قضية_عشق
للكاتبة ميار الشمري
الجزء الاول
ما هي قضية حب موضوعي أكبر
أنا مع الأيام موضوع ثاني
مدري غرقت شلون وأنا على البر
وش راح مني وش بقى من أماني
لا طبت يا قلبي ولاهو غدى الشر
برضاك ولا غصب عنك دعاني
مر الزمان إللي عن الأنياب كشّر
ما عاد خلا للبلابل أغاني
إلى متى وأوراق عمري تِبَعثر
بين الرحيل وبين غربة المكاني
كريم يا حزني يجي منك أكثر
بخيل يا فرحي وحظي أناني
فـَ إعتزلت الناس قالوا إتِكَبّر
وذا بديت الطيب يخسر رهاني
العين مخلوقه عشان تسهر
والليل جاملها وطول عشاني
يذبل زهر وأغصان عمري تكسّر
تعصف بي الونه تزلزل كياني
لا بارك الله فيك يا الحظ الأقشر
إللي على ضيم الخلايق حداني
الحلم بـِ عيوني على دمعي أبحر
غادر وخلالي عذاب المواني
هذا العمر عدى وهذا هو السفر
عن مقتل إحساسي وصابت حناني
هنادي،،، جانت دتغيب الشمس وتغيم الدنيا وراح يتوسد الظلام المكان
الجو بارد واني ارجف واطخ سن بسن من الخوف جان راح ينكطع كلبي واني امشي بين الاشجار واسمع صوت نباح الجلاب واصوات مرعبة مخيفة ومااعرف شنو ممكن يطلعلي بهاي الاراضي المكطوعة الي مجنت اعرفها ولا اعرف اني وين بالضبط والي بيها اشكال الحيوانات
فجأة شفت سيارتين عالية مظللة ...
وجماعة واكفين ولابسين دشاديش وعكل واصواتهم عالية ومسلحين جان اكو شاب كاعد بالارض مجتف وواحد كدامة يصارخ وموجه عليه السلاح ويجر بي من شعرة
جنت اراقبهم واحس من الخوف جسمي كلة يرتعش وجلدي كزبر اراقبهم وايدي على وجهي وحلكي وكلبي احسة راح يطلع من صدري كد مو تنفسي سريع
فارس،،،،لازم شعر هاشم وهو كاعد بالارض وموجه عليه السلاح الكاتم ويصرخ:-
يولوا مو من زلمة فارس الفارس الي يغدرة ويلعب بذيلة وياه
لك ماعشت ياجبان ولا جابتك امك بعد
انت تعرفني وتعرف الي يلعب بذيلة النجس ماارحمة اجتلة واخلي جلاب الانبار كلهي تاجل بلحمة
قصي،،،أجتلة ياشيخ ومايرمشلك جفن تفه عليه وعلى امثالة
فارس،،،وهو هذا الي راح يصير جريتة من شعرة وخليت الكاتم بحلجة وكلبي مليان منة
جان الجلب البوليسي روكي الي ويانة ينبح ومابطل نباح فجأة راح يركض بأتجاه شجرة ولحكة قصي ورة الشجرة ودنج بالارض قصي وصاح ياشيخ تعال شوف هالشوفة
فارس،،،هديت هاشم والولد جتفوه وتقدمت لقصي وثنيت جدامي وكعدت واذا بشابة واكعة بالارض صحت يولوا شنهي القضية حرمة هني!!!
