخر بية
باوعتلهة: شبيج
نبأ ...انتهيت ابوسة
حسيتة حجالي سوالف
بهاي البوسة، حاوطتة بيدي
خايفة ليكون حلم واصحة منة واتأذة
بس من تمادة اذكرت العذر الشرعي
راح من بالي، ومتت بكاعي شلون افهمة
نبأ: مو ماكدر
سامر ...شنو ماكدر(للكاتبة طيبة الربيعي)
عكدت حاجبي: شنو ماكدر شلون يعني
نبأ: سامر عفية افتهمهة ماكدر والله
سامر: هو شنو الماكدر غير افتهم، شبيج نبأ
نبأ: عندي عذر شرعي، ميصير تتقربلي
افتهمتهة
بستهة بكصتهة وتمددت بصفهة
جريتهة نومتهة علة صدري
سامر: ميخالف نكضيهة بوس
ضحكت
سامر: فدوة لهل ضحكة
رفعت راسهة باوعتلي واني اباوعلهة بلهفة
نبأ: سامر
سامر: عيونة
نبأ: مداصدك الي صار، ماصدك تحبني
سامر: بمرور الايام اثبتلج مثل ماثبتيلي
بستة بخدة وشبكتة حيل(للكاتبة طيبة الربيعي)
نبأ: اموت عليك
شبكتهة بقوة: اموت عليج
ثاني يوم خلصناهة رومانسية بالهوة
بليل من دخلنة انام
شفت خشمة طك دم
نبأ: عزةة سااامر
سامر: يا ستار شبيج
نبأ: خشمك
سامر ...باوعت بالمراية شفت الدم ينزل من خشمي
نبأ: مو كتلي حروح للطبيب، ليش مرحت
سامر: والله التهيت، باجر اروح انشاءلله
يا يابة ثبرتني سوتهة مصيبة، الليل كلة تحجي علية
ليش مرحت ليش هيج ليش هامل صحتك
ومكضيهة بوس وحضن
نبأ ...ثاني يوم لحيت عليه يروح
مجان ناوي يروح اعرفة جان يخدرني بالحجي
حجيت وية صالح وكتلة ياخذة
من رجعو عمتي حجت(للكاتبة طيبة الربيعي)
ام سامر: ها يمة بشرني خوما اكو شي
صالح: لا مابي شي، بس عند التهاب بالجيوب الانفية
عمتي ضربت علة صدرهة
واني كلبي صار نار والدمعة بعيني
ام سامر: عندو التهاب وتكلي مابي شي!
سامر: يمة حبيبتي علة كيفج خل يكمل
صالح: حتة ميحتاج لا دوة ولا شي، بس يحاول يميل راسة ليكدام من يطك خشمة دم لو يخلي كمادات مي بارد لو يضغط علة خشمة لمدة 10 دقايق تقريبا، يتوقف الدم عادي مو شي جبير
من يومهة واني ويا عرك
ميخليني يعاند
لحد ما طلعني عن طوري
خلاني ابجي
نبأ: يعني انتة تسوي هيج علمود تحرك كلبي! تعودت انتة صارت عندك عااادي(للكاتبة طيبة الربيعي)
سامر ...نبأ موتتني، خلتني اعاند وماسوي الكالة الطبيب
من يطك دم تضل ساعة تسويلي كمادات
تخنكني خنك، عمي خل يطلع دم
ولا اموت مخنوك
بس بيوم انكلبت غير وحدة
تبجي وتعيط علية
فاجئتني
سامر: شو تعيطين، شبيج تخبلتي
نبأ: مابية شي مااابية
جريتهة بستهة
سامر: اويلي يابة تعيط علية وتحرك بكلبي
نبأ ...حرك كلبي عليه واني بسرعة اموع باحضانة
نسيت كلشي(للكاتبة طيبة الربيعي)
نبأ: صوجك ليش تحرك بكلبي عليك
سامر: نباوي ترة اليوم اخر يوم، باجر اريدج تتحضريلي
نبأ: انشاءلله حبيبي
سامر: احلة منهة ماكو
بستة بخدة: يلة خلي اكمل الكمادات حتة ارتاح فدوة لعيونك
سامر: شلون شغلة هاي، كملي عمي موتيني
ثاني يوم غسلت وتحضرت
من رجع من الشغل بدون عشة وبدون مقدمات
فطوم رادت تصعد عمتي مخلتهة كامت تبجي
نبأ: عفية سامر خطية بداعتي خليهة بس اليوم
سامر: انلصمي انطيتج مجال هواي
جرني ووووو💏
سامر ...كعدت الصبح انسان كلي طاقة وحيوية
