خانة الذكريات

و أخيييييراً

#خانة_الذكريات
الفصل السابع و العشرين و الاخييييير
#بقلمي_اسراءالجميلي

حبيبي سرمد رجعتلي يا نور عيني ..
عرفتني تغيرت ..
بوسة امي و عبودي ..
امي : الله يرضى عليك يووم ..
اجينه الشقة اسيل و كلها صوت  ..
امي : الحمدلله من ربي انطاني عمر و جمعنه كلنه بمكان واحد ..
صوت الفرح و السعادة و الامل ..
البيت انترس صلوات ..
تعشينه و بعدها طلعنه اني و قمر بالبالكون ..
احجيلي بالتفصيل شنو سوالك الشيخ و كلبك على الابطانة ..
هههههه مو حجيتلج بالفايبر يا عمري ..
ميهم احب اسمعه مباشر ..
بديت احجيله كلشي و سالتني ١٠٠ سؤال حتى اكثر من الشيخ ..
اجاوبهه و اني متونس و كأنو بعدنه ابداية زواجنه ..
و فعلاً بالنسبة الي بداية زواجنه هاي العشرة سنين مو من عمرنه ابد ..
ضاعت هدر ..
دا اباوع جان اشوف القمر .. بدر كامل ..
لزمت جتف قمر و درت وجه عليهه ..
ما شاء الله السما صافية و منور القمر ..
حجيت بأذنه اليمين ..
تدرين بنفسج احلى منه .. و بوجودج حياتي نوره مو كم يوم بالشهر ..
لا نوره مستمر ..
هههههه حبيبي انت ..
بقيت حاضنه و نباوع سوة لحد ما برد الجو دخلنه ..
عبودي و عصام و جود بالهول ..
امي و سارة بغرفته ..
احنه نمنه بغرفة جود .. اجتي اسيل وكفت بالباب ..
اسيل : كافي عليكم سرير ابو النفر ماكو داعي افرشلكم ..
جان اضربه بالمخده سدت الباب و ضحكنه ..
حضنت قمر ..
اسف لان ضيعت كومة سنين من عمري بلياج ..
و كدرت ..............
و بسته من راسه الفرحتي ..
ثاني يوم الصبح كعدنه كلنه نتريك ..
عادت اسيل ابيتهم اول ميكعدون يعلكون قرآن مثل ما علمنه ابوية ..
امي : محجيتلكم الي صار ..
كلنا : شنوو يوم ؟
امي : لارا جايه طفل معوق و سنار واكع طفله ..
و خاليلهم عبوه بسيارة زوجه و رايح بيه ابوهه و زوج سنار ..
و امه انشلت من الخبر ..
بالوكت الحجت امي سمعت القارئ يذكر ..
قول الله تعالى سورة ابراهيم أية ٤٢ ..
(( وَلا تَحْسَبَنَّ اللَّهَ غَافِلا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ )) ..
كمت من كرسييّ و سجدت لله شكر و حمد ..
و بعد فترة اجرنه شقة و كعدنه بيه وي امي ..
عصام كال اني مرتاح وي اسيل ..
صارت حبيبتي حامل ..
صدفه بالفيس عرفت ابو المعمل جاي ديشتغل اهنا ..
و فاتح معمل و رجعت وياه براتب اعلى من اهل البلد ..
و جابت قمر احلى بنوته ..
سميناها رحمه ..
لان رحمة الله وسعت السموات و الارض ..
و جان الي منه اكبر نصيب ..
............................................................................
 سيداتي آنساتي ورداتي ..
قصتنا هذه المرة اختلفت عن القصص السابقة في انها ركزت على جانب مهم ويؤثر على حياة الكثير منا للاسف فما هي العبر التي مرت علينا واستوقفتنا ؟
١. ذهبت لارا وعصام وراء هوى  النفس، والنفس امارة بالسوء ومن يمشي وراء هوى نفسه يخسرها ويخسر رضا الله وهذا ما حصل معهم ومع اي انسان تسول له نفسه بالخطا وبعمل امر قد حرمه الله فان الله يمهل ولا يهمل والحمدلله على العدل الالهي.
٢. السحر والشعوذة امر معروف ومذكور في القران الكريم ويعد من الكبائر وفي ايامنا هذه ندرك جميعا تزايد الاعتماد ع الدجل والشعوذة من اجل تحقيق غايات معينة في دنيا فانية وكلما زاد التخلف وقل الوعي في المجتمع زاد الاعتماد ع الشعوذة والسحر مع الاسف.
٣. وكما حبل الكذب قصير فحبل السحر قصير ايضا ولا يصح الا الصحيح وكما تدين تدان بعدنا الله واياكم من شرار القوم.
٤. واهم ما يمكن ان اختم به قصتي اقتربوا من الله وتمسكوا بالطريق الحق ..
قال تعالى في سورة يونس الاية ٦٢
(( أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ ))
ومن كان مع الله يكن كل شيء معهُ ..