မျက်စိရှေ့က ကြီးမားလှတဲ့အဆောက်အအုံကြီးကိုမော့ကြည့်လိုက်ပြီး လွယ်ထားတဲ့အိတ်ကြိုးကို ခပ်တင်းတင်းဖိကိုင်လိုက်သည်။
ဒီတစ်ခေါက်auditionကိုတော့ ရအောင်ဖြေမည်ဟု သူ့စိတ်ထဲမှာ ဆုံးဖြတ်ထားသည်။
"Park Jimin မင်းလုပ်နိုင်ပါတယ် ဟုတ်တယ်"
ကိုယ့်ကိုကိုယ်အားပေးလိုက်ပြီး ပထမခြေလှမ်းကိုစတင်လိုက်သည်။ ဆုံလည်တံခါးကြီးကိုဖြတ်ပြီးသွားတဲ့နောက်မှာတော့ အမျိုးစုံသောလူတွေကို တွေ့ရလေသည်။
စောစောက အားတင်းထားပြီးမှ အခုကျခြေတွေလက်တွေပါတုန်လာသလို။
"စိတ်လျှော့ Jimin စိတ်လျှော့"
လေပူတွေကို အပြစ်မဲ့တဲ့ နဖူးပေါ်ကဆံပင်ဝဲဝဲတွေဆီ မှုတ်ထုတ်ပြီး သက်ဆိုင်ရာနေရာကို လျှောက်ခဲ့လိုက်သည်။
သူအခုဝင်ဖြေမှာက Seagull Entရဲ့ အခွဲတစ်ခုဖြစ်တဲ့ Entပင်ဖြစ်သည်။ အမျိုးစုံသော Entတွေထဲကမှ ဒီEntကိုရွေးရခြင်းသည် လူတစ်ဦးတစ်ယောက်ရဲ့ တွန်းအားတွေကြောင့်လို့ပဲပြောရမလား။
"Jimin မင်း BigHit Entမှာဝင်ပြိုင်ပါလား သူကSeagull ရဲ့အခွဲတစ်ခုပဲ ထောင်တာမကြာသေးဘူး Auditionခေါ်နေတယ်လို့ကြားတယ် သွားဖြေပါ့လား "
Hoseok Hyungရဲ့အကြံဥာဏ်နဲ့အတူ မင်းသားနဲ့အနည်းဆုံးနီးစပ်စေချင်တာကြောင့် ယခင်ဖြေရန်လုပ်ထားတဲ့Entအစား Bighitကိုရွေးချယ်လိုက်သည်။
"ဒီအခန်းပဲ ဟုတ်တယ်Jimin မင်းလုပ်နိုင်တယ်"
ခန်းမကြီးရဲ့တံခါးကိုဖွင့်ရန် Jiminလက်ရွယ်လိုက်တော့ မထင်မှတ်စွာဘဲ လူတစ်ယောက်ကဝင်တိုက်လေသည်။
"အ"
ထိုလူကလည်း သူ့နည်းတူခန်းမထဲဝင်မည်ထင်ပါရဲ့ အမောတကောနဲ့ သူ့ကိုမရှောင်နိုင်စွာဝင်တိုက်ခြင်းသာ။
"တောင်းပန်ပါတယ် ကျနော်လောသွားလို့ပါ"
"ရပါတယ်"