ههههههه، ماتعبتني بالعكس تفاعلت وياي بكل جوارحهة(للكاتبة طيبة الربيعي)
هل انسانة حبهة يخبل، تحبني ورغم الأذية
ماشكت ولا حبت توخر واهسي لو تكطع
اللحظاات الحلوة، واني احساسي انعدم بوقتهة
وماحسيت بيهة خطية
شفتهة نايمة بعيد عني
تقربت اباوع الجمال ال الله سبحانه خالقة
ليش ماحسيت بيج من زمان؟
متندم علة كل لحظة كضيتهة بدونج ووية غيرج
اباوعلهة الدموع مطبوعة على خدهة
بوست خدودهة كعدت تمسح بيهن ههههه
سامر: تمسحين بوساتي ام حلك
نبأ ...عشت ويا لحظات حلوة بس بغرابة
خاف جنت احبة هسه ميتة بي
سامر يحبني
مو حجي لسان
بكل لحظة عشناهة يكلي احبج ام جهالي
وكلامة الرومانسي يرن بأذني مثل الاغنية
فزيت علة بوساتة
فكيت عيني علة صوتة(للكاتبة طيبة الربيعي)
ضحكت وبستة
نبأ: صباح الخير
سامر: صباحي انتي، ولج ليش هيج اجلح اني، والله حرام نايم بصفج
ضحكت: ليش حياتي، ليش اكو احلة من سمارك اموت بيك وبي
صرت فوكاهة وابوس بيهة
اندكت الباب
سامر: اهووو
سمعنة صوت فطوم
فاطمة: نبأ وينج
نبأ ...يمة صوت كليبي فطوم
نبأ: حياتي افتحلهة
سامر ...هاي مخبلة صدك تحجي
باوعتلهة: شبيج انتي خوما ضرب عندج فيوز، افتحلهة واحنه بهاي الحالة
نبأ: لعد خليني اكوم اسبح وابدل واطلعلهة
سامر: ترة هاي تعتبر صباحية عرسي، ماكو خلينة نايمين(للكاتبة طيبة الربيعي)
فاطمة بصوت شبه بجي: نبأ فتحيلي الباب اريدج
نبأ: عفية سامر بروح ابوك، راح تبجي شلون تتحمل بجيهة
وخرت منهة: كومي روحي
كمت بدون تردد، سبحت وطلعت وهو يباوعلي
لبست دشداشة ردان وخليت الشال علة راسي
تقربت بستة بخدة: لتزعل سمورتي شوية واصعدلك
سامر ...شلون بفطيم لازم تنغص علية الفرحة
اراقبهة وتمنيت لو نكضي اليوم كلة
باحضان بعضنة، بس الظاهر
حظي ماناوي يتعدل ابنل لذين
باستني جريتهة الحضني وضليت ابوس
لحد ما حجت
نبأ: حبيبي كوم اسبح علمود تنزل تتريك
سامر: نباوي شوية وصعدي، جيبي الريوك هنا خلي اليوم يعدي علة خير لتخبليني
ضحكت: ماشي عيوناتي
نبأ ...نزلت لكيت فطوم بحضن صالح تبجي
صبحت عالكل وشلتهة
نبأ: يعمري جنت نايمة ليش تبجين
فاطمة: مفتحتيلي الباب(للكاتبة طيبة الربيعي)
نبأ: جنت نايمة قلبي، يلة تعاي نسوي ريوك سوية
باوعت العمتي متباوعلي
اعرفهة زعلانة مبين من ملامحهة
رحت بوستهة براسهة: عمة تعاي بالمطبخ احاجيج
ام سامر: روحي هسه اجي وراج
حجت بس بزعل
رحت للمطبخ كعدت فطوم عالمجمدة وبديت
اسوي ريوك، شوية واجتي عمتي
نبأ: عمة لتزعلين الصار جان غلط منعدنة، اعرف السوينا مو حلو بس صدكي جانت الاسباب مقنعة
ام سامر: اي وبالله شنو هاي الاسباب المقعنة
نبأ: اول شي جان سامر بعدة مجروح من نور وصعب يتقبلني كزوجة وهو ميحبني وثانياً جانت اعصابة هايجة بسبب الصار وية صالح حتة نفسة ممتحملهة واني محبيت اضغط عليه كل الي ردتة اكون قريبة عليه ميهمني متزوجين بالحقيقة لو بس كلام، بس هسه كلشي تغير صدكي من رجعت من بيت اهلي سامر جان متغير ومتلهف علية، بس مصارت فرصة يصير الجان مفروض يصير ههههه فطومة ساكنة يمنة بس البارحة كلشي تغير ياريت تسامحيني عمة والله الصار لا بيدي ولا بيد سامر(للكاتبة طيبة الربيعي)
