#قضية_عشق
للكاتبة ميار الشمري
الجزء الثاني
فارس ،،،اني من الغربية دليمي ومن اكبر تجار السلاح المرخص ورثت هالشغلة ابآ عن جد وصارت عشقي وهوسي الاسلحة ومعروف عني الي يعكس وياي ماارحمة
هاي شغلتنا وتعودنا عليها وماكو مكان للجبان والي قلبة ضعيف بيناتنة
قصي ،،،شيخ شصار عالحرمة الي جانت تراقبنا بالبساتين شفهمت منها
فارس،،،اتمشى وياه بالبستان ورثت الجيكارة واني ادحج عليه ...يول هالحرمة شغلتها ناكتة لتاكللها هم
تبين فقيرونة وخرسة
قصي،،،بس شافتنة واحنا نتخلص من هاشم وراح تكون خطر علينا
فارس،،،يول لاتظل تدعثر بسوالفك كتلك خرسة خرسة !!!!
قصي،،،عجل مراح تتخلص منها
فارس،،،لا يبوي تراها هاي بزونة صغيرة متعرف تخرمش وبعدين راح اخليها تحت عيني واصعدها للقصر وخلي العيون عليها تراقبها اريد اعرف شنو سالوفتها ومنوين شارده ومن يا عمام
هنادي،،،بليلتها اشتغل الضوة وفزيت انفتح الباب ودخل علية نفس الشاب بس هالمرة سلاحة بجيب حزام كتفة
كعد كدامي وجان لابس دشداشة سودة وغترة بيجية
فارس،،،مساج الله بالخير خية وابتسمت
هنادي ،،،،باوعتلة ونصيت جان هالمرة اسلوبة هادئ
فارس،،،،ها يابنت الناس علميني شنهي قضيتج
هنادي ،،،،اشرت الة بمامعناه انه ماعندي شي بس ماعندي اهل
فارس،،،اشرتلها من ياعمام وشلون وصلتيني؟
ظلت تأشرلي بالرغم جنت افهم لغة الاشارة بس كانت هي الي ممتقنتها وهذا الشي غريب مافهمتني شي
فارس ،،، يابنت الناس دحجي عليه مثل ميكولون المرة بشارب الخير واني ماراح اقصر وياج اذا جنتي صادقة وماعندج اي شي ولا تجيني من وراج مصيبة؟
هنادي،،،اشرت براسي بمعنى موافقة على كلامة
فارس،،،بس ياويلج يولي اذا جانت عندج فنون ومسويتلج مصيبة الا اطرج طر وحق الله
هنادي،،،هنا اني متت خوف وكوة اتنفس كلامة ماخلة بية قطرة دم واني اباوع لعيونة وهو رافع ايدة ويأشر بأصبعة
فارس،،،كومي جدامي واريدج مو بس خرسة اريدج صم بكم لا ارى لا اسمع لا اتكلم
هنادي،،،هزيت براسي بس ومشيت وراه
فارس،،،امشي جدامها واضحك وية نفسي مسكينة شحالها هية خرسة ونوب اوصيها متتكلم هههههه
هنادي ،،،امشي وراه ومن طلعنا باب المخزن شفت حديقة جبيرة كلش وحرس مسلحة ع اطرافها من طلعت المخزن اجة يركض علية الجلب من بعيد وجان ينبح بشكل مرعب وديتقرب مني
اني ختلت ورة الشيخ وايدي على كلبي وكاتمة انفاسي من الخوف
فارس،،،انصدمت وادحج لجلب الي ينبح صوبها بطريقة بس احنة جنة نفهم شنو تعني لان مدربينة على هالشي خنزرت بيها وبعدت عنها الجلب ومشت من مشت كدامي جانت عيوني تراقبها وكلبي لعب منها
صحت لأم غزوان واجتي بسرعة نعم شيخ
فارس،،،الله يرضى عليج خذي هالحرمة وديري بالج عليها تراها مكطوعة وماالها من بعد رب العالمين غيرنا وغمزتلها تاخذها وترجعلي
ام غزوان،،،تامر شيخ من عيوني
اخذتني ابات وياها بنفس الغرفة مالتها وشوي وطلعت وتركتني وحدي
فارس،،،،ام غزوان عينج عليها متغيب عنج لو لحظة هية خرسة بس اذا كدرتي تفهمين منها شي علميني
ام غزوان ،،،ان شاء الله شيخ
رحت عليها للغرفة وجانت كاعدة على طرف السرير من شافتني وكفت كتلها كعدي يمة كعدت وكعدت يمها
حاولت افهم منها شنو قصتها ومنوين جاية ماعرفت ولا فهمت شي على الرغم افهم بلغة الاشارة ودائما اتواصل مع عدنان الحارس الاخرس بس مااعرف ليش مكدرت افهم منها شي
فارس،،،صعدت لغرفتي وشمرت غترتي وجعدت على طرف السرير ومااعرف شنو انتابني حزتها موضوع هالمرة حيرني وقلب موازيني نزعت الحزام الي اخلي على كتفي والي بي السلاح الي ميفاركني وخليتة يم راسي وغيرت ملابسي ونمت
