فاعل خير

بارت 13

#فاعل خير
#بقلمي طيبة الربيعي
البارت الثالث عشر

(للكاتبة طيبة الربيعي)
نزلت اريد اشوفة وينة
لكيتة بالهول كاعد يدخن
فتت باوعلي ودار وجهة
تقدمت اريد اكعد يمة
جفلني بصوتة
سامر: اذا اجيتي يمي اقري الفاتحة علة روحج، امشي صعدي
نبأ: سامر والله حرام عليك متكلي شسويت، كل الي ردتة فلوسي لان احتاجيتهن، بشنو أذيتك فهمني
باوعلي بخزرة: امشي كتلج
بجيت: يعني تبقة تعاملني هيج شوكت تحس انو الاسوي علمودك، سامر خل نكون واقعيين يادوب مدبرين العيشة ماريد احرجك واطلب منك مادام عندي، هذا يسمو استغلال يعني لان اراعي ظروفك تأذيني بتصرفاتك وبكلامك، حرت والله حرت شما اسوي ميعجبك كلي شسوي اموت روحي واخلص واخلصك مني
سامر ...ماعرف اذا ضجت منهة لو من روحي
هيج اني صاير ضعيف لدرجة مرتي
ماشايفتني رجال بعينهة(للكاتبة طيبة الربيعي)
هيج التفليس مبين علية؟
الحمدلله والشكر علة كل حال
بس ضجت وحيل انقهرت من تصرفهة
المفروض تكلي تحاجيني قابل ماعندي فلوس
انطيهة، هذا حقهة ومصرفهة المفروض تاخذة مني
اني اريدهة تطلب تحسسني برجولتي تحسسني
اني المسؤول عليهة لا امهة ولا اخوتهة
والضوجني اكثر جذبت علية عيني عينك
حطتني بموضع الغبي التمشي عليه جذبة مثل هاية
من نزلت وحجت هل حجي انقهرت عليهة
وضجت من روحي لان بجيتهة
بس هية غلطانة المفروض متضم علية
ولا تراعي مشاعري بهل طريقة هاي
سامر: روحي نامي نبأ(للكاتبة طيبة الربيعي)
نبأ ...عفتة وصعدت، هو اني حظي ويامن
كعد حتة يكعد وية سامر، كافي نبأ تبنين
امال علة ناس تعرفين يتفننون بتعذيبج
تعرفين يرتاحون من يشوفوج هيج ضعيفة وهشة
سامر ...صعدت واني طكيتلي جكارة
لازم اشوفلي جارة رزقي محدد اريد اكبرة
الله سبحانه يكول اسعى يا عبدي واني اعينك
يهني مامتبطر اني اريد اكبر مصدر رزقي
لخاطر اهلي المسؤوليات كثرن وباجر عكبة
اذا صار عندي جهال خوما اكطر عليهم بالفلس
والحاجات، وصالح هسه يطنة بسبعين طفل
ليش ماعرفة شاد حيلة، نمت بالهول وماحسيت
الة علة صوت امي وشي نايم فوكاية
فكيت عيني: صباح الخير
فطومة نايمة علة صدري
ام سامر: صباح النور ماما، ليش نايم هنا خير خوما اكو شي(للكاتبة طيبة الربيعي)
كمت علة كيف وخليت فطوم عالقنفة
سامر: لا يمة ماكو شي بس اخذتني النومة هنا
ام سامر: هااا متأااكد؟
سامر: اي، شنو الساعة ابيش
ام سامر: بالعشرة يمة، شو نبأ الي هسه مكعدت شعجب
اني هم استغرب، بالعادة تكعد من السبعة
لو كلش كلش بثمانية ونص
سامر: هسه اشوفهة يجوز تعبانة
صعدت طبيت للغرفة
شفتهة نايمة
بس مدثرة ادثر وشكلهة معجبني
الدنيا حارة تسمط
تقربت اشوفهة ترجف
وشفتهة اطكطك
انخطف لوني(للكاتبة طيبة الربيعي)
تلمست كصتهة حااااارة نااااار
سامر: نبأ، نبأ شبيج حبيبتي، نبااوي
مجاوب بش ترجف
تقربت وخرت الغطة رجعت جرتة تبجي
نبأ: لا عفية بردانة، غطيني بعد فدوة
وترجف رجف، جبت لحاف وشمرتة عليهة
نبأ: بعد بعد فدوة
