#قضية_عشق
للكاتبة ميار الشمري
الجزء 12 والاخير
فارس،،،بقيت نوب افكر نوب اغمض غفيت بالطريق حوالي ساعة ورجعت صحيت انتبهت للجواز ماكو بجيبي ولا عندي بالسيارة دورتة ماخليت
يولوا بس لا نسيتة عند هنادي من سلمت عليها هاي شلون قصة
همست وكف السيارة يافهد
وكفها وصف على جهة اني ناسي جوازي ياجماعة
فهد ،،،ماكو تغطية هنا ياشيخ ولا جان اتصلنا بواحد من الشباب يلحكنا بي
فارس،،،نزلت من السيارة يولوا شهل عثرة متسهلت شو هالسفرة من البداية لعله خير ان شاء الله
فهد،،،تحب نرجع على مانلاكي تغطية ونتصل بواحد من ربعنا
فارس،، خلي اشوف شلون تصفى
سلطانة،،،جانوا يتكلمون برة وشكد جنت اتمنى تتعرقل سفرتنا بس مو بهل وقت الي مااعرف شنو سوة بي قصي اذا رجع فارس مصيبة بقيت كل شوي اتلفت وادحجلة من شباك السيارة
بعدين اجوي فهد وريكان وركبوا ليكدام وفارس دنك من شباج السيارة وكال
فارس،،،دحجي ياسلطانة اني مكدر اتقدم اكثر وياكم وجواز ماعندي
اتوكلوا هالحزة واني راح اخذ درب طريقي وارجع اجيب الجواز والحقكم واني وراجع راح اتصل بخوانج يتلكوج
سلطانة،،،لا فارس شنو يرجعك نرجع كلنا وياك وباجر نطلع
فارس،، لا لا كملوا طريقكم وفهد بعد مو غريب ابن عمومتنا وريكان بعد نسيبكم
نزل جنطتة وطبطب على السيارة
وكال اتوكلوا بالله ياشباب الله وياكم
سلطانة،،،،كمت اكل بروحي ياصخام وجهي شنو راح يصير كمت احاول احصل قصي وتعبت واني اريد احصلة ماكو الى ان خلص شحن جهازي
فارس،،،كمت امشي واناظر الطريق لعل وعسى الوح سيارة بهل صحراء على السريع استغفرت ربي اول مرة يصير وياي هيج شي ظليت اهمس لعله خير
بلش الفجر يطلع والدنيا ضوت
جنت امشي ورافع الجنطة على كتفي من ورة ونوب اكف نوب امشي ظليت حوالي نص ساعة هيج
اجت گلابة جبيرة وكفتها وركبت وياه وجان جاي للخالدية ماصدكت على الله الكالي سيارة بهل منقطعة
هنادي،،،من بعد ماراح فارس بجيت شوي ونمت جنت مأمنة على نفسي الباب مقفول والمفتاح بي
قصي ،،،من راح فارس ولزمني مغص فضيع كلت خلي تعدي هالليلة وباجر عود اشوف شنو اسوي شربت مسكن ونمت كعدت ب5 الفجر حسيت نفسي احسن كمت افتر بالبيت جان الحارس الاخرس حاط صينية الجاي وكاعد هو وغزوان يشربون جاي كعدت يمهم شوي وشربت جاي وصحصحت كمت افتر وعيني على شباكها
تقدمت لباب البيت شفتة مقفول من الداخل اجاني غزوان رايد شي قصي ؟
قصي ،،،ها اي والله ياريت تفتحلي الباب احس نفسي جعت اريد اشوف شي اكلة
غزوان،،،اي ليش لا افتحة الك فتحة ودخل وياي رحنا للمطبخ وعيني على الممر الي كدامنا والي بي غرفتها
اكلنا وبقينا نسولف شوي
همست غزوان روح اطلع مع غازي ظل وحدة والرجال اخرس واطرش ماراح يفهم اذا يصير شي
غزوان،،،اي صار طلع وعينة علية
تأكدت من انه صار برة يم الحارس
وطلعت امشي على رؤوس اصابيعي وصلت غرفتها وفتحتها طلعت مقفولة من جوة
فجأة واسمع صوت ام غزوان اكو شي قصي محتاج شي ؟؟؟
قصي،،جفلت وانكطع نفسي كتلها ام غزوان جعت واريد اكل مو هنا المطبخ