هنادي ،،،وجه الفجر سمعت صوت مو طبيعي وكأنه سيارات دتطلع وكلام مامفهوم وصوت ناس وحركة برة ظليت مغطية راسي من بعد ماانتبهت لأم غزوان ماموجودة بالغرفة ظليت حابسة انفاسي وحاولت انام من طلع الصبح طلعت جانت غرفتنا بممر طويل على يساري باب يطل على الحديقة الخلفية
وعلى يميني صالة جبيرة مشيت بيها وضعت مااعرف وين اروح ووين اتوجه صاحت وحدة من فوك الدرج وكالت انتي منو ؟؟
كمت اتلفت اريد اعرف مصدر الصوت
نزلت من الدرج مرة تطلع ثلاثينية حلوة كلش ومرتبة وانيقة ولابسة كومة ذهب بس عيونها تجدح نار
مارديت ووكفت على جهة اجتي ركض ام غزوان وكالت ست سلطانة هاي البنت الي حجيتلج عليها جابها الشيخ كال مكطوعة وخرسة
سلطانة،،،اباوعلها من فوك ليجوة هاي شلون تكعد ويانة بالبيت
كلت لأم غزوان هاي البنت تبقيها وياج على الدعسة ووين متحركتي تظل عينج عليها وانطيها ملابس خلي تغسل وتغير ملابسها وشعرها تظفرة مااريد اشوفة مهدود بعد وخلي تلبس شيلة على راسها اذا اجة الشيخ
ام غزوان ،،،ان شاء الله ست سلطانة تأمرين امر
هنادي،،،جانت تحجي وهي تباوعلي من فوك لتحت اخذتني ام غزوان ودخلتني الحمام وكالت هسة اجيبلج ملابس
طبيت سبحت جنت صارلي 3 ايام ماسابحة انتعشت
جابتلي ملابس وانطتني اياها طبعا من ملابسها ولان هية كصيرونة جانت قصيرة علية وشبر من رجلي تطلع
كامت تمشطلي شعري
وكالت ايه ايه يالدنيا شكد جنت احلم تصير عندي بنية وامشط الها شعرها واظفرة حتى شكد مجنت احلم بهل لحظة جنت اخلي شعر غزوان هو وصغير يطول واظفرة اله وضحكت واني ابتسمت
كعدت كدامي وكالت يمة والله حبيتج ودخلتي بنص كلبي اسمعيني اذا راح تعيشين هنا لازم لاتشوفين ولا تسمعين ويمكن خلاج الشيخ لان خرسة لان الي يعيش هنا لازم يكون اخرس واطرش واعمى
اني صار معاشرتهم سنين طويلة من بعد ماصارت اوضاع الانبار مو زينة الشيخ اخذ اهلة كلهم وخلاهم بالاردن
بس هو وزوجتة بقوا هنا ست سلطانة ويروحلهم كل فترة ويرجع هنا لان شغلة كلة هنا
هنادي ،،،اني بقيت ساكتة واسمعلها يعني هاي تكون زوجتة للشيخ
بيومها بقيت وية ام غزوان اشتغل بالمطبخ ومرات اذا عدها شغل برة المطبخ تعوفني وتطلع وتعلمني شنو اسوي
ماشفت احد بيومها وعدا اليوم كلة بسلام وحتى الشيخ ماشفتة
بالليل بيومها نمت بسرعة من التعب جان شغلهم كومة وطول النهار بس واكفين بالمطبخ ونطبخ
ثاني يوم نفس الحالة كعدت من الصبح وشفت ام غزوان دتسوي بالريوك ومن خلصت كالتلي روحي صعديه لست سلطانة هسة طلعت من الحمام ودتنتظر ريوكها صعدتة وضعت مااعرف بأي غرفة هية دكيت بابين ومحد ردلي وعفتها دكيت ثالث باب سمعت صوت يكول... طبي ام غزوان
دخلت وجانت لابسة سيت نوم طويل وقلع وشعرها مهدود وكاعدة دتطبغ بأظافيرها شافتني واشرتلي اخلي الريوك على طبلة صغيرة كدامها حطيتة وبقيت واكفة يمها
وجانت كل شوي تباوعلي بطرف عينها كالتلي انتي متزوجة اشرت براسي لا
سلطانة،،،اويلاه مامتزوجة هاي منوين جابها علية اوف منك فارس اوف
كتلها روحي للمطبخ ومااشوف طالعة برة المطبخ تفهمين ؟؟
هنادي ،،،اشرت براسي وطلعت نزلت من الدرج واني اكول بنفسي عفية عائلة تشل من الخوف والرهبة شنو انتو
رحت للمطبخ وكعدت على ميز على جهة
باوعتلي وابتسمتلي ام غزوان واجتي يمي
ام غزوان ،،،لتضوجين من ست سلطانة صح تظل تصرخ بس كلبها طيب والي شافتة بحياتها مو شوي
صفنت واني افكر شنو قصتهم
هنادي،،،مرت 3 أيام ماشفت بيها الشيخ والي فهمتة مسافر بس مااعرف وين