بهل ارض المكطوعة عجيب شنهي قضيتها ؟
تحسست نبضها هاي عايشة
جان مغمى عليها وملابسها مقطعة ووسخة وشعرها طويل ومنثور وصاير على وجهة حاولت بالكاتم الي بأيدي ابعد شعرها عن وجهة زاد تعجبي سبحان الخالق شنهي من حسن شايلة هاي غريبة مو من هني ومو من الغربية اصلا والله اعلم
قصي،،،شيخ فارس هاي شافت كلشي هني واكيد عرفتنا وميزت شكولنا اشوف نتخلص منها بكاعها مع هالاجرب شدكول ياشيخ ؟
فارس،،،،اكعش (الزم) السلاح وتخلص من هالأغم هساع ولحكني
اني بعدين اعرف شنو سالوفتها
قصي،،،،تامر أمر لعيونك
فارس،،،حاولت اصحيها وماصحت ذبيت عكالي ع شعرها ووجهة وشلتها عن الارض وتوجهت بيها لسيارة نومتها بالمقعد الخلفي
اجى غزوان السايق حتى يسوق اشرت له ينطيني مفتاح السيارة وكتلهم تعالوا وراي صعدت بالسيارة وهمست انهوا كلشي ولحكوني
قصي،،،امر ياشيخ بس وين ماخذها
فارس،،،للمزرعة خلي نشوف قضيت هالحرمة شنهي
اخذتها وتوجهت للمزرعة كانت بعدهي مغمى عليها نزلت وفتحت المخزن وشغلت الضوة ورجعت لسيارة شلتها ودخلتها المخزن خليتها بالارض وحاولت اصحيها ماصحت
شنهي سالوفتج ياهل حرمة وشرماج علينة هالحزة بتوالي الليل
هينة هية تبين علومج الصباح رباح
طفيت الضوة وطلعت وقفلت الباب
هنادي،،،اون وراسي جان راح ينفجر احاول افتح عيوني الدنيا ظلام بظلام دامس ارجع اغمض نفس الشي يمة شنو القصة شنو عميت اني؟؟
جنت مااتذكر الا الناس الي تصارخ وبأيدهم سلاح ويريدون يقتلون شاب والجلب الي تقدم علية وهو ينبح بشكل مرعب وفاتح حلكة ولسانة شطولة وكل سن من اسنانة شكبرة هذا اخر شي اتذكرة
ظليت اريد اعرف اني وين مكدرت اعرف جانت ريحة المكان مثل الكبريت
مااتذكر يمكن رجعت نمت بوكتها وماوعيت الصبح الا وشي يدغدغ بية بوجهي وبشعري
فزيت مرعوبة والم بنفسي وبملابسي واذا بشاب ثلاثيني لابس دشداشة وشعرة عالي مسحوب ليورة ضخم حنطاوي وشواربة عالية وبأيدة سلاح وكاعد كدامي يباوعلي
ماجنت اتذكر اذا هو من ضمن الي شفتهم البارحة المسلحين او لا لان كانوا منطيني ظهرهم ومجنت اميزهم ولا حفظت شكولهم كمت ارجف ولميت رجلي بأيدي اثنينها وراسي بين رجلي وارعش مكدر حتى اباوع بوجهة
فارس،،،،شنهي سالوفتج ياحرمة؟
هنادي ،،،،ارعش واطخ سن بسن وانعقد لساني واني اباوعلة
فارس،،،،تحجي عاد شوداج لديارنا وليش جنتي تراقبينا من ورة الشجر ؟
هنادي،،،مجنت اكدر ارد لو بكلمة جان يخزرني والمسدس بأيدة
فارس ،،،وجهت السلاح عليها وجانت خايفة مني كلش..... ياصبر ايوب صبري دحجي عليه اذا ماحجيتي ميصيرلج طيب
هنادي،،،كلبي جان راح يفز مني ومااعرف شنو ارد او اكول
فارس،،،شنهي قضيتج عجل خرسة خوما خرسة
هنادي،،،هنا حسيت جاني الفرج وهزيت براسي بدون مااحجي بمعنى اي
فارس،،،ياحبيبي وين الاخرس رب العزة يذبة عليه
هنادي،،،مفهمت شنو يقصد بس جان حجية غريب وبعض كلماتة مامفهومة
فارس،،،اشرتلها على اذني وكتلها جا والسمع شحالة؟
ماردت وبقت تباوعلي ضربت طلقة عبرت من يم كتفها وصارت بالحايط هية فزت وخلت ايدها على اذنها
فارس،،،ضحكت جيد السمع شغال
هنادي ،،،،اباوع جان حتى ضحكتة مخيفة سمعت ماادري منو يناديلة برة خلالي اكل وكلي دحجي مااعوفج اذا متحجين شوداج يمي وطلع وقفل الباب
اني اباوع للمكان وايدي على كلبي ياربي اني وين وشسويت بنفسي
كمت افتر بالمكان جان مخزن بس مااعرف لشنو جان كلة جنط حديد كبار وبيها قفولة
وبي على جهة حمام ومغاسل طبيت للحمام وغسلت ورجعت اباوع للأكل ماالي نفس حتى اكل واني مااعرف شنو مصيري هنا وتندمت على جيتي ....