شفتهة باعتلي ممقتنعة
بس كلامهة ريحني
ام سامر: قابل اني اريد تعاستكم يا عمة، غير اريد افرح بطفل من وليدي الجبير ومن جنة نادرة مثلج، يعني لو عمة غيري صدكي تسويهة رطينة عليكم خاصة علة سامر بس لان احبج واعزج هواية، بس كليلي امج تعرف؟ اكو واحد يعرف؟
نبأ: لااا ابد محد يعرف بيني وبينة، فدوة اروحلج عمة لتحجين شي الماما والله تموتني وهية مريضة متتحمل القهر
ام سامر: مدام حسب كلامج كلشي تم مراح احجي، بس اريد دليل لان صراحة ماكدر اثق بيكم مرة ثانية
دنكت مستحية يبووو علة حظي
نبأ: انشاءالله عمة يصير خير
ام سامر: اذا ماكو دليل احجي كلشي لوالدتج
نبأ: لا عمة اكو بس خلي اسوي ريوك والله كريم
سويتلهم ريوك واخذت ريوكي وريوك سامر فوك
دخلت لكيتة يعدل بنفسة كدام المراية
خليت الصينية عالميز الصغير(للكاتبة طيبة الربيعي)
جرني من ورة ودارني عليه: شبيج
نبأ: سامر عمتي تريد دليل
سامر: دليل علة شنو، مسوين جريمة ومادري
شلون افهمة ياربي ليش تحطني بهيج
مواقف محرجة يا سامر
سامر: هااا قصدج 😉 اي تدلل الحجية
نبأ: يلة تعال تريك
كعدنة نتريك ورة الريوك سامر شك
شوية من الفراش واخذة، شوية وصعدت عمتي
باركتلي وكالت
ام سامر: حطي كلامي ترجية بأذنج، لتخلين سامر يلعب بذيلة منا منا ترة الرجال عينة زايغة واذا مسطرتي بحجاياتج الحلوة وبافعالج يروح من ايدج
من يومهة واني كلش حذرة
وسامر كلش زين وحباب وياية(للكاتبة طيبة الربيعي)
مدللني ومحسسني ملكة
بدينة نحضر لعرس صالح، صارت الخطوبة
وبالحنة عزمتنة البنية اني وروى
والولد سوو الصالح حنة تخبل شوفني لؤي الصور
والفيديوات، وبيوم العرس روى رادت اروح وياهة
للصالون، بس اعرف سامر ماعندة فلوس يادوب
دبر لعرس صالح وبالدين همينة، طلبت منة يوديني
اشوف ماما عالسريع، ماكدر اكول الماما واخلي
سامر بهيج موقف محرج هسه عبالهة مينطيني
هو حس اكو شي
سامر ...مرتاح وية نبأ بشكل مو طبيعي
وماعرف ليش حاس فرحتي هاي وراهة
مصيبة، وبيوم عرس صالح ملتهين
ونبأ تريدني اوديهة عالسريع لبيت اهلهة
امهة كالت راح اجي شعندهة رايحة
سامر: ليش، غير عمتي راح تجي(للكاتبة طيبة الربيعي)
نبأ: اي اعرف، بس محتاجة كم شغلة من بيتنة
عكدت حاجبي: وشنو هاي الشغلة
نبأ ...معرفت شأكلة
سامر: نبأ بدون جذب خوش ترة روحي طافرة، شنو هاي الشغلة
نبأ: ماكو شي خلاص حبيبي ماكو داعي هسه اخابر ماما واخليهة اجيبة وياهة
لزمني من زندي حيل: شنو هاي الشغلة لتمضرطين بالحجي
لزمتة اذتني
دنكت محجيت
سامر: نبأ ورب الكعبة اذا ماحجيتي تنسين اكو عرس اتخبل عليج اليوم(للكاتبة طيبة الربيعي)
صار عصبي
باوعتلة: ثوبي وصيت ماما تشتريليا عجبني
ماريد اكلة فلوس واحرجة، اوف ياربي
سامر: وليش ماتحجين اذا ثوب، نبأ ثقي بالله اذا عرفت الشغلة غير عندي غير حجي وياج
نبأ: قابل شنو حبيبي، شبيك بسرعة تعصب ليش تحرك بدمك علة شي ميسوة
بوستة يلة هدأ