تقربت بست كصتهة: شبيج عمري ليش هيج مصخنة
استغفرالله ياربي شبيهة
نزلت
سامر: يمة تعاي بالله، نبأ مصخنة فد نوب
ام سامر: يا يمة شبيهة
صعدت امي وياي، شافتهة(للكاتبة طيبة الربيعي)
ام سامر: عزة العزاني
نزلت ركض واني كاعد يم راس نبأ
اتلمس حرارتهة تموت
جتي امي بيديهة طاسة وبيهة وصلة
سامر: شنو هاي
ام سامر: كمادات يمة، هسه بس اسويلهة تروح الصخونة، واذا مراحت لا سامح الله ناخذهة للمستشفى، ليش هيج البارحة كلشي مابيهة
بس لا صخنت من وراية، طيح الله حظي
سامر: ماادري
ام سامر: شتدري هو انتة متكولي شتدري
سامر: شبيج يمة هسه اني شمسوي
ام سامر: كافي اسكت
امي تسويلهة كمادات واني كاعد يمهة
كلسع اتلمس حرارتهة خفت لو لا
نفسهة(للكاتبة طيبة الربيعي)
مارحت للشغل خليت وائل ولؤي يرحون
زحمة ادك الباب علة صالح وهو بعدة عريس
للظهر شوية خفت حرارتهة
بس بعدهة الرجفة
نزلت لأمي جانت تسوي غدة
سامر: اكلج يمة شو بعدهة ترجف
ام سامر: هسه شوية وتروح لتخاف، بس ابقة سويلهة لحد ماتعرك وتروح الصخونة كلهة
سامر: زين ماكو دوة شي
ام سامر: شوف بالثلاجة اكو شراب مكتوب عليه بروفين شربهة قبق واحد
اخذتة واخذت مي ويا وصعدت
بعدهة ترجف يا الله شلون بية
خليتة عالكومدي
واجيت اكعدهة(للكاتبة طيبة الربيعي)
سامر: عمري خل اشربج دوة كعدي، نباوي بس تشربي ارجع ادثرج لتخافين
كومتهة علة كيف
شربتهة قبق وشربتهة ورا مي
رجعت ادثرت
نبأ: سامر اشبكني راح اموت
سامر: اسم الله عليج عمري شهل حجي
وخرت الغطة حاوطتهة بذراعي
رعشتهة كلهة صارت بية
ضليت حاضنهة وامسح بيدي علة ظهرهة
وهية مابيهة حيل تحضني حتة تدفة
شكدوتهة انوب بس زندهة قضية
مربرب شحم
البنية بيا حال واني بالي وين
نص ساعة تقريباً هدأت
لكيتهة نايمة
وخرت خصلة من شعرهة وركزت بملامحهة
طفلة ولا عبالك بنية جبيرة
شلون عاكدة حواجبهة بحزن ومبرطمة
بس والله روحي محتركة عليهة(للكاتبة طيبة الربيعي)
لو ادري هيج يصير بيهة فلا ازعلهة
اعرف متريد تثكل علية بطلباتهة
بس بالعكس طلباتهة مو شي حيل بسيطة
اقوة شي عدهة اجيبلهة موطة
ورة ساعتين اني هم غفيت
من كعدت لكيتهة موخرة الغطة منهة ونايمة
بصفحتهة
تقربت بستهة بركبتهة
حرارتهة نازلة بس يحتاج بعد
سامر: كاعدة عمري
نبأ ...انتظرتة يصعد ماكو
بقيت ابجي الحد ما نمت
كابوس خنكني كأني واكعة ابير وحية تفتر
داير مدايري وعكارب تريد تلدغني
بس يطلع سمج من المي وياكلهة
واني اعيط كأنو اشوف فوك واحد يباوعلي
بس ميساعدني(للكاتبة طيبة الربيعي)
اعيط بس يباوع ااشرلة ميساعدني
كأنو هاي الحية لدغتني وفزيت
حست ابرودة مو طبيعية
اتغطة وابقة مثلجة
كل هذا ومادري بنفسي
اسمع صوت عمتي وسامر بس مافرزن
شنو يحجون
وصوت بعيد مثل الطنين يحجب اصواتهم
عن سمعي، من حسيت براحة فكيت عيني
لكيت نفسي بحضن سامر وهو محاوطني
بقوة، حسيت بحرارة شفت نفسي عركانة
وهو همينة العرك ينزل من ركبتة
وخرت الغطة ونمت بعيد عنة
