#قضية_عشق
للكاتبة ميار الشمري
الجزء التاسع
هنادي،،،ثاني يوم ترددت ماصعدت الريوك لفارس
وصعدتة ام غزوان
فارس،،،اندك الباب واني غاط بنومة فزيت وكعدت وتوقعتها هنادي
طلعت ام غزوان رجعت مددت وخليت المخدة على راسي ادري شجابج هالحزة ام غزوان ادردم بيني وبين نفسي
طلعت وبقيت اتقلب مو خوش صباح هذا اتوقعت اصبح بوجهة
كعدت طبيت للحمام وحلقت وغسلت وكعدت اتريك اتصل بية قصي
فارس،،،هلا قصي لا مااطلع باجر عندي شغل اجلها وبالنسبة للجماعة الي تعاقدنا وياهم سلمهم الاسلحة مع الرخص واقبض منهم كاش
جنت اسولف مع قصي ودخلت هنادي حتى تاخذ الاكل كمت اخربط بالسوالف وكلت ثيمالا هالحزة
هنادي،،،قفل الخط وخزرني
فارس،،،ليش مااجيتي اتصبح بوجهج اني شنو كتلج يابنية
هنادي،،،صار عندي شغل وانشغلت
فارس،،،ولج شغل شنو كل شغل ميشغلج عني والي اكولة مرة مااكررة
مااحب الي يعصيلي جلمة
هنادي،،،ابتسمت وكلت ان شاء الله
فارس،،،بضحكتها فرفرحت كلبي همست صح احبج ومطيرتلي عقلي ومفرفحة كليبي بس هذا بجفة والي اكولة بجفة
هنادي،،فدوة كلامة يخبل اشرلي على جهتة اليسرى وكال تعالي شمعة كلبي كعدي هناية يمي
هنادي،،،لا شلون و....
فارس،،،صحت ها شكلنا وبعدين وياج
هنادي،،،جفلت من صوتة تقربت وكعدت شيخ ست سلطانة لتجي
فارس،،،اشش ولج سلطانة والهفا ان شاء الله لتذكريني وخليني اتمعن بيج
هنادي،،،كاعدة على اعصابي
فارس،،،رفعت بأصبعي الصغير عسل وانطيتهيا وايدي الثانية جوة حنجها
هنادي،،،مااريد شيخ فدوة خايفة
فارس،،،يولوا راح احرك البيت على الي بي
هنادي،،،فتحت حلكي ومصيت العسل الي بأصبعة
فارس،،،يولو رجف كلبي من لمست اشفافهة اصبعي هية شفايف لو كرز
هنادي،،،غمضت حسيت العسل من ايدة غير
همست احبك واحب كلمن يحبك واحب الورد جوري عمنة بلون خدك احبك
فارس،،،يولو شكلتي على كيفج بية تراني مو ذاك العود القوي
هنادي،،،ضحكت
فارس،،،ولج عيدي الي كلتي ماسمعت ترعبلت بين شفتج وعيونج وكلامج مدري بحلم مدري بعلم
هنادي،،،اندك الباب وجفلت وكمت بعدت عنة
سلطانة،،،دخلت صباح الخير
فارس،،،الله لايصبح بيج ولا عضمة كون ماصبحت ولاشفتج كبالي
هنادي،،،جانت تخزرني اخذت الريوك و طلعت وعفتهم
فارس،،،ادحج لهنادي طلعت
يولو شجابج هالحزة ياغضب ربي علية
سلطانة،،،هاي شنو قصتك فارس حتى اسلوب ماعندك
فارس،،،قبل لتكمل لزمتها من ركبتها وخنكتها على الحايط
سلطانة وحق رب العزة لابسج بمزاجي واذا اخليج بالي اطرج اثنين يشهد ربي
اسلوبي هو هو من اخذتج تعرفين بية ماادانيج بعيشة الله واخذتج حتى استر عليج من بعد ماردتي تشردين مع صاحبج
سلطانة،،،،دفعت ايدي وكمت اكح تعيرني يافارس وانت ابن عمي
فارس،،،كعدت عمة العماج وكسرج ورماج اني مو ابن عم احد جفوني شركم لهنا وبس روحي شوفي حالج يابنت الناس اتزوجي غيري ولحكيلج بطفل الي بعمرج صار عدهن جناين
سلطانة،،،فارس صح انجبرت علية بس من اخذتك واني احاول اكسبك واكسب رضاك ومحبتك واكفر عن غلطي وكأنه رب العالمين عاقبني بمحبتك انزرعت بكلبي ومااكدر اطلعك
فارس،،،رجعنا على السوالف التبهض من تكملين الي عندج سدي الباب وراج اخذت منشفتي ودخلت الحمام
سلطانة،،،عافني وطب الحمام طلعت من الغرفة واني اكل بروحي
كمت افتر بغرفة واطكطك بأصابيعي والقهر اكل كلبي
نزلت جوة وجانت ام غزوان وحدها بالمطبخ وهنادي دتنظف البيت
رحت تمشيت يمها وعيوني تخزرها كعدت بالصالة وهي دتلمع بالاثاث همست
هنادي تعالي كعدي
هنادي،،،استغربت طلب ست سلطانة والخوف تملكني
كعدت يمها وضلت تباوعلي كالت والله حبيتج من اول مااجيتي للقصر
ولان حلوة عرفت هواية راح يستغلوج
هنادي،،دنكت واني اسمعلها
سلطانة،،،لا ليروح بالج على الشيخ
فارس ميتورط بعد يعرف بنفسة ماعندة رجولة سترت عليه اني متستر عليه وحدة غيري فيحاول يتسلى بين وقت وقت
بس الي كاسر كلبي انت
هنادي،،،باوعتلها بأستغراب
سلطانة،،،اي انتي هنودة ضيعان شبابج يروح للحارس الاخرس
هنادي،،،مصدومة ومدأفهم شتقصد
سلطانة،،،هسة جان يحاجيني فارس يكلي البنية مكطوعة وميصير تبقى هيج خاصة انه شايفج مع غزوان اكثر من مرة فصارحني وكلي بهل يومين ازوجها لغازي الاخرس بس وصاني مااجبلج خبر
بس اني استخطيتج كلت انبهج تنهزمين من هنا وترجعين لديارج احسنلج
وانتي بكيفج حبي
هنادي،،،كامت من يمي سلطانة والابتسامة تارسة وجهة حسيت كلبي انمرد من سمعت الي كالتة
كلت شنو اني لعبة بأيدك وان كنت شيخ شيخ على نفسك
بيومها بقيت حايرة شأسوي وكل مااشوف غازي تنقبض روحي هي الي تعاشر واحد مثل فارس ترضى بعد بغيرة
حبست نفسي بالغرفة وجنت محتارة شأسوي حسيت كلام سلطانة صحيح شعرفها اني مكطوعة وفعلا فارس شافني مع غزوان وانزعج هذاك اليوم
بيومها طلعت من غرفتي وجان توي جاي فارس صارت عينة بعيني ابتسملي بس درت وجهي عنة