خابرت روى كتلهة ماكدر راح اعدل نفسي
هنا لان ملتهية وماكدر اعوف عمتي وحدهة
كالت ماشي اني من اخلص اجي اساعدكم
انقهرت مو علة نفسي(للكاتبة طيبة الربيعي)
علة سامر، عرس اخو بالدين وميقبل ياخذ مني
وفوك كل هذا يعصب علية اذا كتلة ممحتاجة
اني كلشي ممحتاجة الحمدلله راضية بعيشتي
اكو غيري يتحسرون عاللكمة والحصيرة
واني اكل واشرب والحمدلله مستورة
التهيت ملحكت اعدل نفسي
لحد ما اجتي ماما كامت تساعد عمتي بالطبخ
سامر جاب من برة بس عمتي تريد تسوي بيدهة
وماما هم جايبة وياهة برياني ودجاج جدورة كبار
وحلويات وعصائر
اجتي روى ساعدتني ارتب روحي
روى: ياربي رغم البساطة طلعتي اجننين، اني لو مرايحة للصالون احسلي باع شسون بية الخايسات
ضحكت: تخبلين عمري، لج بطنج صايرة شكبرهة
روى: دسكتي همة توم شترديهة لعد بكد خشمج
باوعت لبطنهة وتخايلت نفسي حامل
الله يرزقنة انشاءلله(للكاتبة طيبة الربيعي)
عدة العرس علة خير كلش تونسنة
والبنية جانت بكد ما فرحانة خايفة
روى تخوف بيهة واني اهديهة
لحد مازفيناهم للغرفة
سوينالة الغرفة مال حصة
جبيرة وواسعة
تخبل صارت
بيومهة رجلية تكسرن من التعب
بدلت انتظرت سامر يجي
وية اصدقائة برة
فطومة نامت من التعب
وامي وعمتي ملتهيات بالسوالف ابد ميتعبن
الله يحفظهن ويطول بعمرهن انشاءلله
شوية ودخل حبيبي اني جنت متمددة
كمتلة: الله يساعدك قلبي
سامر: ويساعدج(للكاتبة طيبة الربيعي)
جان ضايج
انتظرتة يخلص سبح
من طلع كبل تمدد وخلة ايدة علة عينة
استغربت شبي
تقربت وخرت ايدة من عينة
سامر: شكو
بستة بخدة: شبيك عمري، ليش ضايج
سامر ...حسيت اكو شي ضامتة علية
بس ماكدرت افرزن شنو، مبينة اجذب
حافظهة حفظ، ورة العرس طبيت للغرفة
ماردت احاجيهة بس عرفت مراح تعوفني
زعلان عليهة، وهاي فرصتي اعرف الضامتة شنو
سامر: مراح تكليلي الشغلة شنو؟(للكاتبة طيبة الربيعي)
نبأ: يبوو سامر بعدك تفكر بيهة، مو كتلك ثوب
سامر: احلفي بروح ابوج وحلفي بداعتي ثوب
نبأ ...عزة العزاني شلون لافهة علية
انلصمت شلون احلف جذب
سامر: نبأ آخر مرة اسألج يابة وروح ابوي اذا جذبتي تنتهي بيني وبينج والقرءان
نبأ: لا لتحجي هيج
وخرت منة وتربعت
دنكت راسي العب بيدي بالفراش
نبأ: جنت محتاجة جم فلس وردت اروح اجيبهن
سامر بعصبية: صدك هل حجي نبأ لو تشاقين؟
باوعتلة صاير نار
نبأ: شكو بيهة ضامتهن واجة وقت العازة
كام وشمر علية المخدة: شنو ولج مو رجال بعينج واطلبين مني! شو انتي صايرة فد نوب!
نبأ: شبيك سامر(للكاتبة طيبة الربيعي)
عصب عصب كلش
سامر: شلون يعني تاخذين فلوس من امج واني موجود! ماحاسبتلي حساب انتي!!!
كمت لان حسيتة راح يفقد
وكفت كدامة اخذت ايدة
نبأ: حبيبي والله مو قصدي الفلوس مو من امي اني مجمعتهن من زمان
دفعني: انتهت بيني وبينج بعد، مثل ما انتي ماحاسبتلي حساب بعد انتي والماكو سوة
وطلع
عضيت ايدي ندم، لو حاجية وماكلة نعل
احسن من الصار هسه
والله حرت ياالهي شسوي راح اموت بس من القهر
والخوف

يتبع...🌺
بارت طويل لعيون الحدايق❤
بنات شنو تحليلاتكم