السوا البارحة اذاني بعدني اتذكر وانقهر
حرت وياك كمت ماعرف اتصرف
غفيت شوية بس نص ونص
حسيت عليه من باسني(للكاتبة طيبة الربيعي)
مردت اجاوبة بس مبين كاعدة
نبأ: اي
البارحة جان كالب علية هسه يكلي عمري
حيرة انتة يا حبيبي حيرة
سامر ...ضلت دايرة من ذيج الصفحة
ومطيتني ظهرهة
حقهة تزعل اني زودتهة
لعبت بشعرهة: شلون صرتي هسه
نبأ: الحمدلله
سامر: كومي اسبحج بمي بارد حتة تختفي الصخونة
نبأ ...يا عزة شديحجي هذا
نبأ: لا ماكو داعي راحت
دارني عليه: دكومي لتشلعين كلبي، كافي دلال من الصبح مو حتة لباب رزقي مارحت
نبأ: ماريد عفية اريد انام(للكاتبة طيبة الربيعي)
كمت وشلتهة: لتصيرين اعجوزية المرض يسيطر عليج اذا تكاسلتني
نبأ ...جلبت بركبتة
نبأ: زين اني اسبح ماكو داعي تدخل وياية
باوعتلهة مبتسم: شنو تستحين مني، ترة كلشي شفنة مو برأيج فات الاوان؟
يبو خجلني، محجيت شي
سبحني بمي بارد كزربت من البرودة
نسيت كل الصار بلمساتة وكلامة العذب
سامر كلش رومانسي اتونس علة كلامة
طلعنة بدلي هو عبالك رجعت طفلة
دثرني ادثر حسيت بنشاط، كلامة صحيح
اذا تكاسلت يزيد المرض
سامر ...مثل الطفلة بين ايدية(للكاتبة طيبة الربيعي)
يوم عن يوم يزيد حبي الهة
ورة شهر تقريباً رجعت من الشغل كالعادة
بس مهموم واحس بروحي ضعيف
علية دين 30 مليون والاكدر اوفيهن بس 3 ملايين
ماعرف شلون ادبرهة ربي عونك احس الدنيا
ضاكت بية، رجعت بدلت وتعشيت
يسولفون واني سارح بالافكار
ورة العشة صعدت لفيت راسي اريد انام
اجتي نبأ
نبأ: حبيبي شبيك ضايج
سامر: نبأ مالي خلك طفي الضوة اريد انام
نبأ ...هل ايام بديت احس بمغص ابمعدتي
وصايرة تلعب نفسي من الريح(للكاتبة طيبة الربيعي)
اي ريحة تلعب نفسي منهة واروح اتقيء
لحد ما تفرغ معدتي
عمتي كالت هاي اعراض الحمل بس اخذج تحللين
حتة نتأكد، اشوفهة فرحت كلش واني
ميتة بس اريد اتأكد
ياربي هيج ويصير عندي نسخة من حبيبي
سمورتي، حللت ورة اسبوع طلعت النتيجة
راحت عمتي جابتهة
واجتي فرحانة وتبوس بية
ام سامر: ولج نبية حامل الف مبروك
يا يوم دخت ردت اوكع من الفرحة ممصدكة
شبكتهة: الله يبارك بيج عمة
اجوي الولد عالاصوات
ومرة صالح همينة، تقى(للكاتبة طيبة الربيعي)
عرفو بحملي كامو يغنون ويركصون
لؤي موتني ضحك يكول اذا ولد نسمي لؤي
واذا بنية وائل
وكام وائل يريد يكتلة وذاكة يركض ويعيب
متت من الضحك، باركولي كلهم
وتقى بنية درة مال الله اشوف الحب
بينهة وبين صالح واضح وضوح الشمس
عيونهم تراقب بعض بحب
ربي يسعدهم انشاءلله، من رجع حبيبي من الشغل
شفتة مهموم وضايج، محبيت اسألة كدامهم
ورة العشة صعد حتة جاي مشرب
ولا كعد وياهم كالعادة
عمتي سألتني شبي كتلهة ماعرف
هسه اروح اشوفة، صعدت اريد احاجي
جاوبني بعصبية(للكاتبة طيبة الربيعي)
نبأ: قلبي عندي الك خبر حلو، فدوة اكعد
سامر ...مالي خلك اسمع شي
ونبأ بطرانة
سامر: انتي شنو ماتحسين مو اكلج مالي خلك اريد انخمد!
نبأ ...خفت ليعصب اكثر ويفقد
كمت طفيت الضوة وتمددت حاولت انام
بس انقهرت وكمت ابجي
اكيد صاير شي متعبة لو مضوجة
يعني لا اكدر اسكت واشوفة مهموم
ولا اكدر احجي خاف يعصب ويأذيني
والمشكلة تصير مشكلتين
سامر ...احاول انام بس ماكدر
التفكير كتلني(للكاتبة طيبة الربيعي)
سمعت صوت بجي، شنو هاي بس لا تبجي
كل ما اتعصب عليهة تبجي
هشه من تشوفيني ضايج والدنيا طالعة من عيني
لتسألين، والله انتة هم بطران يا سامر
تسألك تضوج متسألك تضوج
حرت وحيرتهة وياك
وخرت الغطة منهة كمت وباوعتلهة
سامر: شبيج
نبأ: مابية
سامر: باعيلي، تبجين؟
نبأ: لا منشولة(للكاتبة طيبة الربيعي)
سامر: هيج انشلتي بدقيقة، كومي احاجيج
نبأ ...مسحت دموعي وكعدت
سامر ...ماشوف شي، كمت شغلت الضوة
شفتهة مدنكة خشمهة وخدودهة حمر
يعني باجية
رجعت كعدت كبالهة: ليش تبجين
نبأ: مابجي
سامر: نبأ مابية حيل هموم زايدة لخاطر الله، تشوفيني ضايج عوفيني اني من اهدأ اجي احاجيج
كامت تبجي: بس ردت اخبرك خبر حلو والله ماقصدي شي
مسحت دموعهة وقربتهة مني
بست خدهة: لتبجين، يلة كليلي شنو الخبر
نبأ ...ماعرف شلون اكلة باوعتلة
مبين ضايج كلش بس يتصنع الابتسامة
اريدة يفرح ماريد اضوجة(للكاتبة طيبة الربيعي)
نبأ: حللت قبل اسبوع واليوم عمتي جابت النتيجة، اني حامل
شفتة فك عينة ورفع حواجبة متفاجئ
سامر: بروح ابوج؟
نبأ: اي
سامر ...ياربي الحمدلله والشكر
الفرحة ماوسعتني صدك خبر مفرح
ولا اي شي يكدر يعكر مزاجي
جريتهة صرت فوكهة وابوس بيهة
سامر: احبج اموت بيج ولج شنو انتيييي
نبأ ...مجنت متوقعة ردة فعلة تكون هيج
ههههههه يبوو راح يموت الطفل بعدة حتة ممتكامل
نبأ: حبيبي علة كيفك البيبي راح ينمرد(للكاتبة طيبة الربيعي)
خفف ثكلة: يعني شنو هسه انتي حامل
ضحكت: اي شبيك
بستهة: وراح يصيحولي ابو فلان لو فلانة
اشرتلة براسي اي
يبوو شورطني وحجيت
موتني بالبوس اليوم
انكلب 180 درجة جان ضايج
وبثانية وحدة تغير مزاجة للأحسن
واستمرت الايام ماحجيلكم عالدلال
سامر والبيت كلة مدللني
حتة فطومة اذا انطوهة عصير
لو حلويات اجيبهن الية(للكاتبة طيبة الربيعي)
فدوة الكلبهة صارت بنفسي بنية مثلهة
انشاءلله يارب واهم شي تمام الخلقة
بيوم صعدت ارتاح تقى لزمت الشغل
مخلتني اسوي العشة
اجتني رسالة من رقم غريب
"شلونج نبأ، مشتاقين"

يتبع...🌺

تحليلاتكم حبايب منو تتوقعون؟🤔